Медициналык кызматкер иш учурунда. Архив

Кыргызстанда мүлкүн жана ден соолугун камсыздандыргандар көбөйдү

52
1-июлга карата компания тарабынан 129 миң камсыздандыруу келишими түзүлдү. Бул өткөн жылдын тиешелүү мезгилине караганда 1,9 эсеге көп.

БИШКЕК, 24-авг. — Sputnik. 2021-жылдын биринчи жарымында республикада 14 камсыздандыруу компаниясы ишмердигин жүргүздү. Алардын кирешелери былтыркы жылдын ушул учуруна салыштырмалуу 1,6 эсеге өсүп, 0,9 миллиард сомду түзгөнүн Улуттук статистика комитети маалымдады.

"1-июлга карата компаниялар тарабынан 129 миң камсыздандыруу келишими түзүлдү. Бул өткөн жылдын тиешелүү мезгилине караганда 1,9 эсеге көп. Түзүлгөн келишимдердин 90 пайыздан ашыгы жеке жактарга туура келди", — деп айтылат билдирүүдө.

Ошондой эле жыл башынан бери түзүлгөн келишимдердин 75 пайызы ыктыярдуу камсыздандыруу экени кошумчаланды. Кыргызстандыктар арасында жоопкерчиликти жана мүлктү камсыздандыргандар көбөйө баштаганы айтылат.

Мындан тышкары, жылдын башынан тарта 4 миңден ашык киши өзүн медициналык жактан камсыздандырган. Алардын ичинен 68 пайызы бул кадамга өз ыктыяры менен барган.

52
Белгилер:
Кыргызстан, камсыздандыруу, киреше, экономика, медицина
Тема боюнча
Кыргызстандыктар жыл башынан бери канча кредит алганы айтылды
Бишкекте салыкты калкты тейлөө борборлорунан да төгүүгө болот. Дареги
Комуз. Архивдик сүрөт

Ош шаарында төкмө акындардын айтышы өтөт

16
Мэрия шаардыктарды жана анын конокторун акындарды колдоп жана айтыштан эргүү алып кетүүгө чакырды.

БИШКЕК, 20-сен. — Sputnik. Ош шаарында 23-сентябрда республикалык төкмө акындардын "Ак таңдай-2021" деп аталган айтышы башталат. Бул тууралуу Ош мэриясынын маалымат кызматы социалдык тармактагы баракчасына чыгарды.

Бул сынак "Алтын комуз" байгесине арналганы айтылды.

"22-сентябрда "Санжыра" эс алуу жайында тандоо туру, ал эми 23-сентябрда Султан Ибраимов атындагы улуттук драма театрында "Ак таңдай-2021" республикалык төкмө акындардын айтышы башталат", — деп жазылган маалыматта.

Мэрия шаардыктарды жана анын конокторун акындарды колдоп жана айтыштан эргүү алып кетүүгө чакырды.

Ага тиркелген жарнама видеодо Мамлекеттик тил күнү жана Ош шаарынын күнүн утурлай уюштурулган бул иш-чараны "Ак таңдай" коомдук фонду, Ош шаардык мэриясы жана ЭлТР каналы биргелешип уюштургандыгы кабарланган.

16
Белгилер:
Кыргызстан, Ош шаары
Тема боюнча
Кыргыз-казак эл аралык айтыш жыйынтыкталып, жеңүүчүлөр аныкталды

Бир нече мүнөттүн ичинде үч ажалдан кутулган антилопанын видеосу

13
Туристтер антилопанын бир эмес, бир нече ирет кургак жерден да, суунун ичинен да кол салууга камданган душмандарынан кутулуп, ажалдан аман калган учуруна күбө болгон.

Бул тууралуу видео Latest Sightings YouTube каналына жарыяланды.

Бул күлүк, бирок алсыз жаныбар алгач африкалык 16 жапайы иттин таландысына кала жаздаган. Жанына күч келгенде көлмөгө кире качкан. Кыңшылаган гиена сыяктуу иттер олжосунан кол жууп, шилекейин чууртуп жээкте кала берген.

Видеону ошол жерде туристтерди коштоп жүргөн 24 жаштагы Рейнжер Дэниел Хитчингс тартып алган.

Антилопа сууга кирип аркы өйүзгө сүзүп бара жатканда андан бир нече метр аралыкта крокодил пайда болуп, тооруп баштаган. Сырттан карап турган кишинин чыдамы кете турган бул картина эч кандай окуясыз аяктап, антилопа аллигатордон да кутулган. Үчүнчү дагы бир кооптуулук аны жээкке жакын жерде күтүп турган. Үйүрү менен сууга түшүп жаткан бегемоттордун эң ириси ага жакындап келип, секиргенде антилопа шамдагайлыгы менен чет жакка ойт бергенге жетишип калган. Алсыз, бирок эч кимге зыяны жок жаныбар бактыга жараша, бир нече ирет ажалдын чеңгелинен кутулуп, жээкке чыгып, андан ары секирген тейде бадалдын арасына кирип кеткен. Ошентип, бул ирет да ага жашоо жылмайган.

13
Белгилер:
Түштүк Африка Республикасы, жаратылыш, антилопа, жайыт, ит, бегемот
Тема боюнча
Кудум ниндзядай. Кабыландын антилопага чукул келип кол салган видеосу
Жан айласын кылып сууга кирген антилопанын кейиштүү окуясы. Видео