Медициналык кызматкер. Архив

Пандемияда каза болгон медиктерге арналган эстеликтин орду аныкталды

59
(жаңыланган 17:59 24.08.2021)
Бүгүн өкмөттө Кыргызстандын көрүнүктүү ишмерлеринин элесин түбөлүккө калтыруу боюнча комиссиянын жыйыны өттү.

БИШКЕК, 24-авг. — Sputnik. COVID-19 пандемиясына каршы күрөшүүдө каза болгон медицина кызматкерлерине арналган эстелик Бишкектин Ахунбаев жана Тыныстанов көчөлөрүнүн тушуна коюлат. Бул тууралуу өкмөттөн кабарлады.

Маалыматка ылайык, бүгүн министрлер кабинетинин төрагасынын орун басары Жылдыз Бакашова Кыргызстандын көрүнүктүү ишмерлеринин элесин түбөлүккө калтыруу боюнча комиссиянын жыйынын өткөрдү.

Өкмөт мүчөсү белгилегендей, дарыгерлердин, медайымдардын жана санитарлардын жаркын элесин түбөлүккө калтыруу, кесиптик милдетин аткарууда өмүрүн берген ден соолук сакчыларынын коркунучтуу инфекция менен күрөшүүдө жан аябаган эрдиги түбөлүккө сакталат.

Натыйжада мемориал Ахунбаев жана Тыныстанов көчөлөрүнүн тушуна, тагыраагы, Иса Ахунбаев атындагы Кыргыз мамлекеттик медициналык академиясынын борбордук аллеясындагы музейдин жанына орнотулмай болду.

59
Белгилер:
пандемия, коронавирус, эстелик, Мемориал, Бишкек, Жылдыз Бакашова
Тема:
Коронавируска байланыштуу Кыргызстандагы кырдаал (2907)
Тема боюнча
Коронавирустун бардык штаммдарынан коргогон антитело табылды
COVID-19га каршы вакцинаны күзгө чейин алуу керек. Дарыгер себебин түшүндүрдү
Элчи Тотуяев этникалык кыргыздар менен жолугушуусу

Элчи Тотуяев Пакистанда жашаган этникалык кыргыздар менен жолукту. Сүрөт

21
(жаңыланган 17:17 20.09.2021)
Элчи боордоштордун Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген.

БИШКЕК, 20-сен. — Sputnik. Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту. Бул тууралуу Тышкы иштер министрлигинин маалымат кызматы билдирди.

Жолугушуунун алкагында элчи этникалык кыргыздардын Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген. Ошондой эле ар кандай укуктук, социалдык жана күнүмдүк маселелерди чечүүдө ар тараптуу жардам көрсөтүүгө даярдыгын айткан.

Встреча посла КР в Пакистане Уланбека Тотуяева с представителями этнических кыргызов, проживающими в Пакистане. 20 сентября 2021 года
© Фото / пресс-служба МИД КР
Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту

Өз кезегинде этникалык кыргыздар Кыргыз-Пакистан мамилесин өнүктүрүүгө жана Пакистанда Кыргызстандын имиджин бекемдөөгө багытталган мындан аркы биргелешкен иштерге кызыкдар экенин билдиришкен.

Тараптар Пакистандагы кыргыздардын жана Ала-Тоого көчүп кетүүнү каалаган кайрылмандардын укуктук сабаттуулугун жогорулатуу максатында жашаган жерлерине элчинин жакын арада баруусун макулдашты.

21
Белгилер:
Пакистан, этникалык кыргыздар, элчи, жолугушуу, Уланбек Тотуяев
Тема боюнча
Өзбекстанда канча этникалык кыргыз жашаары айтылды
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек
Милиция кызматкерлери Бишкектеги Фрунзе заводунун аймагынан бомба издөө учурунда

Бишкекте Фрунзе заводунун аймагынан бомба издеп жатышат

36
(жаңыланган 17:18 20.09.2021)
Милицияга бомба тууралуу эки саат мурун чалуу түшкөн. Учурда заводдун аймагында издөө иштери жүрүп жатат.

БИШКЕК, 20-сен. — Sputnik. Борбор калаадагы Фрунзе заводунун аймагынан бомба изделип жатат. Бул тууралуу Ленин райондук милициянын маалымат кызматы билдирди.

Жарылуучу зат коюлганы тууралуу жашыруун билдирүү милицияга саат 14:50дө түшкөн.

Сотрудники милиции во время поисков бомбы, на территории завода имени Фрунзе в Бишкеке. 20 сентября 2021 года
Жарылуучу зат коюлганы тууралуу жашыруун билдирүү милицияга саат 14:50дө түшкөн

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен.

Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери дагы келген.

Учурда издөө жана текшерүү иштери жүрүп жатат. Кенен маалымат кийинчерээк берилет.

36
Белгилер:
Бишкек, завод, бомба, издөө
Тема боюнча
ЦУМ менен ГУМда бомба бар деп кабарлоого шектелген аял камакка алынды