Ил-76МД учагы

Россиянын аскердик учактары Кабулдан КР жарандарын эвакуациялады

351
(жаңыланган 21:43 25.08.2021)
Россиянын президенти Владимир Путин жана коргоо министри Сергей Шойгунун демилгеси менен аскердик учактар Афганистандан 500 адамды алып чыкты.

БИШКЕК, 25-авг. — Sputnik. Россиянын Коргоо министрлигинин аскердик эки учагы Кант аэродромуна Афганистандан эвакуацияланган кыргызстандыктарды жеткирди. Бул тууралуу ведомствонун расмий сайтында жазылды.

Россиянын президенти Владимир Путин жана коргоо министри Сергей Шойгунун демилгеси менен аскердик учактар Афганистандан 500 адамды эвакуациялады.

Негизинен Россиянын төрт учагы Афганистандын борбор калаасынан Россиянын, Украинанын, Өзбекстандын жана ЖККУга мүчө мамлекеттердин (Беларусь, Кыргызстан жана Тажикстан) жарандарын чыгарышкан. Маалыматка караганда, башка учактар Тажикстандын жарандарын Гиссар шаарына жеткиришти.

"Ар бир учакта зарыл болгон учурда эвакуацияланган жарандарга жардам көрсөтүү үчүн аскердик медиктер жана дары-дармектер бар”, — деп айтылат билдирүүдө.

Мындан тышкары, ыңгайлуулук үчүн суу, одеял сыяктуу нерселер каралган.

351
Белгилер:
Россия, Кыргызстан, эвакуация, Кабул, учак
Тема:
Афган бийлиги менен талибдердин тиреши (229)
Тема боюнча
31-августтан кийин Афганистан эч кимди чыгарбайт. Дүйнө коомчулугу кандай пикирде
Азап-кайгы, бүдөмүк тагдыр. Афгандык качкындардын таасирдүү 14 сүрөтү
"Талибан"* өкүлү: Россия жана Кытай менен мамилебиз жакшы
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

101
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

101
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты
Жаратылыш. Архив

Дүйшөмбүгө карата аба ырайы

16
27-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-сен. — Sputnik. Дүйшөмбү, 27-сентябрда, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Ысык-Көл, Нарын өрөөндөрүндө +22...+27, Таласта +20...+25, Ош, Жалал-Абад жана Баткен облустарында +24...+29 градус болору айтылды.

Күндүн табы Бишкекте +25...+27, Ош калаасында +27...+29 градуска көтөрүлөт.

16
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы