Улуттук гвардиянын жоокери, прапорщик Кайратбек Рапиев Бишкектин Ала-Тоо аянтына келип, марафондук чуркоосун аяктады

Улуттук гвардиянын прапорщиги Рапиев 150 чакырымды 2 күндө чуркап, Бишкекке келди

97
(жаңыланган 15:58 31.08.2021)
Прапорщик Рапиев 30-августта Суусамырдан жолго чыккан. Бул кадамын жоокер Кыргызстандын эгемендигинин 30 жылдыгына арнаган.

БИШКЕК, 31-авг. — Sputnik. Бүгүн, 31-август, саат 12:00дө Улуттук гвардиянын жоокери, прапорщик Кайратбек Рапиев Бишкектин "Ала-Тоо" аянтына келип, марафондук чуркоосун аяктады. Бул тууралуу Коргоо министрлигинин маалымат кызматы билдирди.

  • Марафонский забег военнослужащего Национальной гвардии, гвардии прапорщика Кайратбека Рапиева завершился в Бишкеке на площади Ала-Тоо. 31 августа 2021 года
    Бүгүн, 31-август, саат 12:00дө Улуттук гвардиянын жоокери, прапорщик Кайратбек Рапиев Бишкектин "Ала-Тоо" аянтына келип, марафондук чуркоосун аяктады
    © Фото / пресс-служба Министерства обороны КР
  • Марафонский забег военнослужащего Национальной гвардии, гвардии прапорщика Кайратбека Рапиева завершился в Бишкеке на площади Ала-Тоо. 31 августа 2021 года
    Кечээ, 30-августта, ал Суусамырдан Бишкекти көздөй чуркап, жолго чыккан. План боюнча сапары Бишкектен аяктамак.
    © Фото / пресс-служба Министерства обороны КР
1 / 2
© Фото / пресс-служба Министерства обороны КР
Бүгүн, 31-август, саат 12:00дө Улуттук гвардиянын жоокери, прапорщик Кайратбек Рапиев Бишкектин "Ала-Тоо" аянтына келип, марафондук чуркоосун аяктады

Кечээ, 30-августта, ал Суусамырдан Бишкекти көздөй чуркап, жолго чыккан. План боюнча сапары Бишкектен аяктамак. Бул кадамын Кыргызстандын көз карандысыздыгынын 30 жылдыгына арнаган. Аны Улуттук гвардиянын видео тарткан тобу жана медицина кызматкерлери коштоп келген.

"Финиште марафончуну Улуттук гвардиянын жетекчилиги менен жеке курам, шаардыктар, жакындары тосуп алды. Суусамыр менен Төө-Ашуунун климатынын катаалдыгына, кээ бир кишилердин ишенип-ишенбей кылган мамилесине карабай жоокер койгон максатына жетти. Мындай жолду жогорку даярдыктагы гана эмес, эрки күчтүүлөр да басып өтө алат. Марафондук чуркоо жеңил атлетиканын оор түрлөрүнүн бири", — деп айтылат маалыматта.

Рапиев 2019-жылдын июнь айында Ысык-Көлдү айланып 374 чакырымды басып өткөн.

97
Белгилер:
Кыргызстан, Улуттук Гвардия, прапорщик, Кайратбек Рапиев, жоокер, марафон, ультрамарафон
Тема:
Эгемендүүлүктүн 30 жылдыгын майрамдоо (65)
Тема боюнча
Ысык-Көлдү сүзүп өткөн Шулико Олимпиадага катышууга максат койду
Кабулдагы нааразылык акциясында афгандык аял

Талибдер аялдар үйдө отуруп, алардын ордуна эркектер иштеши керектигин айтты

6
(жаңыланган 10:32 20.09.2021)
Кабулдун мэринин милдетин аткарып жаткан адамдын айтымында, аялдар мурда иштеп келген кызматын эми эркектерге бериши кажет.

БИШКЕК, 20-авг. — Sputnik. Кабулдун шаардык чарба системасындагы эркектер иштей алчу кызматты аркалаган аялдар үйдө отуруп, жумушка чыкпашы керек. Бул тууралуу Афганистандын борбор калаасынын мэринин милдетин аткаруучу Молави Хамдулла Номани айтканын РИА Новости жазды.

Калаа башчынын милдетин аткаруучунун айтымына караганда, шаардык чарбада 2,9 миң адам иштесе, алардын 27 пайызы аялдар. Кыз-келиндер райондордун администрацияларында, курулуш жана инженерия тармагында да эмгектенишет.

"Биз жумушун эркектер алмаштыра албай турган же эркектин иши эмес болгон кызматтарда кыз-келиндердин иштөөсүнө уруксат бердик. Алар күн сайын ишке чыгат. Маселен, шаардагы аялдар ажатканаларында иштегендер, себеби ал жакка эркектер барганга болбойт", — деген мэр. Анын сүйлөгөн учурунун видеосун AL Arabiya телеканалы Twitter баракчасына жазды.

Убактылуу мэр райондордо жана борбордук кеңселерде эркектер алардын ишин жасай албагандыктан, аялдар өздөрүнүн ордунда каларын белгилеген. Бул — электр энергетика жана курулуш тармагы экени айтылды.

"Башкалар (эркектер – ред.) иштей ала турган кызматтар туурасында айтсак... Биз аларга (аялдар – ред.) абал турукташмайын үйдө отургула дедик. Айлыктары жүрө берет", — деген мэр.

"Талибан"* августтун башында активдешип, айдын орто ченинде Кабулга кирген. Согуш аягына чыкканы жар салынып, 31-августта америкалык аскерлер, Батыш өлкөлөрүнүн жарандары жана алар менен кызматташкан афгандар толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

6
Белгилер:
Афганистан, 'Талибан' кыймылы, аялдар, укук, жумуш
Тема:
Афган бийлиги менен талибдердин тиреши
Тема боюнча
ЖМК: талибдер өзбек тилин расмий макамынан ажыратып салды
Пикирлештердин саммити: ШКУнун Афганистан боюнча кадамы кандай болот
COVID-19 менен ооруган бейтаптар үчүн убактылуу оорукананын реанимациясы

COVID: 58 киши вирус жугузуп, эки бейтап көз жумду

30
(жаңыланган 09:40 20.09.2021)
Кыргызстан боюнча илдет илештиргендердин жалпы саны 177 780ге жетип, анын ичинен 172 261 киши дартты жеңген.

БИШКЕК, 20-сен. — Sputnik. Өткөн суткада Кыргызстанда 58 кишиден коронавирус аныкталып, 72 киши сакайып кетти. Бул тууралуу Республикалык штаб кабарлады.

Жуктургандар:

  • Бишкек – 36;
  • Чүй облусу – 6;
  • Талас облусу – 1;
  • Нарын облусу – 1;
  • Ысык-Көл облусу – 9;
  • Жалал-Абад облусу – 5.

Өлкөдө илдет илештиргендердин жалпы саны 177 780ге жетип, анын ичинен 172 261 киши дартты жеңген.

Акыркы 24 саат ичинде эки киши каза таап, коронавирустан көз жумгандардын саны жалпысынан 2 590го жетти.

Стационарда 591 жана амбулатордук шартта 868 адам дарыланып жатканы кабарланды.

30
Белгилер:
Кыргызстан, коронавирус, статистика
Тема:
Кыргызстандагы коронавирус жуктуруп алгандар
Тема боюнча
Коркпой-этпей алгыла! Мамакеев элди эмдөөдөн өтүүгө үндөдү
Кишенчен адам. Архив

Аэропортко бараткан жолдо аялды коюп кеткен мотоциклдин айдоочусу кармалды

0
(жаңыланган 10:34 20.09.2021)
Окуя кечээ, 19-сентябрда, болгон. Кырсыктын кесепетинен 52 жаштагы аял каза тапкан.

БИШКЕК, 20-сен. — Sputnik. Аэропортко бараткан жолдун Манас айылында аялды сүзүп кеткен мотоциклдин айдоочусу кармалды. Бул тууралуу Чүй ОИИББдин маалымат кызматы билдирди.

Окуя кечээ, 19-сентябрда, саат 19:30да болгон. Кырсыктын кесепетинен 52 жаштагы аял каза тапкан. Мындан улам Манас айылынын жашоочулары Бишкек — аэропорт жолун тосуп, нааразычылыктарын билдиришкен.

Милиция кырсык тууралуу маалымат түшөрү менен ыкчам-тергөө тобу жерине барганын белгиледи. Аталган факт Жазык кодексинин 297-беренеси (Жол кыймылы коопсуздугун жана автотранспорт каражаттарын эксплуатациялоо эрежелерин бузуу) менен катталган.

Азыркы тапта мотоциклдин Н.Ф. аттуу 29 жаштагы айдоочусу Сокулук райондук милициясынын убактылуу кармоочу жайына киргизилди.

Тийиштүү экспертизалар дайындалып, сотко чейинки өндүрүш жүргүзүлүүдө.

0
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкекте жүк ташыган поездге урунуп 21 жаштагы жигит каза тапты
"Жигулинин" маңдайы жарабай калган. Токтогулда жол кырсыктан үч киши мерт болду