Суук тийип ооруп калган аял. Архивдик сүрөт

Дарыгер суук тийген кишини дарылоодогу негизги каталарды санап берди

497
Адис суук тийгизген киши мончого түшүп, пияз менен сарымсак жыттабашы керектигин айтты. Бул нерселер организмди ого бетер кыйнай турганы белгилүү болду.

БИШКЕК, 29-авг. — Sputnik. Отоларинголог, медицина илимдеринин кандидаты Владимир Зайцев Sputnik радиосунун эфиринде суук тийгизип алган учурда кетирген катачылыктарды санап берди. 

Адистин пикиринде, көпчүлүк күз мезгилинде суукка урунуп калганда дарыгерге кайрылбайт.

"Айрымдар элдик ыкмаларды колдонуп, үйдөн дарыланып алууну туура көрүшөт. Ошонун арасында ысык мончого түшкөн туура деп ойлошот. Бирок бул адамдар жаңылышат. Ысыктан тамак, мурун көңдөйүнүн ансыз деле кыйналып турган тамырлары ого бетер шишип, оору күчөйт", — деди Зайцев.

Анын айтымында, мончо адам сакайып калган учурда гана пайдалуу. Ошондой эле ал пияз менен сарымсак эч качан суукка урунган организмге жардам бербей турганын кошумчалады.

"Мен жогоруда айткандай, суук тийгенде мурун менен тамактын тамырлары шишип, жабыркайт. Мындай учурда пияз менен сарымсактын жыты аларды ого бетер кычыштырышы мүмкүн. Ал тургай чеснок мурун көңдөйүн күйгүзүп дагы жиберет", — деди дарыгер.

Суук тийүүнү көпчүлүк олуттуу кабыл албаганы менен адис дарыгерге кайрылып коюу туура экенин айтты.

497
Белгилер:
суук, күз, ден соолук, оору, дарылануу
Тема боюнча
Окумуштуулар аялдар төрөттөн кийин канча жылга картая турганын айтты
COVID курсактагы түйүлдүккө кандай кесепетин тийгизет? Жаңы иликтөө
Нарын шаарынын мэри Самарбек Болотбеков. Архив

Нарындын мэри Болотбеков сыртка чыкпоо тил каты менен бошотулду

14
Шаар башчысы 2020-жылы өткөн паралменттик шайлоо маалында коррупциялык иштерге аралашкан деп шектелүүдө.

БИШКЕК, 21-сен. — Sputnik. Нарын шаарынын мэри Самарбек Болотбеков сыртка чыкпоо тил катынын негизинде бошотулду. Бул туурасында Биринчи май райондук сотунун маалымат кызматы билдирди.

Мындай чечим кечээ, 20-сентябрда, чыккан. Болотбеков шайлоодогу коррупциялык иштерге аралашкан деп шектелүүдө.

УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Руслан Чойбековду 16-сентябрда кармаган. Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо "Кыргызстан" партиясынан талапкер болгон, учурда Нарындын мэри Самарбек Болотбеков кармалган болчу.

14
Белгилер:
Самарбек Болотбеков, мэр, кармоо, коррупция, бошотуу
Тема боюнча
500 миң долларлык мүлк. "Кыргызстандын" дагы бир экс-депутаты кармалды
Чач тарач иш учрунда. Архив

COVID-19дан кийин чачтын түшүшүн кантип токтотсо болот? Трихологдун кеңеши

6
(жаңыланган 11:52 21.09.2021)
Адистин пикиринде, адам чачтын түшө баштаганын дароо байкабайт. Алгачкы белгилер оору башталгандан 3-4 жума же сакайгандан эки ай өткөн соң билинет.

БИШКЕК, 21-сен. — Sputnik. COVID-19га чалдыгып сакайгандардын көпчүлүгү чачынын түшүп жатканын айтууда. Аны токтотууга өз алдынча тандап алган каражаттар жардам бере албасын Sputnik радиосунун эфиринде трихолог Юлия Нагайцева айтты.

Адистин пикиринде, адам чачтын түшө баштаганын дароо байкабайт. Алгачкы белгилер оору башталгандан 3-4 жума же сакайгандан эки ай өткөн соң билинет.

"Бул процесстин башталышы гана. Менин жарым жылдык байкоомо караганда, чач түшүп эле тим болбой, башка ооруларды дагы пайда кылууда. Албетте, түшсө дагы өзү калыбына келип, мурдагыдай калыңдыкка жеткен учурлар бар. Ал үчүн адам жаш, организми күчтүү болушу керек. Ал эми чачы оголе жукарып кеткендер адиске кайралганы туура", — деди Нагайцева.

Анын айтымында, дарыканадагы бардык эле каражаттар чачтын түшүшүн токтотууга жардам бере бербейт.

"Чач түшүү — бул оору, аны дарылоо керек. Алгач организмге кайсы элемент жетпей жатканын анализдер аркылуу аныктоо зарыл. Ошондо гана дарыгер бейтапка керектүү каражатты сунуштай алат", — деди трихолог.

Ошондой эле адис COVID-19дан сакайган адамдарды медицинадык кароодон өткөрүү маалында айрымдардан андрогенетикалык алопеция илдети табылып жатканын кошумчалады. Бул илдет чачтын өсүшүн толугу менен токтотуп коет.

6
Белгилер:
дарыгер, коронавирус, чач, кесепет
Тема:
Дүйнөгө жайылган коронавирус
Тема боюнча
Окумуштуулар коронавирустун дагы бир олуттуу кесепетин айтышты
Беларуста COVID-19дун төртүнчү толкуну башталганын айтты