Вакцина алып жаткан кыз. Архив

Бир суткада 16 747 адам коронавируска каршы вакцина алды

44
(жаңыланган 10:51 22.08.2021)
Жалпысынан эмдөөдөн өткөндөрдүн ичинен 634 671и биринчи дозаны, ал эми 352 400 адам экинчи дозаны сайдырганы айтылды.

БИШКЕК, 22-авг. — Sputnik. Кечээтен бери өлкөдө 16 747 киши COVID-19га каршы эмделди. Бул тууралуу Республикалык штаб билдирди.

Маалыматка караганда, бир суткада эмделгендердин ичинен 4 375 киши вакцинанын биринчи дозасын сайдырса, 12 372 адам экинчи дозасын алган.

Жалпысынан эмдөөдөн өткөндөрдүн ичинен 634 671и биринчи дозаны, ал эми 352 400 адам экинчи дозаны сайдырганы айтылды.

COVID-19га каршы вакцинациялоо боюнча улуттук пландын алкагында Кыргызстанда 3,4 миллион адамды эмдөө каралган. Жамааттык иммунитет жаралышы үчүн кеминде калктын 70 пайызы вакцина алышы зарыл. Бул 2,4 миллион адамды түзөт.

44
Белгилер:
Кыргызстан, коронавирус, вакцина, эмдөө
Тема:
Коронавируска каршы эмдөө (257)
Тема боюнча
Германия Кыргызстанга 110 миң доза вакцина жиберет
Автоунаалар. Архив

Жакында 453 айыл өкмөттүн башчысы жаңы унаалуу болушу мүмкүн. Жапаровдун планы

20
Өкмөт башчы соңку ирет айыл өкмөттөргө 2006-жылы кызматтык унаалар берилгенин айтып, анда 5 жыл сайын жаңылап туруу пландалганын белгиледи.

БИШКЕК, 27-окт. — Sputnik. Жогорку Кеңештин депутаты Сайдулла Нышанов айыл өкмөт башчыларга жаңы автоунаа алып берүүнү сунуштады.

Эл өкүлү президент жакында акимдерди жаңы автоунаа менен камсыздай турганын айтканын мисал келтирди.

"Ошол эле учурда 453 айыл өкмөттүн дагы маселесин чечиш керек, алар 15 жылдан бери жаңы машинанын жүзүн көрө элек", — деди Нышанов.

Буга министрлер кабинетинин төрагасы Акылбек Жапаров жооп берип, жеке эле айыл өкмөт, аким эмес, жалпы кыргызстандыктардын унааларын электромобилдерге өтүүгө үндөй турганын жана лизингге алып берүүгө даяр экенин билдирди.

"Сиз абдан туура айттыңыз, жүдөп-какап, автоунаалары ремонттон ремонтко барып бузулуп жүрбөш керек. Кереги бар жерлерде машиналардын баары жаңырышы керек. 2006-жылы биз баарына жаңы автоунаа алып бергенбиз. Ошондо сиз экөөбүз беш жыл сайын жаңылап туралы деп сүйлөшкөнбүз. Тилекке каршы, кырдаал өзгөрүп кеткен эле. Азыр, буюрса, акча бар", — деди Жапаров.

Ошондой эле мамлекеттик кызматкерлерди автоунаа менен камсыздоо боюнча атайын план иштеп чыкканын белгиледи.

20
Белгилер:
айыл өкмөтү, аким, Акылбек Жапаров, автоунаа, Сайдулла Нышанов
Тема боюнча
Жапаров акимдерге 60 млн. сомго унаа алуу боюнча тендерди жокко чыгарууну тапшырды
Екатеринбург аэропортундагы жүргүнчүлөр. Архив

Россия 2030-жылга чейин мигранттарды тартуу үчүн кандай аракет көрөрүн айтты

21
(жаңыланган 11:34 27.10.2021)
COVID-19 пандемиясы күч алып кетпесе, Россия алдыдагы он жылдын ичинде мигранттарды тартуу үчүн жакшы шарттарды түүзүп берерин билдирди.

БИШКЕК, 27-окт. — Sputnik. Россия өкмөтү 2030-жылга чейин өлкөдө мигранттардын саны өсүп, улуттук программалардын туруктуу ишке ашышына шарт түзүлөт деп үмүт артууда. Маалымат РФтин Экономикалык өнүктүрүү министрлигинин сайтына жарыяланды.

Документте айтылгандай, Россия келечекте коомго бат аралашып кете турган чет элдик адистерди тартуу жолу менен мигранттардын санын жогорулатууну көздөп жатат.

"Ал үчүн Россия өзү кам көрөт. Мисалы, чет элдиктердин Россияда билим алышына шарттар түзүлөт. Социалдык-маданий жактан бат көнүп кетүү үчүн аракеттер көрүлөт. Ошондой эле жаш жана таланттуу кадрларды тартуу үчүн аларга ыңгайлуу шарттар каралат", — деп айтылат маалыматта.

Мындан тышкары, мигранттар көп келчү өлкөлөрдө орус тилин өнүктүрүү боюнча программалар ишке ашары кошумчаланды.

21
Белгилер:
Россия, миграция, аракет, план
Тема боюнча
Москвада мигранттар COVID-19га акысыз экспресс-тест тапшыра алат. Шарты