Мектепке бараткан окуучулар. Архивдик сүрөт

Педиатр балага мектеп кийимин кантип тандоо керектигин айтып берди

463
Жаңы окуу жылына саналуу гана күндөр калганына байланыштуу учурда ата-энелер балдарына кийим-кечек сатып алуу менен алектенип жаткан учуру. Дарыгер окуучунун саламаттыгына зыян келтирип албаш үчүн кандай кийим тандоо керектигин түшүндүрдү.

БИШКЕК, 27-авг. — Sputnik. Баланын мектепке кийчү кийими чоң же тар, ошондой эле денеге ыңгайсыз кездемеден болбошу керек. Мындан тышкары, окуучуга оголе кымбат кийимдин дагы зарылдыгы жок экенин Москва шаарынын Саламаттык сактоо департаментинин башкы педиатры Исмаил Османов айтты.

Адистин сөзүнө таянып РИА Новости агенттигинин жазганына караганда, бала форманы беш сааттан 10 саатка чейин кийип жүргөндүктөн, биринчи орунда ыңгайлуу жана баланын өзүнө жага турган болушу шарт.

"Мектеп формасынын кездемеси ысык же суукту тартпашы зарыл. Ошондой эле окуучуларга ашынган кымбат кийимдин зарылдыгы жок. Мунун себептери айтпаса деле түшүнүктүү. Баарынан жакшысы чоңоюп калган бала болсо, форма сатып аларда аны чогуу алып алганыңыз туура. Өспүрүмдүн өзүнө жаккан кийимди кийгени оң", — деди Османов.

Ал эми сырткы кийим жеңил, кыймылдаганда ыңгайсыздык жаратпаган жана оңой жууп-тазалана турган болушу зарыл. Ошондой эле бала мектепке өзү барып-келе турган болсо, сырткы кийиминде жарыкты чагылдыра турган ленталарды чаптап коюңуз. Бул бала кечкисин окуудан келе жатканда жолдо коопсуз жүрүшүнө шарт түзөт.

"Эгер бала мектепте бут кийимин алмаштыра турган болсо, тердетпеген жана жумшак бут кийим керек. Такалуу туфли, балетка, кеда сыяктуу бут кийимдер мектептин ичине анча ыңгайсыз. Ал эми дене тарбия сабагына кроссовкадан өтөрү жок", — деди адис.

Мындан тышкары, ал мектеп курагындагы балдарга колдон келсе боолуу эмес, чаптама бут кийимдер ыңгайлуу экенин кошумчалады.

463
Белгилер:
окуучу, мектеп, форма, ден соолук, дарыгер, кеңеш
Тема боюнча
Марипов: мектептердеги окуу онлайн тартипте уланбайт
Кыргызстанда окуу жылы мындан кийин дайыма 15-сентябрда башталат
Колбаса азыктары. Архив

Жумасына жарым килограммдан көп жебеш керек. Эттин кооптуулугу эскертилди

2
(жаңыланган 09:56 28.10.2021)
Адис "жаман" майлар туурасында да эске салып, алар майонезде, маргаринде жана чочко майында бар экендигин айткан.

БИШКЕК, 28-окт. — Sputnik. Адам ичегисинин былжыр челин жакшы абалда сакташ үчүн кооптуу деген азыктардан баш тартып койгону дурус. Бул туурасында немец дарыгери Томас Фрилингдин башка басылмаларга айткандарына таянып РИА Новости жазды.

Адис колдон келсе жебей койгондон өтөрү жок деген азыктардын башына кантты койгон. Дарыгер таттуу болгон жерде бактериялардын кайсы бир түрү жакшы көбөйө тургандыгын эскертти. Андан аркы тизмесине туздалган, ышталган тамактар жана колбаса азыктарын кошкон.

"Булар канцероген заттары бар делген тизмедеги тамактардын катарына кирет, ошон үчүн кадимки кызыл этти (балык менен тооктукунан башкасын) да жумасына 500 граммдан ашык жебеш керек", — деген Фрилинг.

Адис "жаман" майлар туурасында да эскертип, алар майонезде, маргаринде жана чочко майында бар экендигин айткан.

Фрилинг пайдалуу азыктарды да санап берген. Биринчи орунда жашылча жана буурчактар турарын, алардын курамында клетчатка сыяктуу азыктар бар экенин айткан. Андан кийинки орунга банан, балык, жемиштердин пюреси, мундир кылып жасалган картошка жана кара нан чыккан.

2
Белгилер:
ден соолук, азык, дарыгер, кеңеш, колбаса, зыяндуу, банан, пайдалуу
Кыз төшөктө отурат. Иллюстративдик сүрөт

Жакшы жатып жай туруу үчүн эмне жеш керектиги айтылды

29
Ал азыкта уйкунун сапатын жакшырткан триптофан бар. Бул организмге эң негизги эки гормонду — серотонин менен мелатонинди иштеп чыгуу үчүн керек.

БИШКЕК, 28-окт. — Sputnik. Жер жаңгак майы жатар алдында жей турчу пайдалуу азыктардын бири. Бул тууралуу Америкалык диетологдор ассоциациясына шилтеме берип "Известия" жазды.

Жер жаңгак пастасында пайдалуу майлар менен белок бар, алар түнү бою курсакты ток кармайт. Диетологдор бул азыктын эки чай кашыгы эле 7 грамм белок менен 15 грамм пайдалуу май камтый турганын белгилеген.

Изилдөөлөр боюнча жер жаңгактын өзү жаман холестерин менен күрөшүп, жүрөк-кан тамыр ооруларын алдын алат. Ошондой эле Е витамини бар, ал организмде аз болсо уйку начарлайт.

"Жер жаңгакта уйкунун сапатын жакшырткан триптофан бар. Ал организмге эң негизги эки гормонду — серотонин менен мелатонинди иштеп чыгуу үчүн керек", — деген диетолог.

Мындан сырткары, темир, марганец, фосфор жана магний минералдарына бай.

29
Белгилер:
жаңгак, май, уйку, диетолог
Тема боюнча
Диетолог суукта, локдаунда кантип салмак кошпой жүрүүнүн жолун айтып берди
Дарыгер күздөгү уйку басууну кантип жеңсе болорун айтып берди