Чүй облустук Жол кыймылынын коопсуздугун коргоо боюнча башкармалыгынын кызматкерлери

Чүй: ичип алып жана катуу ылдамдык менен айдагандар көп болууда

64
(жаңыланган 10:50 30.08.2021)
Кыргызстанда акыркы күндөрү автокырсык көп болууда. Ири трассаларда жүргүнчү ташыган транспорттор кагылышып, бир эле учурда бир канча адам өмүрү кыйылган учурлар арбыды.

БИШКЕК, 30-авг. — Sputnik. Чүй облусунда тогуз күндүк текшерүүнүн жыйынтыгында айдоочулардын көбү автоунааны катуу ылдамдык менен айдап, жол эрежесин бузган 945 учур аныкталды. Бул туурасында Жол кыймылынын коопсуздугун коргоо боюнча аталган облустун башкармалыгынын маалымат кызматынан кабарлашты.

Тартип коргоочулар 21-29-август аралыгында рулда отургандарды текшергенде жолдо жүрүүнүн эрежеси 3012 ирет бузулган.

Жыйынтыгы төмөнкүдөй болду:

  • 59 айдоочу ичип алып рулга отурган;
  • 945 киши катуу ылдамдык менен жүргөн;
  • 34ү тиешелүү документсиз айдап жүргөн;
  • 88 автокөлүк айып короого токтотулган.

Чүй облустук Жол кыймылынын коопсуздугун коргоо боюнча башкармалыгы рулга отургандарды жолдо жүрүүнүн эрежелерин бузбоону суранды.

Кыргызстанда акыркы күндөрү автокырсык көп болууда. Ири трассаларда жүргүнчү ташыган транспорттор кагылышып, бир эле учурда бир канча адам өмүрү кыйылган учурлар арбыды.

Мындай кайгылуу окуялардын алдын алуу максатында автоинспекторлор текшерип, катуу ылдамдык менен айдагандарды таап жана аларга түшүндүрүү иштерин жүргүзүп жатат.

64
Белгилер:
Кыргызстан, Чүй облусу, айдоочу, жол эрежеси, жол кырсык
Тема боюнча
Уят да, байке! Автоинспектор айдоочулардын билимин текшерген видео
Колбаса азыктары. Архив

Жумасына жарым килограммдан көп жебеш керек. Эттин кооптуулугу эскертилди

13
(жаңыланган 09:57 28.10.2021)
Адис "жаман" майлар туурасында да эске салып, алар майонезде, маргаринде жана чочко майында бар экендигин айткан.

БИШКЕК, 28-окт. — Sputnik. Адам ичегисинин былжыр челин жакшы абалда сакташ үчүн кооптуу деген азыктардан баш тартып койгону дурус. Бул туурасында немец дарыгери Томас Фрилингдин башка басылмаларга айткандарына таянып РИА Новости жазды.

Адис колдон келсе жебей койгондон өтөрү жок деген азыктардын башына кантты койгон. Дарыгер таттуу болгон жерде бактериялардын кайсы бир түрү жакшы көбөйө тургандыгын эскертти. Андан аркы тизмесине туздалган, ышталган тамактар жана колбаса азыктарын кошкон.

"Булар канцероген заттары бар делген тизмедеги тамактардын катарына кирет, ошон үчүн кадимки кызыл этти (балык менен тооктукунан башкасын) да жумасына 500 граммдан ашык жебеш керек", — деген Фрилинг.

Адис "жаман" майлар туурасында да эскертип, алар майонезде, маргаринде жана чочко майында бар экендигин айткан.

Фрилинг пайдалуу азыктарды да санап берген. Биринчи орунда жашылча жана буурчактар турарын, алардын курамында клетчатка сыяктуу азыктар бар экенин айткан. Андан кийинки орунга банан, балык, жемиштердин пюреси, мундир кылып жасалган картошка жана кара нан чыккан.

13
Белгилер:
ден соолук, азык, дарыгер, кеңеш, колбаса, зыяндуу, банан, пайдалуу
Тема боюнча
Диетолог суукта, локдаунда кантип салмак кошпой жүрүүнүн жолун айтып берди
Дарыгер пиязды ашыкча колдонуунун кесепетин айтты
Кыз төшөктө отурат. Иллюстративдик сүрөт

Жакшы жатып жай туруу үчүн эмне жеш керектиги айтылды

35
Ал азыкта уйкунун сапатын жакшырткан триптофан бар. Бул организмге эң негизги эки гормонду — серотонин менен мелатонинди иштеп чыгуу үчүн керек.

БИШКЕК, 28-окт. — Sputnik. Жер жаңгак майы жатар алдында жей турчу пайдалуу азыктардын бири. Бул тууралуу Америкалык диетологдор ассоциациясына шилтеме берип "Известия" жазды.

Жер жаңгак пастасында пайдалуу майлар менен белок бар, алар түнү бою курсакты ток кармайт. Диетологдор бул азыктын эки чай кашыгы эле 7 грамм белок менен 15 грамм пайдалуу май камтый турганын белгилеген.

Изилдөөлөр боюнча жер жаңгактын өзү жаман холестерин менен күрөшүп, жүрөк-кан тамыр ооруларын алдын алат. Ошондой эле Е витамини бар, ал организмде аз болсо уйку начарлайт.

"Жер жаңгакта уйкунун сапатын жакшырткан триптофан бар. Ал организмге эң негизги эки гормонду — серотонин менен мелатонинди иштеп чыгуу үчүн керек", — деген диетолог.

Мындан сырткары, темир, марганец, фосфор жана магний минералдарына бай.

35
Белгилер:
жаңгак, май, уйку, диетолог
Тема боюнча
Диетолог суукта, локдаунда кантип салмак кошпой жүрүүнүн жолун айтып берди
Дарыгер күздөгү уйку басууну кантип жеңсе болорун айтып берди