Руководитель ИА Sputnik Кыргызстан Елена Череменина и генеральный директор фестиваля Оймо Динара Чочунбаева во время просмотра календаря Sputnik на конференции на тему развития предпринимательства в Кыргызстане. 26 августа 2021 года

Салттуу билим ишкерликке кандайча жардам бере алат. Бишкекте өткөн конференция

93
(жаңыланган 18:54 26.08.2021)
Чыгармачыл бизнестин өкүлдөрү тажрыйба алмаша алышты. Иш-чарага Sputnik Кыргызстан агенттигинин жетекчиси да катышып, редакциянын долбоорлору тууралуу айтып берген.

БИШКЕК, 26-авг. — Sputnik. Бишкекте салттуу билим менен материалдык эмес маданий мурастын негизинде ишкерликти өнүктүрүүгө арналган конференция болуп өттү.

  • Генеральный директор фестиваля Оймо Динара Чочунбаева на конференции на тему развития предпринимательства в Кыргызстане. 26 августа 2021 года
    Бишкекте салттуу билим менен материалдык эмес маданий мурастын негизинде ишкерликти өнүктүрүүгө арналган конференция болуп өттү.
    © Sputnik / Табылды Кадырбеков
  • Руководитель ИА Sputnik Кыргызстан Елена Череменина и генеральный директор фестиваля Оймо Динара Чочунбаева во время просмотра календаря Sputnik на конференции на тему развития предпринимательства в Кыргызстане. 26 августа 2021 года
    Ага Sputnik Кыргызстан маалымат агенттиги жана радиосунун жетекчиси Елена Череменина да катышты.
    © Sputnik / Табылды Кадырбеков
  • Основатель дома моды DILBAR Дильбар Ашимбаева во время просмотра календаря Sputnik на конференции на тему развития предпринимательства в Кыргызстане. 26 августа 2021 года
    Ал конференциянын катышуучуларына редакциянын кыргыз элинин маданияты, каада-салты жана мурасы тууралуу баяндаган долбоорлору тууралуу айтып берди.
    © Sputnik / Табылды Кадырбеков
  • Участники во время просмотра календаря Sputnik на конференции на тему развития предпринимательства в Кыргызстане. 26 августа 2021 года
    Череменина катышуучуларга Кыргызстандын эгемендүүлүгүнүн 30 жылдыгына арналып улуттук стилде түзүлгөн календарь белек кылды.
    © Sputnik / Табылды Кадырбеков
1 / 4
© Sputnik / Табылды Кадырбеков
Бишкекте салттуу билим менен материалдык эмес маданий мурастын негизинде ишкерликти өнүктүрүүгө арналган конференция болуп өттү.

Иш-чара чыгармачыл бизнестин өкүлдөрү менен эл аралык уюмдардын эксперттеринин тажрыйба алмашуусу үчүн уюштурулган. Ага Sputnik Кыргызстан маалымат агенттиги жана радиосунун жетекчиси Елена Череменина да катышты.

Ал конференциянын катышуучуларына редакциянын кыргыз элинин маданияты, каада-салты жана мурасы тууралуу баяндаган долбоорлору тууралуу айтып берди. Мында негизинен улуттук музыкалык аспаптар, бешик тууралуу лонгрид, көк бөрү оюнунун эрежеси, улуттук кийим-кече, боз үй, улуттук тамак-аш, кой союу боюнча инфографикалар тартууланды. Сөзүнүн соңунда Череменина катышуучуларга Кыргызстандын эгемендүүлүгүнүн 30 жылдыгына арналып улуттук стилде түзүлгөн календарь белек кылды.

Конференцияда креативдүү индустрияны өнүктүрүү боюнча эл аралык тажрыйбалар, мамлекеттик колдоо маселелери, интеллектуалдык менчик жана чыгармачыл бизнесте маркетингдин стратегиялары талкууланды.

Иш-чара кол өнөрчүлөрдүн эл аралык "Оймо" фестивалынын алкагында "Кыргызпатент" жана CACSAR коомдук фонду тарабынан уюштурулган. Ал эми Sputnik Кыргызстан аталган фестивалга маалыматтык өнөктөш болду.

93
Белгилер:
кол өнөрчүлүк, бизнес, долбоор, каада-салт, кийим-кече, календарь, конференция, Елена Череменина
Тема:
Эгемендүүлүктүн 30 жылдыгын майрамдоо (65)
Тема боюнча
Аял — үйдүн куту. Кыргыз аялынын табиятын көрсөткөн майрамдык ролик
Бала көтөргөн аял. Архив

Индиядагы кыргызстандык келиндин өлүмү боюнча ТИМ маалымат берди

98
(жаңыланган 23:29 22.09.2021)
Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

БИШКЕК, 22-сен. — Sputnik. Кыргызстандын Тышкы иштер министрлиги Индиянын Нью-Дели шаарында баласы менен чогуу киши колдуу болгон келиндин өлүмү тууралуу комментарий берди.

Буга чейин 28 жаштагы кыргызстандык кош бойлуу келин Нью-Дели шаарында бир жашар уулу менен чогуу өлтүрүлгөндүгү тууралуу маалымат тараган.

“Тергөөнүн маалыматы боюнча, келин курбусунун үйүндө 21-сентябрга караган түнү киши колдуу болгон. Тиешелүү экспертизалар жүргүзүлүп, полиция кылмыш ишин козгоду. Шектүүлөр суракка алынып, тергөө иштери жүрүп жатат”, — деп айтылат билдирүүдө.

Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

Элчилик бул ишти өз көзөмөлүнө алып, учурда сөөктөрдү Кыргызстанга алып келүү маселесинин үстүндө иштеп жатат.

98
Белгилер:
Индия, Кыргызстан, келин, бала, өлүм, ТИМ
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты
Алтын. Архив

Бажы кызматы Кытайга 17 фура алтын концентратынын чыгып кетиши боюнча үн катты

411
(жаңыланган 21:41 22.09.2021)
Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айткан.

БИШКЕК, 22-сен. — Sputnik. Мамлекеттик бажы кызматы депутат Аккулу Бердиевдин Чоң-Алай районундагы Алтын-Казык кенинен казылган алтын концентратын 17 фура менен Кытайга чыгарып кетишти деген билдирүүсү боюнча комментарий берди.

Анын айтымында, өткөн жылы "Эркеч-Там" бажысынан 17 фура алтын концентратын мыйзамсыз чыгарып кетип баратканда Финпол тарабынан токтотулуп, кылмыш иши козголгон.

"Кечээ, 21-сентябрда, кытайлар жаңылады деп "Эркеч-Там" менен "Достук" бажысы аркылуу чыгарып кетиптир. Министр, бажычылардын деңгээлиндеги коррупция токтобой жатат. Ал иш сотто экенине карабай "Кайди" компаниясы коррупциялык жолдор менен эскирген лицензиясын жаңылап алыптыр. Бажы кызматынын башчысы Самат Сатаровичке чалсам "мен билбей калыптырмын, балдар чыгарып жибериптир. "Эркеч-Тамдан" эмес, "Достуктан" өткөрүп поездге жүктөп кетиптир" дейт. Мындай боло берсе мамлекет оңолушу кыйын болот", — деген Бердиев.

Бажы кызматынан билдиришкендей, “тарифсиз жөнгө салуу чаралары колдонулган бажы операцияларын ишке ашырууда товарды алып кирүү жана чыгуу боюнча уруксат берилген эрежелерди жана Евразия экономикалык комиссиясынын 2015-жылкы чечимине ылайык иш алып барат”.

“Товарды киргизүү жана чыгаруу Кыргызстандын тиешелүү органдары уруксат берген документтин негизинде гана ишке ашырылат. Кыргыз өкмөтүнүн 2016-жылдын 24-мартындагы токтомуна ылайык, тиешелүү органдар "Гик Кайди" ЖЧКсына 2021-жылдын август айынан тарта Кыргызстандын сыртына флотациялык концентрат алып чыгууга уруксат берген. Бажы кызматкерлери жогорудагы уруксат документтерин көрүп туруп концентраттарды чыгаруу боюнча операцияны аткарышкан”, — деп айтылат билдирүүдө.

Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айтты.

Буга байланыштуу эл өкүлү башкы прокурор Курманкул Зулушевге кайрылып, ишти тыкыр текшерүүнү өтүндү.

411
Белгилер:
Кыргызстан, депутат, Мамлекеттик бажы кызматы, алтын, чек ара
Тема боюнча
Тонналап экспорттолчу. Кыргызстан июлда бир дагы грамм алтын саткан жок