Олимпиада оюндарында медаль алган спортчуларга берилген Toyota Rav 4 автоунаалар

Президент Жапаров олимпиадачыларга берген Toyota автоунаалары канча турат

4013
(жаңыланган 14:53 23.08.2021)
"Тойота Центр" борбору автоунаалар алардан сатып алынганын тастыктап, темир тулпарлар 2021-жылы чыкканын айтышты.

БИШКЕК, 23-авг. — Sputnik. Олимпиада оюндарында медаль алган спортчуларга берилген Toyota Rav 4 үлгүсүндөгү автоунаалар 3,3 миллион сом турары (39 миң доллардан бир аз жогору) Toyota Center Bishkek борборунун сайтында жазылган.

Бүгүн мамлекет башчы Садыр Жапаров Олимпиададан күмүш медаль алган Айсулуу Тыныбекова, Акжол Махмудов жана коло байгенин ээси Мээрим Жуманазаровага бирден автоунаа тапшырды. Коомдук телерадиокорпорациясынан машиналар президенттин атынан берилгени кабарланды.

"Тойота Центр" борбору автоунаалар алардан сатып алынганын тастыктап, темир тулпарлар 2021-жылы чыкканын айтышты.

Токиодо өткөн XXXII жайкы Олимпиада оюндарынын катышуучуларына мамлекеттик сыйлык тапшыруу аземи өттү
© Пресс-служба президента КР / Султан Досалиев
Бул үлгүдөгү унаалардын баасы кубаттуулугуна жана кыймылдаткычынын көлөмүнө жараша да айырмаланып турат. Мисалы, кыймылдаткычынын көлөмү 1987 куб сантиметрликтери 3 миллион 323 миң 500 сом болсо, чакырымына 2,5 литр бензин сарптаганы 3,5 миллион сом турат.

Президент белекке берген автоунаалардын өзгөчөлүктөрү азырынча белгисиз.

Айсулуу Тыныбекова соцтармак аркылуу президентке белек үчүн ыраазычылык билдирди.

Сыйлык алган спортчулардын толук тизмеси менен таанышыңыз.

4013
Белгилер:
Кыргызстан, Олимпиада-2020, Садыр Жапаров, машина, баа
Тема боюнча
Жапаров: кийинки Олимпиадада үч алтын медаль алып келгиле, милдет коём!
Жапаров Нурбек Изабеков менен Мейрамбек Ахметовго акчалай сыйлык берди
Бишкек Жылуулук электр борборунун башкы инженеринин орун басары Нурлан Кулжыгачов

Кулжыгачов: Бишкек ЖЭБи күзгү-кышкы жылытуу мезгилине даяр

7
Бишкек Жылуулук электр борборунун башкы инженеринин орун басары Нурлан Кулжыгачов Бишкек ЖЭБ күзгү-кышкы жылытуу мезгилине даярдык пландык негизде аткарылып жаткандыгын айтты.

Күз-кыш мезгилинен өтүү үчүн Бишкек шаарынын ЖЭБине жалпысынан 1 миллион 650 миң тонна көмүр керек. Мындай маалыматты Нурлан Кулжыгачов Sputnik Кыргызстан радиосунун эфиринде билдирди.

Кулжыгачов: Бишкек ЖЭБи күзгү-кышкы жылытуу мезгилине даяр

Анын айтымында, калкты, анын ичинде социалдык жана башка объектилерди үзгүлтүксүз электр энергиясы жана жылуулук менен камсыз кылуу үчүн тынымсыз иштер жүрүүдө.

"Келе жаткан 2021-2022-жылдагы күз-кыш жылытуу мезгилине өкмөттүн токтому боюнча 1 миллион 650 миң тонна көмүр керек. Анын бир миллион тоннасы жергиликтүү Кара-Кече көмүрү болсо, 643 миң тоннасы импорттолот. Учурда келишимдин баары түзүлүп, коюлган графиктин негизинде келип жатат. Кампада 225 миң тонна көмүр бар. Мындан тышкары, биздин ишканада 17 буу казан, тогуз буу агрегатыбыз бар. От казандарды жана турбогенераторлорду оңдоо белгиленген мөөнөтүндө аткарылып жатат", — деди Кулжыгачов.

Ошондой эле адис Бишкек Жылуулук электр борбору республикадагы электр энергиясынын 15 пайызын камсыз кыларын кошумчалады.

Подкасттын толук вариантын видеодон көрүңүз:

7
Белгилер:
Бишкек, жылуулук, электр жарыгы, жылытуу маалы, ысык суу
Тема боюнча
Суу тартыштыгы. Министрлик элди көмүр менен газ камдоого чакырды
Кыргызстан курулуш жана курулуш өнөр жай материалдары профсоюзунун төрагасы Элдияр Карачалов

Карачалов: декреттик өргүү убактысы бүткөн күнү жумушка чыгуу укугу бар

2
Кыргызстан курулуш жана курулуш өнөр жай материалдары профсоюзунун төрагасы Элдияр Карачалов декреттик өргүүдөн чыккан ата-энелердин укук, милдеттери тууралуу айтып берди.

Балалуу болгондугуна байланыштуу убактылуу иштен кеткен жарандар белгиленген убакыт аяктаган күндөн тартып ишке чыга алат. Бул тууралуу билдирүүнү Элдияр Карачалов Sputnik Кыргызстан радиосуна маек куруп жатып билдирди.

Карачалов: декреттик өргүү убактысы бүткөн күнү жумушка чыгуу укугу бар

Анын айтымында, өлкөдө бул эмгек нормасы анчейин сактала бербейт.

"Кыргызстандын Эмгек кодексинде декреттик өргүүгө чыккан ата-эне мөөнөтү аяктаган соң мынча убакыттын ичинде ишке чыгышы керек деп так убактысы көрсөтүлгөн эмес. Андыктан декрети бүткөн күндөн тартып эгер узартууну каалабаса кызматын аркалай берсе болот. Жумушуна кайра кайтып келүү үчүн арызын жазып, анын көчүрмөсүн өзүнө калтырат. Кызматкер ошол күндөн тарта, ашып кетсе эртеси ишке чыкты деп эсептелип, декреттик өргүүсү токтотулат. Анын ордуна алынган кызматкер менен түзүлгөн келишим автоматтык түрдө күчүн жоготот. Тилекке каршы, бизде иш берүүчүлөр декреттен чыккан энелердин укугун тебелеп, күттүрүп койгон учурлар көп кездешет", — деди Карачалов.

Ал ошондой эле декреттик өргүүдөн колдонуу же андан баш тартуу ар бир кызматкердин жеке укугу экендигин кошумчалады.

2
Белгилер:
Элдияр Карачалов, укук, иш, декрет, эмгек өргүү, мыйзам
Тема боюнча
Карачалов: Россияда эмгек инспекторлору жеринде чечим кабыл ала алат
Акча берүү. Архивдик сүрөт

Каржы пирамидасынан канткенде оолак боло алабыз. Ысык-Көл ОИИБден 7 кеңеш

7
(жаңыланган 11:31 20.09.2021)
Милиция жаңы катышып жаткандар каражатын сарптагандан кийин каржы пирамидасы белгисиз себептен жабылып, аны уюштургандар акчаны алып аларын эскертти.

БИШКЕК, 20-сен. — Sputnik. Ысык-Көл облустук ички иштер башкармалыгы каржы пирамидасынын жана алдамчылыктын курмандыгы болуп калбоо үчүн эмнелерди биле жүрүү керектигин айтып берди.

Учурда облустук милиция бул жаатта аймактарда түшүндүрүү иштерин жүргүзүп, эскертмелерди таратып жатат.

"Адатта жаңы катышып жаткандар каражатын сарптагандан кийин финансы пирамидасы белгисиз себептен жабылат. Ошол эле учурда мындай схеманы уюштургандар акчанын көп бөлүгүн ээлеп калышат. Жөнөкөй коопсуздук чараларын сактоо менен жарандар алдамчылыктын бул түрүнөн оолак болушат", — деп айтылат маалыматта.

2020-2021-жылдардын аралыгында Балыкчы менен Каракол шаарында уюшулган сегиз каржы пирамидасынын мыйзамсыз ишмердүүлүгүнөн улам көп киши жабыр тартканы белгиленет. Үстүбүздөгү жылдын башынан бери соттун кароосуна 50 миллион сомдон ашык зыян келтирген 870ке жакын иш жөнөтүлгөн.

Ысык-Көл ОИИБ шылуундардын торуна түшүп, каражатты алдырып ийбеш үчүн финансылык пирамиданын негизги белгилери тууралуу айтты.

Ири киреше убадалоо

Алдамчылар кирешени жылына 50, 100, керек болсо 200 пайыз менен кепилдик беришет. Негизи оптималдуу киреше депозиттер боюнча чендердин жана банктын насыяларынын орточо пайыздарынын ортосунда болушу керек. Эгерде сизге сунуштаган киреше банк насыяларынын ченинен жогору болсо (Кыргызстандын рыногундагы улуттук валютада 22-25 пайыз) мындай уюм финансылык пирамида болушу мүмкүн.

Продуктунун жоктугу

Эгерде сизди чакырып жаткан уюмда эч кандай продукт болбосо — бул каржы пирамидасы. Кээде жашырынган финансылык пирамидалар да болушу мүмкүн. Продуктусу бар, бирок аларды эч ким колдонбойт: бул туристтик кызматтар (элиталык эс алуу), компьютердик сабаттуулук, чет тилдери жана башка ушул сыяктуу программалар. Бул продуктуларды сунуштаган компания улам кошулган адамдардын акчасынан киреше алат.

Башка адамдарды тартуунун эсебинен киреше алуу

Эгерде сиздин негизги тапшырмаңыз башка адамдарды тартуу болсо жана кирешеңиз ошолор кошкон акчалардан түзүлсө муну финансылык пирамида деп айтууга болот.

Жетекчилик, отчёт жашыруун болсо

Эгерде жетекчилик тууралуу маалыматтар жашыруун болсо жана финансылык отчёттуулук берилбесе ага акчаңызды салардан мурда терең ойлонушуңуз керек. Ишенимдүү компанияларда бардыгы ачык-айкын жана жеткиликтүү болот.

Акчадан көз каранды болбойсуң дешет

Көбүнчө финансылык пирамидалардын уюштуруучулары жаңы катышуучулардын психологиясына таасир этишет. Финансылык көз карандысыздык жана эркиндик жөнүндө сүйлөп, ишенимдүү убадаларды беришет. Оратор катары башка адамдардын эмоцияларын башкара алган адамдар сүйлөшөт.

Жыйналыш, байгелерди ойнотуу

Сизге анча билбеген жамааттык иш-чараларга, ошондой эле байге жана жолдомо ойнотууларга катышпай эле коюңуз. Финансылык пирамидалар муну ийгиликтүү жана кирешелүү компаниянын образын түзүү үчүн жасашат.

Эң негизги кеңеш

Финансылык пирамиданын курмандыгы болбош үчүн эң эле жөнөкөй нерсе — этият болуу керек. Кепилденген жогорку киреше тууралуу убадага ишенбегиле, каражатыңызды күмөндүү компанияларга жана адамдарга бербегиле. Финансы рыногунун кесипкөй адамдары менен кеңешкиле. Эмоцияларга жана убадаларга ишенбей, өзүңүздү башкара билиңиздер.

Акчаны берерден мурун уюмдун уруксат кагаздарын дыкат текшерип, финансылык отчёттуулугун жана жетекчилик тууралуу маалыматтарын суроо керек. Компаниянын кирешеси эмненин эсебинен түзүлө турганын, ошондой эле сиздин каражаттар кайда кете турганын тактоо зарыл.

7
Белгилер:
Ысык-Көл району, ОИИБ, милиция, каржы пирамидасы, алдамчылык, каражат, эскертүү
Тема боюнча
Бекер оокат жок! ИИМ финансылык пирамидаларды кантип аныктаса болорун айтты