Балыкчы — Барскоон тилкесиндеги оңдоп-түзөө иштери менен таанышты.

Жапаров Балыкчы Барскоон жолу кандай оңдолуп жатканын текшерди. Сүрөт

504
(жаңыланган 23:43 21.08.2021)
Эгемендүү Кыргызстандын тарыхында биринчи жолу долбоорго ата мекендик компания подрядчы болууда.

БИШКЕК, 21-авг. — Sputnik. Президент Садыр Жапаров бүгүн, 21-августта, Ысык-Көл облусуна болгон иш сапарынын алкагында Балыкчы — Барскоон тилкесиндеги оңдоп-түзөө иштери менен таанышты.

Мамлекет башчысына 2021-2025-жылдарда Балыкчы — Бөкөнбаев — Барскоон жол тилкесин реконструкциялоо боюнча иштерди жүргүзүү нөлдөн 141,7 чакырымга чейин пландалганын маалымдашты. Калк жайгашкан пунктуларда жарыктандыруусу, бир жак бетинде жол бою веложолу менен жана эки тарабында жөө адамдар жүрчү жолу бар, бөлүүчү чийиндери менен төрт тилкелүү жолду куруу пландалууда. Быйыл 25 чакырым жол тилкесинде курулуш иштери жүрөт.

  • Президент Кыргызской Республики Садыр Жапаров в рамках рабочей поездки в Иссык-Кульскую область ознакомился с ходом реконструкции участка автодороги Балыкчы-Барскоон. 21 августа 2021 года
    Президент Садыр Жапаров бүгүн, 21-августта, Ысык-Көл облусуна болгон иш сапарынын алкагында Балыкчы — Барскоон тилкесиндеги оңдоп-түзөө иштери менен таанышты.
    © Пресс-служба президента КР / Султан Досалиев
  • Грузовики на участке автодороги Балыкчы-Барскоон, где ведется реконструкция
    Мамлекет башчысына 2021-2025-жылдарда Балыкчы — Бөкөнбаев — Барскоон жол тилкесин реконструкциялоо боюнча иштерди жүргүзүү нөлдөн 141,7 чакырымга чейин пландалганын маалымдашты.
    © Пресс-служба президента КР / Султан Досалиев
  • Рабочий на участке автодороги Балыкчы-Барскоон, где ведется реконструкция
    Калк жайгашкан пунктуларда жарыктандыруусу, бир жак бетинде жол бою веложолу менен жана эки тарабында жөө адамдар жүрчү жолу бар, бөлүүчү чийиндери менен төрт тилкелүү жолду куруу пландалууда.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Президент Садыр Жапаров бүгүн, 21-августта, Ысык-Көл облусуна болгон иш сапарынын алкагында Балыкчы — Барскоон тилкесиндеги оңдоп-түзөө иштери менен таанышты.

Долбоор "Кыргыз алтын" ачык акционердик коому тарабынан каржыланат.

Өзгөчө белгилей кетүүчү нерсе, эгемендүү Кыргызстандын тарыхында биринчи жолу долбоорго ата мекендик компания — Кыргыз Республикасынын Жолчулар ассоциациясы подрядчы болууда.

Садыр Жапаров бул долбоор ата мекендик компания үчүн өзүн жакшы көрсөтүп, кийин мындан кем эмес маанилүү тилкелерди алууга мүмкүндүк берерин баса белгиледи. Анын айтымында, заманбап автотрасса куруу аймактагы экономиканын жана туристтик тармактын өнүгүүсүнө маанилүү салым кошот.

Мамлекет башчы автоунаалардын үзгүлтүксүз, коопсуз жана ыңгайлуу кыймылын камсыздоо максатында бардык заманбап стандарттарга ылайык, талаптарга жооп бере турган кең тилкелүү жана сапаттуу жол куруу зарылдыгына токтолду.

Өз кезегинде компаниянын кызматкерлери бул маанилүү долбоорго катышып жатканына кубанычта болуп, сыймыктанаарын билдиришти. Иш башталгандан бери эч кандай көйгөй жаралган эмес. Андыктан бардык курулуш иш-чаралары белгиленген мөөнөттөн кечикпей жүрүүдө.

Эске салсак, Садыр Жапаров ушул жылдын июнь айында "Кумтөр Голд Компани" ЖАКы алтын кенине барган учурда өлкөнүн Транспорт жана коммуникациялар министрлигине "Кумтөр Голд Компани" ЖАКы менен биргеликте Балыкчы — Барскоон автожолун куруу маселесин иштеп чыгууну тапшырган.

504
Белгилер:
Садыр Жапаров, Ысык-Көл, жол, Барскоон, реконструкция
Тема боюнча
Бишкек: жамгырдан соң көл пайда болгон жол эми оңдолот
Бишкекте үч көчө оңдолуп бүтүп, жол ачылды
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

53
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

53
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты
Жаратылыш. Архив

Дүйшөмбүгө карата аба ырайы

12
27-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-сен. — Sputnik. Дүйшөмбү, 27-сентябрда, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Ысык-Көл, Нарын өрөөндөрүндө +22...+27, Таласта +20...+25, Ош, Жалал-Абад жана Баткен облустарында +24...+29 градус болору айтылды.

Күндүн табы Бишкекте +25...+27, Ош калаасында +27...+29 градуска көтөрүлөт.

12
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы