Унаа күбөлүгүн алуу. Архивдик сүрөт

Коррупцияга жол бербеңиз! "Унаа" ишканасынын кызмат акылары

283
(жаңыланган 15:58 24.08.2021)
Баалар банктык кызмат акылары эске алынбастан көрсөтүлдү. Коррупциялык көрүнүштөрдү байкаган учурда жарандар 119 номерине кайрылса болот.

БИШКЕК, 24-авг. — Sputnik. Санариптик өнүктүрүү министрлигинин алдындагы "Унаа" мамлекеттик ишканасы ар кандай коррупциялык көрүнүштөргө жол бербөө максатында автоунаа каттатуу, кайра каттатуу жана башка документтерди алуу учурундагы кызмат акыларын эске салды.

Баалар төмөнкүдөй:

  • "Унаа" мамлекеттик ишканасынын аймагында автоунааны текшертүү – 141 сом;
  • автоунааны токтоп турган жерине барып текшерүү – 140 сом (транспорттук чыгымдарды эске албаганда);
  • автоунаа боюнча маалымат базасын түзүү — 141 сом;
  • мамлекеттик номер берүү – 141 сом;
  • автоунааны каттоого же кайра каттоого алып, документтерин даярдап берүү — 141 сом;
  • Тракторист-машинист күбөлүгүн берүү боюнча кызмат акылары:
  • тракторист-машинист күбөлүгүн каттоо жана берүү – 135 сом;
  • транспорттук каражат жана айдоочулук күбөлүктү тастыктоочу документ – 142 сом;
  • айдоочулук күбөлүк берүү – 141 сом.

Кагаз документтердин баасы:

  • транспорт каражатын каттоого алуу – 192 сом;
  • улуттук үлгүдөгү айдоочулук күбөлүк — 100,86 сом;
  • эл аралык үлгүдөгү айдоочулук күбөлүк — 52 сом;
  • техникалык паспорт – 43 сом;
  • мамлекеттик номердин акысы –  650 сом;
  • атайын техникалар үчүн мамлекеттик номердин акысы – 325 сом;
  • персонификациялоо үчүн кызмат акысы — 255 сом;

Баалар банктык кызмат акылары эске алынбастан көрсөтүлдү. Коррупциялык көрүнүштөрдү байкаган учурда жарандар 119 номерине кайрылса болот.

283
Белгилер:
Кыргызстан, автоунаа, кызмат, баа
Тема боюнча
Санариптик өнүктүрүү министрлигинин адистеринин номерлери
Кабулдагы нааразылык акциясында афгандык аял

Талибдер аялдар үйдө отуруп, алардын ордуна эркектер иштеши керектигин айтты

17
(жаңыланган 10:32 20.09.2021)
Кабулдун мэринин милдетин аткарып жаткан адамдын айтымында, аялдар мурда иштеп келген кызматын эми эркектерге бериши кажет.

БИШКЕК, 20-авг. — Sputnik. Кабулдун шаардык чарба системасындагы эркектер иштей алчу кызматты аркалаган аялдар үйдө отуруп, жумушка чыкпашы керек. Бул тууралуу Афганистандын борбор калаасынын мэринин милдетин аткаруучу Молави Хамдулла Номани айтканын РИА Новости жазды.

Калаа башчынын милдетин аткаруучунун айтымына караганда, шаардык чарбада 2,9 миң адам иштесе, алардын 27 пайызы аялдар. Кыз-келиндер райондордун администрацияларында, курулуш жана инженерия тармагында да эмгектенишет.

"Биз жумушун эркектер алмаштыра албай турган же эркектин иши эмес болгон кызматтарда кыз-келиндердин иштөөсүнө уруксат бердик. Алар күн сайын ишке чыгат. Маселен, шаардагы аялдар ажатканаларында иштегендер, себеби ал жакка эркектер барганга болбойт", — деген мэр. Анын сүйлөгөн учурунун видеосун AL Arabiya телеканалы Twitter баракчасына жазды.

Убактылуу мэр райондордо жана борбордук кеңселерде эркектер алардын ишин жасай албагандыктан, аялдар өздөрүнүн ордунда каларын белгилеген. Бул — электр энергетика жана курулуш тармагы экени айтылды.

"Башкалар (эркектер – ред.) иштей ала турган кызматтар туурасында айтсак... Биз аларга (аялдар – ред.) абал турукташмайын үйдө отургула дедик. Айлыктары жүрө берет", — деген мэр.

"Талибан"* августтун башында активдешип, айдын орто ченинде Кабулга кирген. Согуш аягына чыкканы жар салынып, 31-августта америкалык аскерлер, Батыш өлкөлөрүнүн жарандары жана алар менен кызматташкан афгандар толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

17
Белгилер:
Афганистан, 'Талибан' кыймылы, аялдар, укук, жумуш
Тема:
Афган бийлиги менен талибдердин тиреши
Тема боюнча
ЖМК: талибдер өзбек тилин расмий макамынан ажыратып салды
Пикирлештердин саммити: ШКУнун Афганистан боюнча кадамы кандай болот
COVID-19 менен ооруган бейтаптар үчүн убактылуу оорукананын реанимациясы

COVID: 58 киши вирус жугузуп, эки бейтап көз жумду

36
(жаңыланган 09:40 20.09.2021)
Кыргызстан боюнча илдет илештиргендердин жалпы саны 177 780ге жетип, анын ичинен 172 261 киши дартты жеңген.

БИШКЕК, 20-сен. — Sputnik. Өткөн суткада Кыргызстанда 58 кишиден коронавирус аныкталып, 72 киши сакайып кетти. Бул тууралуу Республикалык штаб кабарлады.

Жуктургандар:

  • Бишкек – 36;
  • Чүй облусу – 6;
  • Талас облусу – 1;
  • Нарын облусу – 1;
  • Ысык-Көл облусу – 9;
  • Жалал-Абад облусу – 5.

Өлкөдө илдет илештиргендердин жалпы саны 177 780ге жетип, анын ичинен 172 261 киши дартты жеңген.

Акыркы 24 саат ичинде эки киши каза таап, коронавирустан көз жумгандардын саны жалпысынан 2 590го жетти.

Стационарда 591 жана амбулатордук шартта 868 адам дарыланып жатканы кабарланды.

36
Белгилер:
Кыргызстан, коронавирус, статистика
Тема:
Кыргызстандагы коронавирус жуктуруп алгандар
Тема боюнча
Коркпой-этпей алгыла! Мамакеев элди эмдөөдөн өтүүгө үндөдү
Женщина голосует на избирательном участке во время выборов президента Узбекистана.

Өзбекстанда президенттик шайлоонун үгүт иштери башталды

0
(жаңыланган 10:51 20.09.2021)
Коңшу өлкөдө быйылкы жылдын 24-октябрында президенттик шайлоо өтөт. Өзбек эли беш талапкердин арасынан өзүнө жаңы өлкө башчы тандайт.

БИШКЕК, 20-сен. — Sputnik. Өзбекстанда президенттик шайлоонун үгүт иштери башталды. Бул тууралуу Sputnik Өзбекстан агенттиги жазды.

Бул жолку шайлоого Борбордук шайлоо комиссиясы өлкөдө расмий түрдө иш алып барган беш партиянын тең талапкерлерин каттоого алды.

Өзбекстандын либерал-демократтар партиясы учурдагы президент Шавкат Мирзиёевдин талапкерлигин көрсөтүүдө. Ал өзүнүн "Жаңы Өзбекстан" деп аталган программасында коррупцияга каршы туруу жана көмүскө экономиканы кыскартууга басым жасай турганын айтты. Ошондой эле негизги өнөктөштөрү Кытай, Россия, АКШ жана Борбор Азия өлкөлөрү менен кызматташтыкты күчөтөрүн билдирди. Мындан тышкары, ЕАЭБ менен азыркыдан дагы тыгыз иштешүүнү көздөйт.

"Миллий тикланиш" партиясынын атынан чыгып жаткан 46 жаштагы Алишер Кадыров, тескерисинче, Өзбекстандын ЕАЭБ менен кызматташтыгын сындап келет. Ал өлкө башына келсе улуттук каада-салт жана баалуулуктарды сыйлабагандарды административдик жоопкерчиликке тартууну каалайт.

Өзбекстандын элдик-демократиялык партиясы бул ирет президенттикке аял кишинин талапкерлигин сунуштады. 60 жаштагы Максуда Варисова КМШ өлкөлөрү менен кызматташтыкты күчөтүүнү көздөп жатат. Ошондой эле тамак-аштын арзан, медицина менен билим берүүнүн акысыз болушу үчүн жан үрөмөкчү.

"Адолат" партиясынын 62 жаштагы лидери Бахром Абдухалимов эски саясатты жакшыртууга басым жасайт. Билим берүү жана жарандардын турак жай маселесин чечүүнү каалай турганын айтты.

Экологиялык партиянын өкүлү 46 жаштагы Нарзулло Обломурадов калкка таза суунун жеткиликтүүлүгүн 90 пайызга чейин көтөрүүнү, өлкөдөгү экологиялык абалды жакшыртууну кааларын айтты.

Ушул тапта шайлоого байкоочулук кылуу үчүн Өзбекстанга КМШ, ШКУ, ЕККУ сыяктуу биримдиктер жана эл аралык уюмдардын өкүлдөрү келе баштаганы белгилүү болду.

Коңшу өлкөдө быйылкы жылдын 24-октябрында президенттик шайлоо өтөт. Өзбек эли жогоруда айтылган беш талапкердин арасынан өзүнө жаңы өлкө башчы тандайт.

0
Белгилер:
Өзбекстан, Шавкат Мирзиеев, президенттик шайлоо, үгүт
Тема боюнча
Бишкекте россиялыктар Мамдуманын депутаттарын шайлоодо. Видео
Нарындын мэри шайлоодогу коррупциялык иштерге шектелип кармалды