Бишкектин Чыгыш 5 району тарабындагы үйлөр. Архивдик сүрөт

Бишкектеги Төмөнкү Төкөлдөштүн жашоочулары Садыр Жапаровго кайрылышты

155
(жаңыланган 19:06 26.08.2021)
Жарандардын мамлекет башчыга кайрылуусунда бул конуштагы жер маселесинен келип чыккан көйгөй айтылган.

БИШКЕК, 26-авг. — Sputnik. Бишкектеги Төмөнкү Төкөлдөш конушунун жашоочулары Кыргызстандын президентине кайрылуу жолдошту.

Алар конуштун Курманжан датка, Кийизбаева, Төрөкул Айтматов жана Артемов көчөлөрүндөгү турак жайларды мыйзамдаштыруу маселесин өз көзөмөлүнө алууну өтүнүшүүдө.

Кайрылууда айтылгандай, бул аймактын жашоочулары көп жылдан бери үйлөрүнөн кол жууп калуудан коркуп жашап келишет. Шаардык бийлик участкалар менен турак жайларды мыйзамдаштыруудан баш тартууда. Бирок тургундар бул үйлөр жерди басып алуу аркылуу эмес, 60-70 жыл мурда эле курулганын жүйө келтиришкен. СССР урагандан кийин көпчүлүк жергиликтүү тургундарга техникалык паспорт жер ээси катары эмес, колдонуучу деп берилип калган. Мындай катанын айынан жашоочулар бүгүнкү күнгө чейин жер участокторун өздөрүнө каттата албай убара.

Кээ бирлеринин техникалык паспорту дагы жок. Себеби алар үйлөрүн 1990-жылдары, мамлекеттик каттоо жок учурунда алып калышкан. Бүгүнкү күндө алар үй-бүлө мүчөлөрүн жашаган жери боюнча каттата албай жатышат. Паспортторунун дагы мөөнөтү бүтүп баратат. Жаңысын алса үй ээлери өздөрү дагы каттоого тура албай калышат.

"Каттоо жок болсо көп көйгөй жаралат. Кредит, балдарга жөлөк пул ала албайбыз. Ошондой эле мектепке, бала бакчага барууда маселе жаратат. Шайлоого катышуу укугунан дагы ажыраганбыз", — дешти жашоочулар.

Шаардыктардын айтымында, бул көйгөйлөрдү жоюу шаардык кеңештин № 339 токтомунда каралган. Документте 1999-жылга чейин салынган үйлөрдү мыйзамдаштырууга жол берилген. Жарандар мүмкүнчүлүктөн пайдаланып калууну пландап жүрүшкөн, бирок 2006-жылы кабыл алынып 2025-жылга чейин иштей турган башкы план буга жолтоо болгон.

"Бишкек башкы архитектура" башкы планды эске алып аталган аймактын чегин аныктап берүүдөн баш тартты, бирок альтернативдүү варианттарды сунуштаган жок", — деп айтылат кайрылууда.

Бишкектиктер мэрия жерди курулуш компанияларына сатыш үчүн убакытты атайын 2025-жылга чейин создуктуруп жатат деп шек санашууда. Бүгүнкү күндө 200гө жакын үй чарбасы "кызыл китеп" ала албай жатат.

Кайрылууда Свердлов райондук администрациясы менен мэрия үйлөрдү Жарандык кодекске таянып соттук процесс менен мыйзамдаштырууну сунуштаганы айтылат. Бирок аймактын жашоочулары баш тартып коюшкан, себеби сот жерди мыйзамдаштырып берерине кепилдик жок, ал эми мүмкүнчүлүк ошону менен жок болушу мүмкүн.

Жашоочулар башкы планга карабай эле чекти аныктоо процедурасын жүргүзүп маселени чечсе болорун айтып жатышат. Алар жерди мыйзамдаштыруу жана мыйзам боюнча майда көйгөйлөрдү жоюу боюнча комиссия түзүүнү сунушташты.

155
Белгилер:
Бишкек, Төкөлдөш конушу, мыйзам
Тема боюнча
Жаңы конуштардагы документи жок жер тилкелерин мыйзамдаштыруу талкууланды
Балбак Түлөбаев жаңы конуштардагы жерлерди мыйзамдаштырып кетерин айтты

Бир нече мүнөттүн ичинде үч ажалдан кутулган антилопанын видеосу

3
Туристтер антилопанын бир эмес, бир нече ирет кургак жерден да, суунун ичинен да кол салууга камданган душмандарынан кутулуп, ажалдан аман калган учуруна күбө болгон.

Бул тууралуу видео Latest Sightings YouTube каналына жарыяланды.

Бул күлүк, бирок алсыз жаныбар алгач африкалык 16 жапайы иттин таландысына кала жаздаган. Жанына күч келгенде көлмөгө кире качкан. Кыңшылаган гиена сыяктуу иттер олжосунан кол жууп, шилекейин чууртуп жээкте кала берген.

Видеону ошол жерде туристтерди коштоп жүргөн 24 жаштагы Рейнжер Дэниел Хитчингс тартып алган.

Антилопа сууга кирип аркы өйүзгө сүзүп бара жатканда андан бир нече метр аралыкта крокодил пайда болуп, тооруп баштаган. Сырттан карап турган кишинин чыдамы кете турган бул картина эч кандай окуясыз аяктап, антилопа аллигатордон да кутулган. Үчүнчү дагы бир кооптуулук аны жээкке жакын жерде күтүп турган. Үйүрү менен сууга түшүп жаткан бегемоттордун эң ириси ага жакындап келип, секиргенде антилопа шамдагайлыгы менен чет жакка ойт бергенге жетишип калган. Алсыз, бирок эч кимге зыяны жок жаныбар бактыга жараша, бир нече ирет ажалдын чеңгелинен кутулуп, жээкке чыгып, андан ары секирген тейде бадалдын арасына кирип кеткен. Ошентип, бул ирет да ага жашоо жылмайган.

3
Белгилер:
Түштүк Африка Республикасы, жаратылыш, антилопа, жайыт, ит, бегемот
Тема боюнча
Кудум ниндзядай. Кабыландын антилопага чукул келип кол салган видеосу
Жан айласын кылып сууга кирген антилопанын кейиштүү окуясы. Видео
Кыргызстандын экономика жана финансы министри Акылбек Жапаров. Архивдик сүрөт

Жапаров Лондондогу ассоциациянын "Кыргыз алтын" боюнча чечимине комментарий берди

500
(жаңыланган 23:30 19.09.2021)
Буга чейин "Кыргыз алтын" ишенимдүү жеткирүүчү компаниялардын тизмесинен чыгарылган. Акылбек Жапаровдун айтымында, санкциялар киргенден кийин экономикалык абал дайыма жакшырат.

БИШКЕК, 20-сен. — Sputnik. Кыргызстандын экономика жана финансы министри Акылбек Жапаров Лондондогу Баалуу металлдар рыногунун ассоциациясынын "Кыргыз алтын" ишканасын ишенимдүү жеткирүүчү компаниялардын тизмесинен чыгарганы боюнча комментарий берди.

Кечээ күнү ассоциация мындан ары "Кыргыз алтын" аффинаждык заводунун продукциясын албай турганы маалым болгон.

Жапаровдун айтымында, баары болжолдонгон сценарий боюнча баратат жана Лондон ассоциациясынын чечими күтүлгөн иш болчу.

"Жокко чыгаруу убактылуу гана иш, жакында калыбына келтирилиши мүмкүн экенин белгилеп кетким келет. Канадалыктар Кыргызстандын элине, республиканын экономикасына жана экологиясына келтирген зыяны үчүн кечирим сурап, бардык жоготууларды кайтарып, тынч жол менен кетет деп эч ким күткөн эмес. Алар тараптан башка тоскоолдуктар жана "кыйынчылыктар" болушу мүмкүн экенин айта алам, бул да алдын ала божомолдонууда, биз муну да эске алабыз", — деди Жапаров.

Министр азыркы шарттар мурдагыдан начар болбоорун белгилеген.

"Баштаганда эле биз алтынды жеткирүүнүн жаңы каналдарынын үстүндө иштөөдөбүз. Учурда да сүйлөшүүлөр жүрүп жатат. Азырынча шарттар мурдагыдан начар болбойт деп айта алам. Ошондой эле Нью-Йорктун банкроттук иштер боюнча соту 15-сентябрда Centerra Gold Inc. компаниясынын адвокаттарынын доо арызына Кумтөр кени боюнча Кыргызстандын өкмөтүнө айып пул салуудан баш тартканын да эстен чыгарбоо керек. Бул биздин туура жолдо бара жатканыбыздын дагы бир далили", — деди ал.

Министр кандай болгон күндө да бул кампания бүтүндөй Кыргызстан үчүн оң мультипликативдик эффект берет деп ишенерин айтты.

"Көптөр үчүн бул ачык эмес, бирок санкциялардын киргизилиши менен экономикада кырдаал дайыма жакшырат. Бул нерсе Россияда жана башка көптөгөн өлкөлөрдө болгон. Мындай шарттар технологиялык өнүгүүгө жол ачып, өзүбүздүн инновациялык өндүрүштү пайда кылат жана жаңы экспорттук байланыштарды түзүүгө жардам берет", — деди Жапаров.

Ал ошондой эле көңүлдү зергерчилик индустриясына буруу керектигин белгилеген.

"Биз зергерчилик индустриясын, жогорку сапаттагы өндүрүш базасын, маданиятыбызды өнүктүрүшүбүз керек. Алтынды зергерчиликке сатсак, анын баасы бир нече эсе кымбат болот. Болуп жаткан нерселердин баары баалуу металлдарды колдонгон жогорку технологиялуу өндүрүштөргө жана технологияларга көңүл буруунун эң сонун себеби. Дагы бир, жарым-жартылай парадоксалдуу жагдай пайда болууда. Санкциялар республикада алтынды көбөйтүү үчүн иштейт жана алтын — бул жогорку категориядагы резервдик валюта, алар менен иштөөгө олуттуу эл аралык кредиторлор кубанычта болот", — деди ал.

Жапаров дүрбөлөңгө түшүүгө негиз жок экенин белгиледи.

Кырдаал тууралуу кыскача

Июнь айында LMBA "Кыргыз алтын" тарабынан алдамчылык жасалышы мүмкүн делген фактыны карап жатканын билдирген. Анда канадалык Centerra Gold Inc. компаниясы уюмдун иликтөөсүн кубаттай турганын айткан.

"Кыргыз алтынды" толугу менен кыргыз өкмөтү көзөмөлдөйт. Мындан улам алардын 29 миллион доллар каражатты жасалма төлөм инструкциясын колдонуу менен чыгарып кетүү аракети азыркы администрация жана аны менен бирге иштешип жаткандар биздин келишимди бузуп Кумтөр кенин экспроприациялап, активдерин басып алышынын бир мисалы болуп саналат", — деп жазылган маалыматта.

Буга чейин The Wall Street Journal каржылык кызматтарды көрсөтүү менен алектенген америкалык StoneX Group Inc. компаниясы "Кыргыз алтын" ААКсын 1 миллион долларга сотко бергенин жазган. Доо арыз Лондондогу соттордун биринде каралат. Басылманын маалыматына караганда, үстүбүздөгү жылдын май айында "Кыргыз алтын" жарым тонна алтындын жеткирилишин үзгүлтүккө учуратып, 29 миллион долларды алууга аракет жасаган.

"Кыргыз алтын" мындай дооматтар чындыкка дал келбестигин айтып келет.

500
Белгилер:
Кыргызстан, Акылбек Жапаров, министр, Кыргызалтын, Лондон
Тема боюнча
Лондондогу уюм "Кыргыз алтынды" ишенимдүү компаниялардын катарынан чыгарды