БИШКЕК, 22-авг. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.
Ага ылайык, Бишкекте 24-августта күндүз өткүн өтүп, күн күркүрөшү мүмкүн. Калган убакта күн ачык болору айтылды.
Чүй
Апта ичи күн ачык болот. Тоолуу райондордо өткүн өтүп, күн күркүрөйт.
Талас
23-24-августта күндүз кээ бир райондордо жаан жаайт. Ал эми башка күндөрү тоолуу аймактарда өткүн өтөт.
Ош
28-августта күндүз кээ бир райондордо өткүн өтөт. Калган убакта күндүн көзү бузулбайт.
Жалал-Абад
Облуста апта ичи күн ачык, адаттагыдай тоолуу аймактарында жаан жаашы мүмкүн.
Баткен
Аймакта жаан-чачын болбойт.
Ысык-Көл
24-августта түнкүсүн кээ бир райондордо, күндүз көпчүлүк аймактарда жаан жаайт.
Ал эми 25-августта жана 26-27-августта күндүз кээ бир райондордо өткүн өтүп, күн күркүрөшү күтүлөт.
Нарын
23-августта күндүз жана 24-августта мезгил-мезгили менен жаан жаап, күн күркүрөшү күтүлөт.
25-августта кээ бир райондордо өткүн өтүп, күн күркүрөйт.
27-28-августта күндүз кээ бир райондордо өткүн өтөт.
