Киши смартфон менен. Иллюстративдик сүрөт

Кандай тиркемелер смартфондун эс-тутумун ээлеп алат. Адистин түшүндүрмөсү

231
Адис чөнтөк телефонду кантип тазалаш керектигин ырааты менен тизмектеп, айтып берди.

БИШКЕК, 24-авг. — Sputnik. Кандай тиркемелер телефондун эс-тутумун "жеп кетерин" "Прайм" агенттигине Россиядагы Санарип борборунун аналитик-изилдөөчүсү Эльвина Гильфанова айтып берди.

"Мобилдик тиркеменин функциялары канча көп болсо, телефондон ошончолук арбын орунду ээлейт. Маселен, Яндекс.Go тиркемесинин программасында такси чакыруу, буюртманы жеткирүү сыяктуу "милдеттер" бир топ орунду алат", — деген адис.

Аны менен катар эле мессенжерлер, музыкалык сервис жана файлдардын топтому да байкалбаган менен эсти ээлеп коёрун кошумчалады.

Гильфанованын айтымында, мессенжер менен браузерлерде тиркеменин ички тескөөлөрү менен эс-тутумду пайдаланууну жөндөй турган мүмкүнчүлүктөр бар. Бош орундун көлөмүн көбөйтүш үчүн медиафайлдар менен кэшти тазалаш керек. Смартфондун эсин дал ушулар "жеп" турат.

Чөнтөк телефонду опциялардын жардамы менен "жеңилдетсе" болот. Маселен, Apple аппараттарында Delete application деп аталган функцияны колдонсо маалыматтар жоголбойт.

"Тиркемени кайра жүктөө ал App Store системасында дагы деле жеткиликтүү болгон шартта маалыматтарды жок кылып салбай, кайтарып берет", — деди Гильфанова.

Android системасында эс тазалаган меню бардык телефондун тескөөлөрүндө жеткиликтүү. Анда "Настройки" бөлүмүнө кирип, андан "Приложения" бөлүмүнө өтүп, мындан соң гана көлөмүнө жараша бөлүштүрсө болот. Ал чоң программаларды көрсөтөт. Эс-тутумдун жүгүн азайтыш үчүн "кэшти тазалоо" же "маалыматтарды тазалоо" деген жерди басыш керек.

231
Белгилер:
смартфон, адис, кеңеш, эс-тутум
Тема боюнча
Телефон жаныңызда турганда эмне тууралуу сүйлөшпөш керек? Эксперттин кеңеши
Смартфонго көп үңүлгөндөрдүн көзү кургап, иммунитети төмөндөйт
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

46
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

46
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Милиция кызматкерлери. Архив

Бишкек: заводдун аймагынан бомба табылган жок. Ишти эми УКМК изилдейт

98
(жаңыланган 22:33 20.09.2021)
Атын атагысы келбеген киши милицияга саат 14:50 чамасында чалып, имаратка бомба коюлгандыгын кабарлаган.

БИШКЕК, 20-сен. — Sputnik. Борбор калаадагы Фрунзе атындагы заводдун аймагынан бомба табылган жок. Бул тууралуу Ленин райондук милициясынан кабарлады.

"Калп айтып, коомчулукту дүрбөткөн факты Ленин райондук ИИБине катталды. Чогултулган материалдар эми УКМКга өткөрүп берилет", — деп айтты маалымат кызматынан.

Аталган жайга бомба коюлду деген кабар милицияга саат 14:50 чамасында келип түшкөн.

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен. Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери да барган.

98
Белгилер:
Кыргызстан, Бишкек, бомба, жалган маалымат
Тема боюнча
Бишкекте Фрунзе заводунун аймагынан бомба издеп жатышат