Министрлер кабинетинин жетекчиси Улукбек Марипов. Архив

Марипов: мектептердеги окуу онлайн тартипте уланбайт

290
(жаңыланган 18:37 25.08.2021)
Министрлер кабинетинин жетекчисинин айтымында, аралыктан окутуу учурунда Кыргызстанда билимдин деңгээли начарлап кетти.

БИШКЕК, 25-авг. — Sputnik. Кыргызстандын мектептеринде билим берүү онлайн тартипте уланышы мүмкүн эмес. Бул тууралуу Өкмөт үйүндөгү жыйында министрлер кабинетинин жетекчиси Улукбек Марипов айтты.

Учурда министрлер кабинети жалпы билим берүү мекемелеринин жаңы окуу жылына даярдыгын карап жатат.

"Мектептерде окутуу онлайн тартипте уланууга мүмкүн эместигин моюнга алышыбыз керек. Билим берүүнүн сапаты аралыктан окутуу учурунда төмөндөп кетти", — деди Марипов.

Анын айтымына караганда, билимдин начарлап кеткендигинин белгилеринин бири жалпы республикалык тестирлөөнүн жыйынтыгы. 2019-жылдагыга салыштырмалуу былтыр жана быйыл абитуриенттердин орточо баллы азайтылган.

Буга чейин министрлер кабинети жаңы окуу жылы 15-сентябрда башталарын билдирген эле.

290
Белгилер:
Кыргызстан, билим берүү, ЖРТ, онлайн окутуу, аралыктан окутуу
Тема боюнча
Кыргызстандагы 2021/2022-окуу жылындагы мектеп каникулдары. Календарь
Министрлик окуучулардын күзгү, кышкы жана жазгы каникулунун мөөнөтүн айтты
Министрлик: быйыл окшош мектеп формасы талап кылынбайт
БУУнун Жаштар жана калктын динамикасы программасынын аналитиги Бактыбек Кайназаров. Архив

Кайназаров: демографиялык саясатка көңүл бурулушу зарыл

2
(жаңыланган 10:52 21.09.2021)
БУУнун Жаштар жана калктын динамикасы программасынын аналитиги Бактыбек Кайназаров Кыргызстанда 2040-жылга чейинки демографиялык саясаттын концепциясы иштелип чыгышы көп көйгөйлөрдү чечүүгө жол ачарын айтты.

Демографиялык саясатты жөнгө салуу учурдагы муктаждыктан келип чыгууда. Мындай пикирин Бактыбек Кайназаров Sputnik Кыргызстан радиосунун эфиринде билдирди.

Кайназаров: демографиялык саясатка көңүл бурулушу зарыл

Анын айтымында, демографиялык саясатты аныктоодо миграцияга өзгөчө көңүл буруу кажет.

"Кыргызстанда 2040-жылга чейинки демографиялык саясаттын концепциясы иштелип чыгышы көп көйгөйлөрдү чечүүгө жол ачат. Аны көптөгөн мамлекеттер түзүп чыгып, ишке ашырып келет. Анткени бул маселе орчундуу. Мисалы, Бангладеш демографиялык саясатты жүргүзүү боюнча үчүнчү этапты аткарып жатат. Территориясы чакан болгонуна карабастан дүйнөдө калкы көп өлкөлөрдүн катарында 8-орунда турат. Ага байланыштуу тамак-аш жетишпестиги болорун да болжоп жатышат. Көйгөйдү чечүү үчүн төрөттү азайтып, энелердин жана балдардын ден соолугуна басым жасаган. Үчүнчү этабында жаштардын потенциалын туура колдонуу боюнча чаралар көрүлүп жатат. Демек, бул маселеге абдан маани берип, мамлекеттик деңгээлде каралышы абзел", — деди Кайназаров.

Ошондой эле адис демография экономика, билим берүү, саламаттык сактоо, жаштар, миграция, гендердик теңчилик жана башка көптөгөн тармактар менен байланыштуу экендигин кошумчалады.

 

2
Белгилер:
демография, саясат, миграция, концепция, Бактыбек Кайназаров
Тема боюнча
Өлкөдө демографиялык саясаттын концепциясы иштелип чыгууда. Максаты
Ооруканадагы дарыгер. Архив

COVID 89 адамдан чыгып, эки бейтап көз жумду. 21-сентябрдын маалыматы

19
(жаңыланган 09:59 21.09.2021)
Учурда республиканын ооруканаларында 571 адам жатат. Ал эми амбулатордук түрдө 865 адам дарыланууда.

БИШКЕК, 21-сен. — Sputnik. Кыргызстанда 21-сентябрга карата COVID инфекциясы 89 адамдан аныкталды. Бул тууралуу Республикалык штаб кабарлады.

Оору жуктургандар:

  • Бишкек — 53;
  • Чүй — 17;
  • Ош — 1;
  • Талас — 2;
  • Нарын — 1;
  • Ысык-Көл — 6;
  • Жалал-Абад — 6;
  • Баткен — 3.

Пандемиядан бери өлкөдө 177 869 кишиден вирус чыкты. Бир сутка ичинде 108 адам сакайып, ооруну жалпы 172 369 адам жеңди.

Жугуштуу илдет өткөн суткада эки кишинин өмүрүн алды. Баш-аягы каза тапкандар 2 592 болду.

Стационарда 571, амбулатордук түрдө 865 адам дарыланып жатат. 

19
Белгилер:
Кыргызстан, коронавирус, оору, бейтап, өлүм
Тема:
Кыргызстандагы коронавирус
Тема боюнча
Садыр Жапаров кыргызстандыктарга кайрадан кайрылды
Беларуста COVID-19дун төртүнчү толкуну башталганын айтты