Кыз крем менен. Архив

Инсульт болор адамды жүзүнөн билсе болот. Түшүндүрмө

1834
(жаңыланган 12:09 28.08.2021)
Саламаттык үчүн теринин өңү да маанилүү. Адам кубарып турса анемия, саргыч тартып турса боордун илдети экенин билүүгө болот. Эгер эриндер көк тартып кетсе жүрөк-кан тамыр оорулары көйгөй жаратышы ыктымал.

БИШКЕК, 28-авг. — Sputnik. Хирург-онколог Иван Карасев Instagram баракчасы аркылуу адам инсульт болорун кантип биле аларын айтып берген. Адистин түшүндүрмөсүн РИА Новости жазды.

"Бети кыйшайып, ассиметриялуу болуп калат. Бул инсульттан кабар берүүчү алгачкы белги", — деди Карасев.

Медик ар бир илдет адамдын жүзүнө из калтырарын түшүндүрүп берди. Анын айтымында, беттин териси кургап, кесилип жатса организмге суу жетишпегенинин белгиси, бул дагы өз кезегинде тер бездеринин иши менен байланышкан көйгөйдөн кабар берет.

Ал эми аялдын жаагында, ээгине, үстүңкү эрдине түк өсө баштаса жумурткалары дартка кабылганын билүүгө болот. Ден соолук тууралуу адамдын көздөрү да айтып турат.

"Көздүн кызарышы катуу чарчагандыктын белгиси болуп саналат, ал эми саргарып кетсе боордо маселе бар. Эгер көздүн айланасы кубарып турса табарсык ооруп жатышы ыктымал. Көздүн алды карарып кетсе бөйрөктү текшертүү зарыл", — деди Карасев.

Саламаттык үчүн теринин өңү да маанилүү. Адам кубарып турса анемия, саргыч тартып турса боордун илдети экенин билүүгө болот. Эгер эриндер көк тартып кетсе жүрөк-кан тамыр оорулары көйгөй жаратышы мүмкүн. Мындан тышкары, онколог бетке чыгып кеткен безеткиге да көңүл бурууга чакырган.

"Чекеге чыкканы ичегиде, бет менен үстүңкү эринге чыкканы жоон ичегиде, чыкыйдагысы өттө мандем бар экенинен кабар берет. Ал эми ээкке чыккан безетки гинекологго кайрылууга себеп болот", — деди дарыгер.

Ошондой эле медик териге эрте түшкөн бырыш зат алмашуунун бузулганын, жоон ичеги менен ашказандын оорусун билдирерин кошумчалады.

1834
Белгилер:
оору, көз, бет, дарыгер, онколог, хирург
Тема боюнча
Дарыгер инфарктка алып келе турчу оорунун алгачкы белгилерин атап берди
Окумуштуулар аялдар төрөттөн кийин канча жылга картая турганын айтты
Кытайдын Тышкы иштер министри Ван И президент Садыр Жапаров менен жолукту

Кытай Кыргызстанга 100 млн. доллар жана миллион доза вакцина берүүгө даяр

114
(жаңыланган 23:02 16.09.2021)
Президент Садыр Жапаров Кытайдын тышкы иштер министри Ван И менен Душанбеде жолугуп, бир катар маселелерди талкуулады.

БИШКЕК, 16-сен. — Sputnik. Кытай өкмөтү Кыргызстандын социалдык-экономикалык өнүгүүсүн колдоо иретинде 650 миллион юань (100 миллион доллардын тегереги) менен коронавирустук инфекцияга каршы кытайлык вакцинанын 1 миллион дозасын берүүгө даяр. Бул тууралуу Кытайдын тышкы иштер министри Ван И президент Садыр Жапаров менен жолукканда билдирди.

Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.

  • Президент Кыргызской Республики Садыр Жапаров принял члена Государственного совета, министра иностранных дел Китайской Народной Республики Ван И. 16 сентября 2021 года
    Кытайдын Тышкы иштер министри Ван И президент Садыр Жапаров менен жолукту
    © Пресс-служба президента КР / Султан Досалиев
  • Член Государственного совета, министр иностранных дел Китайской Народной Республики Ван И во время встречи с президентом КР Жапаровым
    Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Кытайдын Тышкы иштер министри Ван И президент Садыр Жапаров менен жолукту

Жапаров Кыргызстан Кытайды негизги соода инвестициялык өнөктөштөрдүн бири катары карай турганын жана биргелешкен инвестициялык долбоорлорду ишке ашырууга кызыкдар экенин билдирген.

Президент учурда өлкөдөгү инвестициялык климатты жакшыртуу боюнча активдүү чаралар көрүлүп жатканын кошумчалаган. Анын айтымында, кыргыз тарап эки өлкө ортосундагы туруктуу аба каттамдарын жандантууну маанилүү деп эсептейт.

Кытай — Кыргызстан — Өзбекстан темир жолунун курулушу боюнча да кеп болуп, Жапаров долбоорду ишке ашыруу Кыргызстан үчүн эле эмес, жалпы регион үчүн маанилүү экенин белгилеген.

"КЭР мамлекеттик кеңешинин мүчөсү, тышкы иштер министри Кытай өкмөтү өлкөнүн социалдык-экономикалык өнүгүүсүн колдоо иретинде Кыргызстанга 650 миллион юань (100 миллион АКШ долларынын тегерегинде) бөлүүгө даярдыгын айтты. Ошондой эле коронавирустук инфекцияга каршы кытайлык вакцинанын кошумча партиясын (1 миллион доза) жана медициналык каражаттарды берүү чечимин кабыл алганын билдирди", — деп айтылат маалыматта.

Мамлекеттик кеңештин мүчөсү Кытай тараптын автоунаа жолдорун куруу жана ирригациялык түйүндөрдү кеңейтүү тармактарында биргелешкен долбоорлорду ишке ашырууга кызыкдар экенин билдирген. Мындан сырткары, тараптар регионалдык коопсуздук маселелерин талкуулаган.

114
Белгилер:
Кыргызстан, Кытай, Садыр Жапаров, вакцина, каражат
Тема:
Коронавируска каршы эмдөө
Тема боюнча
3 млн. бет кап, коргоочу костюм. Кыргызстанга Кытайдан гумжардам келди
Россиянын Ички иштер министрлиги кыргызстандык кесиптештерине 17 транспорт каражатын берди.

Россиянын ИИМи кыргызстандык кесиптештерине 17 транспорт каражатын берди. Сүрөт

78
(жаңыланган 21:39 16.09.2021)
ИИМ автоунаалар Баңгизаттарды мыйзамсыз жүгүртүүгө каршы күрөшүү кызматынын техникалык базасын чыңдай турганын белгиледи.

БИШКЕК, 16-сен. — Sputnik. Россиянын Ички иштер министрлиги кыргызстандык кесиптештерине 17 транспорт каражатын берди. Бул тууралуу ИИМдин маалымат кызматы кабарлады.

Жалпысынан Chevrolet Cobalt үлгүсүндөгү 15 унаа жана "Газель NEXT Автобус" үлгүсүндөгү эки кичи автобус тапшырылган.

  • Министерство внутренних дел России передало кыргызским коллегам 17 новых автотранспортных средств. Всего передано 15 легковых автомобилей марки Chevrolet Cobalt и два микроавтобуса марки Газель NEXT Автобус.
    Россиянын Ички иштер министрлиги кыргызстандык кесиптештерине 17 транспорт каражатын берди.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Жалпысынан Chevrolet Cobalt үлгүсүндөгү 15 унаа жана "Газель NEXT Автобус" үлгүсүндөгү эки кичи автобус тапшырылган.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Церемония передачи автомобилей сотрудникам МВД в Бишкеке
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Иш-чарага ИИМ башчысынын орун басары Октябрь Урмамбетов, Россиянын Кыргызстандагы элчилигинин кеңешчи-элчиси Вадим Гусев, Россиянын ИИМнин Баңгизаттарды жүгүртүүнү көзөмөлдөө боюнча башкы башкармалыгынын начальнигинин орун басары Борис Яковченко, РФтин Тышкы иштер министрлигинин Жаңы чакырыктар жана коркунучтар маселелери боюнча департаментинин баңгизаттарды көзөмөлдөө чөйрөсүндөгү эл аралык кызматташтык маселелери боюнча бөлүм начальниги Мария Вислогузова, Россия Федерациясынын ИИМнин эл аралык кызматташтык башкармалыгынын бөлүм начальниги Павел Юлин, Росиянын ИИМнин Кыргызстандагы өкүлү Владимир Лузганов катышкан.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Урмамбетов конокторго тыгыз кызматташтыгы жана колдоосу үчүн терең ыраазычылыгын билдирди.
    © Фото / пресс-служба МВД Кыргызстана
1 / 5
© Фото / пресс-служба МВД Кыргызстана
Россиянын Ички иштер министрлиги кыргызстандык кесиптештерине 17 транспорт каражатын берди.
"Жаңы унаалар министрликтин Баңгизаттарды мыйзамсыз жүгүртүүгө каршы күрөшүү кызматынын техникалык базасын чыңдайт, ошондой эле кызматкерлердин кылмыштын башка түрлөрүн да ачышына кызмат кылат", — деп айтылат маалыматта.

Иш-чарага ИИМ башчысынын орун басары Октябрь Урмамбетов, Россиянын Кыргызстандагы элчилигинин кеңешчи-элчиси Вадим Гусев, Россиянын ИИМинин Баңгизаттарды жүгүртүүнү көзөмөлдөө боюнча башкы башкармалыгынын начальнигинин орун басары Борис Яковченко, РФтин Тышкы иштер министрлигинин Жаңы чакырыктар жана коркунучтар маселелери боюнча департаментинин баңгизаттарды көзөмөлдөө чөйрөсүндөгү эл аралык кызматташтык маселелери боюнча бөлүм начальниги Мария Вислогузова, Россия Федерациясынын ИИМинин эл аралык кызматташтык башкармалыгынын бөлүм начальниги Павел Юлин, Россиянын ИИМинин Кыргызстандагы өкүлү Владимир Лузганов катышкан.

Урмамбетов конокторго тыгыз кызматташтыгы жана колдоосу үчүн терең ыраазычылыгын билдирди.

78
Белгилер:
Россия, Кыргызстан, ИИМ, унаа, транспорт, кызматташтык, белек
Тема боюнча
ИИМ 100дөй кыргызстандыктын телефон сүйлөшүүсү тыңшалганын тастыктады, бирок...