Бишкек шаарынын мэри Айбек Жунушалиев

Маршруткалар алынат, бала бакчалар көбөйөт. Бишкек мэринин убадалары

4467
(жаңыланган 16:35 26.08.2021)
Бишкек шаарынын мэри болуп шайланган Айбек Жунушалиев тез арада чече турган көйгөйлөрдү журналисттер менен депутаттарга санап берди.

Бүгүн шаардык кеңеш калаа мэрин шайлап, министрлер кабинетинин төрагасынын мурдагы биринчи орун басары Айбек Жунушалиевдин гана талапкерлиги каралды. Аны шаардык кеңештин 43 депутаты колдоп берсе, экөө каршы добуш берди. Жунушалиев эч кандай бизнеси жана финансылык кызыкчылыктары жок экенин белгилеп, шаарды өнүктүрүү боюнча пландары менен бөлүштү.

Тазалык

Жунушалиевдин айтымында, Бишкек таза шаар болушу керек. Ал борбор калааны кыска убакытта иретке келтирип, ар дайым көзөмөлдөп турууну убадалады.

"Мен ишти өз көзүм менен көрүп жатам, таштандынын өз убагында чыгарылышы жана көчөлөрдүн тазалыгы маанилүү деп эсептейм", — деди мэр.

Транспорт

Жунушалиев кыймыл кызыган кезде жол тыгын жаралып, шаар токтоп калбай турганын убадалады. Ал негизги жолдордон маршруткалар алып салынып, заманбап коомдук транспорт коё берилерин жана "акылдуу" жол чырактары коюларын айтты.

Жолдорду оңдоо

Ош шаарынын мэри Алмаз Мамбетов
© Фото / пресс-служба мэрии города Ош
Калаа башчысынын айтымында, кышка чейин оңдолуп жаткан көчөлөрдүн көпчүлүк бөлүгүнүн иши соңуна чыгат. Ошондой эле мындан ары көчөлөр азыркыга караганда тез реконструкцияланат. Жунушалиев мындай жыйынтыкка бюрократияны азайтып, шаардык кызматтардын өз ара иштешүүсүн жөнгө салуу менен жетерин айтты.

Мэр тез арада чечилип калбай турган көйгөйлөр шаарды өнүктүрүү программасына киргизилерин кошумчалады.

Телемедицина

Үй-бүлөлүк медицина борборлорунун алдында телемедицина борбору түзүлөт. Мэрдин айтымында, бул нерсе бишкектиктерге алгачкы медициналык жардам алууга шарт түзөт.

Билим

Жунушалиевдин айтымында, Бишкектин мектептериндеги дистанциондук билим берүү сапаттуу болушу керек.

Мэр Бишкека Айбек Джунушалиев на сессии городского кенеша. 26 августа 2021 года
© Sputnik / Табылды Кадырбеков
Бишкек шаарынын мэри Айбек Жунушалиев
"Бул нерсе айрыкча ден соолугунан мүмкүнчүлүгү чектелген балдар менен көп балалуу үй-бүлөлөр үчүн маанилүү. Билим берүүнүн сапаты санариптик технологияларды ишке киргизүү менен дагы жогорулашы керек", — деди ал.

Аялдарды иш менен камсыздоо

Жаңы мэр аялдардын экономикалык мүмкүнчүлүктөрүн кеңейтүү үчүн эффективдүү аянт түзүп, Бишкекте бала бакчанын санын көбөйтүүнү убадалады.

"Аялдар бизнесин өнүктүрө алышат. Балдар жашаган жерине жана ата-энесинин кирешесине карабастан өнүгүүгө, окууга жана мектепке даярданууга мүмкүнчүлүк алышат. Бул нерсе айрыкча жаңы конуштар менен мүмкүнчүлүгү чектелген балдар үчүн маанилүү", — деди ал.

Жаштар үчүн жумуш орду

Мэр өзүнүн стартап-бизнесин түзүп жаткан студенттер, жаштар үчүн бекер ачык аянттарды түзүп берүүнү убадалады.

Мэр Бишкека Айбек Джунушалиев на сессии городского кенеша. 26 августа 2021 года
© Sputnik / Табылды Кадырбеков
Бишкек шаарынын мэри Айбек Жунушалиев
"Мындай коворкинг-аянттары кеңселерди ижарага алып, оператордун кызмат акысын төлөөгө мүмкүнчүлүгү жок жаштар үчүн жеткиликтүү болот", — деди Жунушалиев.

Ыш жана экология

Мэр ыш маселеси приоритет катары караларын айтты. Шаардык бийлик конуштарды газдаштыруу жана өнөр жай аймактарын шаардын сыртына чыгарып, автоунаалардын экологияга тийгизген таасирин карашат. Ошондой эле бактар отургузулат.

Бизнес

Жунушалиев Бишкек жаңы экономикалык мүмкүнчүлүктөрдүн шаары болушу керек деп эсептейт. Анын айтымында, борбор калаада бизнес менен инвестицияга шарт түзүлүшү керек.

"Менин оюм боюнча, Бишкекте экономикалык активдүү борборлорду түзүү боюнча перспективдүү пландарды иштеп чыгыш керек", — деди ал.

Жунушалиевдин айтымында, Бишкек шаарынын өнүктүрүү программасы шаардык кеңештин кароосуна ноябрь айынын аягына чейин же андан эрте берилет.

4467
Белгилер:
Бишкек шаардык кеңеши, мэр, Айбек Жунушалиев
Тема боюнча
ЖКнын экс-депутаты Урмат Самаев Токмокко мэр болуп шайланды
Экс-мэрлердин тагдыры... Жунушалиев бул кызматка келүүдөн коркпогонун айтты
Кытайдын Тышкы иштер министри Ван И президент Садыр Жапаров менен жолукту

Кытай Кыргызстанга 100 млн. доллар жана миллион доза вакцина берүүгө даяр

107
(жаңыланган 23:02 16.09.2021)
Президент Садыр Жапаров Кытайдын тышкы иштер министри Ван И менен Душанбеде жолугуп, бир катар маселелерди талкуулады.

БИШКЕК, 16-сен. — Sputnik. Кытай өкмөтү Кыргызстандын социалдык-экономикалык өнүгүүсүн колдоо иретинде 650 миллион юань (100 миллион доллардын тегереги) менен коронавирустук инфекцияга каршы кытайлык вакцинанын 1 миллион дозасын берүүгө даяр. Бул тууралуу Кытайдын тышкы иштер министри Ван И президент Садыр Жапаров менен жолукканда билдирди.

Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.

  • Президент Кыргызской Республики Садыр Жапаров принял члена Государственного совета, министра иностранных дел Китайской Народной Республики Ван И. 16 сентября 2021 года
    Кытайдын Тышкы иштер министри Ван И президент Садыр Жапаров менен жолукту
    © Пресс-служба президента КР / Султан Досалиев
  • Член Государственного совета, министр иностранных дел Китайской Народной Республики Ван И во время встречи с президентом КР Жапаровым
    Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Кытайдын Тышкы иштер министри Ван И президент Садыр Жапаров менен жолукту

Жапаров Кыргызстан Кытайды негизги соода инвестициялык өнөктөштөрдүн бири катары карай турганын жана биргелешкен инвестициялык долбоорлорду ишке ашырууга кызыкдар экенин билдирген.

Президент учурда өлкөдөгү инвестициялык климатты жакшыртуу боюнча активдүү чаралар көрүлүп жатканын кошумчалаган. Анын айтымында, кыргыз тарап эки өлкө ортосундагы туруктуу аба каттамдарын жандантууну маанилүү деп эсептейт.

Кытай — Кыргызстан — Өзбекстан темир жолунун курулушу боюнча да кеп болуп, Жапаров долбоорду ишке ашыруу Кыргызстан үчүн эле эмес, жалпы регион үчүн маанилүү экенин белгилеген.

"КЭР мамлекеттик кеңешинин мүчөсү, тышкы иштер министри Кытай өкмөтү өлкөнүн социалдык-экономикалык өнүгүүсүн колдоо иретинде Кыргызстанга 650 миллион юань (100 миллион АКШ долларынын тегерегинде) бөлүүгө даярдыгын айтты. Ошондой эле коронавирустук инфекцияга каршы кытайлык вакцинанын кошумча партиясын (1 миллион доза) жана медициналык каражаттарды берүү чечимин кабыл алганын билдирди", — деп айтылат маалыматта.

Мамлекеттик кеңештин мүчөсү Кытай тараптын автоунаа жолдорун куруу жана ирригациялык түйүндөрдү кеңейтүү тармактарында биргелешкен долбоорлорду ишке ашырууга кызыкдар экенин билдирген. Мындан сырткары, тараптар регионалдык коопсуздук маселелерин талкуулаган.

107
Белгилер:
Кыргызстан, Кытай, Садыр Жапаров, вакцина, каражат
Тема:
Коронавируска каршы эмдөө
Тема боюнча
3 млн. бет кап, коргоочу костюм. Кыргызстанга Кытайдан гумжардам келди
Россиянын Ички иштер министрлиги кыргызстандык кесиптештерине 17 транспорт каражатын берди.

Россиянын ИИМи кыргызстандык кесиптештерине 17 транспорт каражатын берди. Сүрөт

78
(жаңыланган 21:39 16.09.2021)
ИИМ автоунаалар Баңгизаттарды мыйзамсыз жүгүртүүгө каршы күрөшүү кызматынын техникалык базасын чыңдай турганын белгиледи.

БИШКЕК, 16-сен. — Sputnik. Россиянын Ички иштер министрлиги кыргызстандык кесиптештерине 17 транспорт каражатын берди. Бул тууралуу ИИМдин маалымат кызматы кабарлады.

Жалпысынан Chevrolet Cobalt үлгүсүндөгү 15 унаа жана "Газель NEXT Автобус" үлгүсүндөгү эки кичи автобус тапшырылган.

  • Министерство внутренних дел России передало кыргызским коллегам 17 новых автотранспортных средств. Всего передано 15 легковых автомобилей марки Chevrolet Cobalt и два микроавтобуса марки Газель NEXT Автобус.
    Россиянын Ички иштер министрлиги кыргызстандык кесиптештерине 17 транспорт каражатын берди.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Жалпысынан Chevrolet Cobalt үлгүсүндөгү 15 унаа жана "Газель NEXT Автобус" үлгүсүндөгү эки кичи автобус тапшырылган.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Церемония передачи автомобилей сотрудникам МВД в Бишкеке
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Иш-чарага ИИМ башчысынын орун басары Октябрь Урмамбетов, Россиянын Кыргызстандагы элчилигинин кеңешчи-элчиси Вадим Гусев, Россиянын ИИМнин Баңгизаттарды жүгүртүүнү көзөмөлдөө боюнча башкы башкармалыгынын начальнигинин орун басары Борис Яковченко, РФтин Тышкы иштер министрлигинин Жаңы чакырыктар жана коркунучтар маселелери боюнча департаментинин баңгизаттарды көзөмөлдөө чөйрөсүндөгү эл аралык кызматташтык маселелери боюнча бөлүм начальниги Мария Вислогузова, Россия Федерациясынын ИИМнин эл аралык кызматташтык башкармалыгынын бөлүм начальниги Павел Юлин, Росиянын ИИМнин Кыргызстандагы өкүлү Владимир Лузганов катышкан.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Урмамбетов конокторго тыгыз кызматташтыгы жана колдоосу үчүн терең ыраазычылыгын билдирди.
    © Фото / пресс-служба МВД Кыргызстана
1 / 5
© Фото / пресс-служба МВД Кыргызстана
Россиянын Ички иштер министрлиги кыргызстандык кесиптештерине 17 транспорт каражатын берди.
"Жаңы унаалар министрликтин Баңгизаттарды мыйзамсыз жүгүртүүгө каршы күрөшүү кызматынын техникалык базасын чыңдайт, ошондой эле кызматкерлердин кылмыштын башка түрлөрүн да ачышына кызмат кылат", — деп айтылат маалыматта.

Иш-чарага ИИМ башчысынын орун басары Октябрь Урмамбетов, Россиянын Кыргызстандагы элчилигинин кеңешчи-элчиси Вадим Гусев, Россиянын ИИМинин Баңгизаттарды жүгүртүүнү көзөмөлдөө боюнча башкы башкармалыгынын начальнигинин орун басары Борис Яковченко, РФтин Тышкы иштер министрлигинин Жаңы чакырыктар жана коркунучтар маселелери боюнча департаментинин баңгизаттарды көзөмөлдөө чөйрөсүндөгү эл аралык кызматташтык маселелери боюнча бөлүм начальниги Мария Вислогузова, Россия Федерациясынын ИИМинин эл аралык кызматташтык башкармалыгынын бөлүм начальниги Павел Юлин, Россиянын ИИМинин Кыргызстандагы өкүлү Владимир Лузганов катышкан.

Урмамбетов конокторго тыгыз кызматташтыгы жана колдоосу үчүн терең ыраазычылыгын билдирди.

78
Белгилер:
Россия, Кыргызстан, ИИМ, унаа, транспорт, кызматташтык, белек
Тема боюнча
ИИМ 100дөй кыргызстандыктын телефон сүйлөшүүсү тыңшалганын тастыктады, бирок...