Фонтандын жанындагы кыз. Архив

Алдыдагы узакка созулган дем алыш күндөргө карата аба ырайы

11306
Алдыда кыргызстандыктар төрт күн катары менен эс алышат. Синоптиктер дал ошол күндөргө карата аба ырайы кандай болорун айтты.

БИШКЕК, 26-авг. — Sputnik. Кыргызгидромет 1-сентябрга чейинки өлкөдөгү аба ырайы тууралуу маалымат таратты.

Чүй облусу

26-27-август жаан-чачын болбойт. Күндүз тоолуу аймактарда гана өткүн өтүшү күтүлүүдө. 28-30-августта түнү тоолордо, күндүз өрөөндөрдө кыска мөөнөттүү жаан жаашы мүмкүн. 31-августта жана 1-сентябрда айрым аймактарда жаан жаап, күн күркүрөшү божомолдонду.

Талас облусу

26-августта күн ачык болот. 27-31-август күндөрү күндүз айрым райондордо жаан жаап, күн күркүрөйт. 1-сентябрь күнү күн ачылат.

Ош, Баткен, Жалал-Абад облустары

26-август күнү бул аймактарда күн ачык болот. 27-августтан 31-августка чейин жер-жерлерде жаан жаап, күн күркүрөйт. Баткен облусунда 1-сентябрь күнү жаан жаабайт.

Ысык-Көл облусу

26-августтан 1-сентябрга чейин облустун айрым райондорунда кыска мөөнөттүү жаан жаайт, күн күркүрөйт.

Нарын облусу

26-августтан 1-сентябрга чейин Нарындын көпчүлүк жеринде күндүз жаан-чачындуу болот.

Болжолдуу аба ырайы

Синоптиктер 2-3-сентябрь күндөрү күн ачык болорун божомолдоп жатат.

11306
Белгилер:
Кыргызстан, аба ырайы, апта, дем алыш, жаан
Тема боюнча
Сентябрда күн сууктайбы? Күздүн алгачкы айына карата аба ырайы
Бишкек Жылуулук электр борборунун башкы инженеринин орун басары Нурлан Кулжыгачов

Кулжыгачов: Бишкек ЖЭБи күзгү-кышкы жылытуу мезгилине даяр

1
Бишкек Жылуулук электр борборунун башкы инженеринин орун басары Нурлан Кулжыгачов Бишкек ЖЭБ күзгү-кышкы жылытуу мезгилине даярдык пландык негизде аткарылып жаткандыгын айтты.

Күз-кыш мезгилинен өтүү үчүн Бишкек шаарынын ЖЭБине жалпысынан 1 миллион 650 миң тонна көмүр керек. Мындай маалыматты Нурлан Кулжыгачов Sputnik Кыргызстан радиосунун эфиринде билдирди.

Кулжыгачов: Бишкек ЖЭБи күзгү-кышкы жылытуу мезгилине даяр

Анын айтымында, калкты, анын ичинде социалдык жана башка объектилерди үзгүлтүксүз электр энергиясы жана жылуулук менен камсыз кылуу үчүн тынымсыз иштер жүрүүдө.

"Келе жаткан 2021-2022-жылдагы күз-кыш жылытуу мезгилине өкмөттүн токтому боюнча 1 миллион 650 миң тонна көмүр керек. Анын бир миллион тоннасы жергиликтүү Кара-Кече көмүрү болсо, 643 миң тоннасы импорттолот. Учурда келишимдин баары түзүлүп, коюлган графиктин негизинде келип жатат. Кампада 225 миң тонна көмүр бар. Мындан тышкары, биздин ишканада 17 буу казан, тогуз буу агрегатыбыз бар. От казандарды жана турбогенераторлорду оңдоо белгиленген мөөнөтүндө аткарылып жатат", — деди Кулжыгачов.

Ошондой эле адис Бишкек Жылуулук электр борбору республикадагы электр энергиясынын 15 пайызын камсыз кыларын кошумчалады.

Подкасттын толук вариантын видеодон көрүңүз:

1
Белгилер:
Бишкек, жылуулук, электр жарыгы, жылытуу маалы, ысык суу
Тема боюнча
Суу тартыштыгы. Министрлик элди көмүр менен газ камдоого чакырды
Кыргызстан курулуш жана курулуш өнөр жай материалдары профсоюзунун төрагасы Элдияр Карачалов

Карачалов: декреттик өргүү убактысы бүткөн күнү жумушка чыгуу укугу бар

2
Кыргызстан курулуш жана курулуш өнөр жай материалдары профсоюзунун төрагасы Элдияр Карачалов декреттик өргүүдөн чыккан ата-энелердин укук, милдеттери тууралуу айтып берди.

Балалуу болгондугуна байланыштуу убактылуу иштен кеткен жарандар белгиленген убакыт аяктаган күндөн тартып ишке чыга алат. Бул тууралуу билдирүүнү Элдияр Карачалов Sputnik Кыргызстан радиосуна маек куруп жатып билдирди.

Карачалов: декреттик өргүү убактысы бүткөн күнү жумушка чыгуу укугу бар

Анын айтымында, өлкөдө бул эмгек нормасы анчейин сактала бербейт.

"Кыргызстандын Эмгек кодексинде декреттик өргүүгө чыккан ата-эне мөөнөтү аяктаган соң мынча убакыттын ичинде ишке чыгышы керек деп так убактысы көрсөтүлгөн эмес. Андыктан декрети бүткөн күндөн тартып эгер узартууну каалабаса кызматын аркалай берсе болот. Жумушуна кайра кайтып келүү үчүн арызын жазып, анын көчүрмөсүн өзүнө калтырат. Кызматкер ошол күндөн тарта, ашып кетсе эртеси ишке чыкты деп эсептелип, декреттик өргүүсү токтотулат. Анын ордуна алынган кызматкер менен түзүлгөн келишим автоматтык түрдө күчүн жоготот. Тилекке каршы, бизде иш берүүчүлөр декреттен чыккан энелердин укугун тебелеп, күттүрүп койгон учурлар көп кездешет", — деди Карачалов.

Ал ошондой эле декреттик өргүүдөн колдонуу же андан баш тартуу ар бир кызматкердин жеке укугу экендигин кошумчалады.

2
Белгилер:
Элдияр Карачалов, укук, иш, декрет, эмгек өргүү, мыйзам
Тема боюнча
Карачалов: Россияда эмгек инспекторлору жеринде чечим кабыл ала алат