Ош шаарына Мухтар Умаров баштаган Өзбекстандын бизнести өнүктүрүү ассоциациясынын өкүлдөрү келишти

Ошко Өзбекстандын ишкерлери келди. Сүрөт

174
(жаңыланган 14:53 24.08.2021)
25-августка чейин Өзбекстандын бизнести өнүктүрүү ассоциациясынын өкүлдөрү Ош шаарындагы ишкерлер менен биргеликте бир катар иш-чараларды өткөрүшөт.

БИШКЕК, 24-авг. — Sputnik. Бүгүн, 24-август күнү, Ош шаарына Мухтар Умаров баштаган Өзбекстандын бизнести өнүктүрүү ассоциациясынын өкүлдөрү келишти. Аларды шаар башчысынын милдетин аткаруучу Алмаз Мамбетов кабыл алганын мэриянын маалымат кызматы билдирди.

  • Исполняющий обязанности мэра города Ош Алмаз Мамбетов провел встречу с представителями Ассоциации развития бизнеса Узбекистана во главе с руководителем Мухтаром Умаровым. 24 августа 2021 года
    Бүгүн, 24-август күнү, Ош шаарына Мухтар Умаров баштаган Өзбекстандын бизнести өнүктүрүү ассоциациясынын өкүлдөрү келишти.
    © пресс-служба мэрии города Бишкек
  • Исполняющий обязанности мэра города Ош Алмаз Мамбетов провел встречу с представителями Ассоциации развития бизнеса Узбекистана во главе с руководителем Мухтаром Умаровым. 24 августа 2021 года
    Аларды шаар башчысынын милдетин аткаруучу Алмаз Мамбетов кабыл алганын мэриянын маалымат кызматы билдирди.
    © пресс-служба мэрии города Бишкек
1 / 2
© пресс-служба мэрии города Бишкек
Бүгүн, 24-август күнү, Ош шаарына Мухтар Умаров баштаган Өзбекстандын бизнести өнүктүрүү ассоциациясынын өкүлдөрү келишти.

Анда депутаттар, жеке ишкерлер, бейөкмөт уюмдардын өкүлдөрү болуп 20га жакын делегат келген. Жолугушууда Мамбетов ишкерлерге шарт түзүп берүүгө жана кызматташууга Ош шаарынын мэриясы ар дайым кызыкдар экендигин билдирди.

"Бүгүнкү болуп жаткан иш-чара кагаз жүзүндө калбашы керек. Бири-бирибиз менен туруктуу кызматташып, эки мамлекеттин экономикалык багытын жогорулатууга салым кошолу. Реалдуу кадамдарга барып, долбоорлорду ишке ашыралы", — деген Мамбетов.

Белгилей кетсек, аталган иш-чара президенттин инвестиция тартуу боюнча тапшырмасынын алкагында жүрүп жатат. 25-августка чейин Өзбекстандын бизнести өнүктүрүү ассоциациясынын өкүлдөрү Ош шаарындагы ишкерлер менен биргеликте бир катар иш-чараларды өткөрүшөт.

174
Белгилер:
Ош, Алмаз Мамбетов, Өзбекстан, ишкер, кызматташтык
Тема боюнча
Ат-Башыда жүн, тери иштеткен кыргыз-өзбек ишканасын куруу пландалууда
Жумгал районуна Алтайдан асыл тукум мал алып келинет
COVID-19 менен ооруган бейтаптар үчүн убактылуу оорукананын реанимациясы

COVID: 58 киши вирус жугузуп, эки бейтап көз жумду

18
(жаңыланган 09:40 20.09.2021)
Кыргызстан боюнча илдет илештиргендердин жалпы саны 177 780ге жетип, анын ичинен 172 261 киши дартты жеңген.

БИШКЕК, 20-сен. — Sputnik. Өткөн суткада Кыргызстанда 58 кишиден коронавирус аныкталып, 72 киши сакайып кетти. Бул тууралуу Республикалык штаб кабарлады.

Жуктургандар:

  • Бишкек – 36;
  • Чүй облусу – 6;
  • Талас облусу – 1;
  • Нарын облусу – 1;
  • Ысык-Көл облусу – 9;
  • Жалал-Абад облусу – 5.

Өлкөдө илдет илештиргендердин жалпы саны 177 780ге жетип, анын ичинен 172 261 киши дартты жеңген.

Акыркы 24 саат ичинде эки киши каза таап, коронавирустан көз жумгандардын саны жалпысынан 2 590го жетти.

Стационарда 591 жана амбулатордук шартта 868 адам дарыланып жатканы кабарланды.

18
Белгилер:
Кыргызстан, коронавирус, статистика
Тема:
Кыргызстандагы коронавирус жуктуруп алгандар
Тема боюнча
Коркпой-этпей алгыла! Мамакеев элди эмдөөдөн өтүүгө үндөдү
Кофе кармап бараткан аял. Архивдик сүрөт

Диетолог кофени кайсы маалда ичпеш керектигин айтты

26
Кофени ачкарын ичүү ичеги-карын оорулары, ашказандан бөлүнгөн ашыкча кычкыл жана гастрит менен жабыркагандарга ыңгайсыздык жаратары айтылды.

БИШКЕК, 20-сен. — Sputnik. Көбү таңды кофеден баштайт, бирок аны ачкарын эмес тамактан кийин ичүү зарыл. Бул тууралуу Sputnik радиосуна врач-диетолог, нутрициолог Ирина Лизун билдирди. 

Анын айтымында, бул ичеги-карын менен ашказан ооруларын алдын алат.

"Кофе туз кислотасынын бөлүнүп чыгышын шарттайт. Аны ачкарын ичсеңиз ашказан тамакты сиңире турчу ширесин бөлүп чыгара баштайт, бирок курсакта эч нерсе жок да. Ичеги-карын оорулары бар адамдарга, ашказанынан ашыкча кычкыл бөлүнүп турган кишилерге жана гастрит менен жабыркагандарга ыңгайсыздык жаратып, оорутуп, зарна кылышы мүмкүн", — деди диетолог.

Ошондой эле ал түштөнүүнү да бир чыны кофеге алмаштыруу туура эмес экенин айтып, күндүн жарымында адам күч-кубат бере турчу тамактардан жеши керектигин айткан.

Кофени тамактанып жатканда же андан кийин, болбосо шам-шум катары бир нерсе менен кошо ичүү керектигин билдирген. Ошондой эле кофени жатарга 3-4 саат калганда колдонбой эле койгон туура экенин кошумчалаган. 

26
Белгилер:
диетолог, кофе, ашказан, оору
Тема боюнча
Адис: кофени көп ичкен эркектер простата рагынан оолак болушат