Мамлекеттик сыйлык Достук ордени. Архив

Кыргызстандыктар менен кошо чет элдиктер да сыйланды. Жапаровдун жарлыгы

117
(жаңыланган 20:01 31.08.2021)
Президент Садыр Жапаров маданият кызматкерлеринен башка да бир топ тармактардын өкүлдөрүн, андан сырткары Кыргызстан-Россиянын эриш-аркак жылындагы иш-чарада өзгөчөлөнгөндөргө мамлекеттик наамдарды ыйгарды.

БИШКЕК, 31-авг. — Sputnik. Президент Садыр Жапаров бүгүн, Эгемендүүлүк күнү, бир канча кыргызстандык менен чет элдиктерге мамлекеттик наамдарды ыйгарды. Бул тууралуу маалымат мамлекет башчынын сайтына илинген.

Алгач "Ак Шумкар" белгисин кыргыз интеллигенциясынын көч башында турган улуу инсандардын бири Жусуп Абдрахманов менен советтик жана партиялык ишмер Ахматбек Сүйүмбаевге ыйгарган жарлыгы жарыяланды. Андан соң маданият, искусство тармагынын 105 кызматкерин сыйлаган.

Эриш-аркак жылынын урматына Жапаров Кыргызстан менен Россиянын эриш-аркак жылынын алкагында маданият жана искусство жаатындагы эки өлкөнүн кызматташтыгын чыңдоого жана өнүктүрүүгө кошкон зор салымы үчүн "Кыргыз Республикасынын мамлекеттик сыйлыктары менен сыйлоо жөнүндө" жарлыкка кол койгон.

Сыйлангандар:

  • Данакер ордени — Швыдкой Михаил Ефимович, Россия президентинин эл аралык маданий кызматташтык боюнча атайын өкүлү;
  • Достук медалы — Полад Бүлбүл оглы, композитор, ырчы, КМШ мамлекеттердин Гуманитардык кызматташтык боюнча мамлекеттер аралык фондунун башкармасынын төрагасы;
  • Даңк ордени — Жумакунов Рысбек Дүйшөнбаевич, Т. Сатылганов атындагы Кыргыз улуттук филармониясынын Ч. Исабаев атындагы "Камбаркан" фольклордук-этнографиялык ансамблинин көркөм жетекчиси жана башкы дирижёру;

Сыйлангандардын толук тизмесин бул шилтемеден окууга болот.

Кесиптик ишмердүүлүгүндөгү зор жетишкендиктери үчүн "Кыргыз Республикасынын мамлекеттик сыйлыктары менен сыйлоо жөнүндө" жарлык Кыргызстандын социалдык-экономикалык, интеллектуалдык, маданий потенциалын өнүктүрүүгө олуттуу салым кошкондор үчүн да чыкты. Ага кесиптик ишиндеги зор жетишкендиктерди жараткандар, көп жылдык жемиштүү эмгек кылгандар, Конституцияны иштеп чыгууга активдүү катышкандар да кошулган.

III даражадагы Манас ордени менен сыйлангандар:

  • Кидибаев Мустафа Мусаевич – Кыргызстандын Улуттук илимдер академиясынын Ж. Жеенбаев атындагы Физика институтунун кристаллофизика жана радиометрия лабораториясынын башчысы;
  • Турсунбек Акун – Борбордук Азия боюнча адам укуктары боюнча конгрессинин координатору, Кыргызстан укук коргоо кыймылынын төрагасы;

Даңк ордени менен сыйлангандар:

  • Токталиев Акин Усубалиевич – коомдук укук коргоочу, адвокат, "Кыргызстан элинин ар намысын жана абийирин коргоо комитети" коомдук бирикмесинин төрагасы;
  • Достук ордени менен сыйлангандар — "Дүйнөлүк жаштар ассамблеясы" коомдук бирикмесинин президенти Баюми Саид Мохамед Елсаид.

Сыйлангандардын толук тизмесин бул шилтемеден окууга болот.

Медицина кызматкерлери

  • Садыр Жапаров саламаттыкты сактоо тармагындагы жетишкендиктери жана көп жылдык ак ниет эмгеги үчүн бир нече ак халатчанга мамлекеттик сыйлык ыйгарган жарлыкка кол койду.

Даңк ордени менен сыйлангандар:

  • Уметалиев Юсупжан Калжигитович – И. Ахунбаев атындагы Кыргыз мамлекеттик медициналык академиясынын оперативдик хирургия курсу менен госпиталдык хирургия кафедрасынын профессору;
  • Сарногоев Эсенбай Кондубаевич –  согуштун жана эмгектин ардагерлеринин Талас облустук ооруканасынын башкы дарыгери;
  • Бир катар ак халатчандарга Эмгек сиңирген дарыгер, Саламаттыкты сактоонун эмгек сиңирген кызматкери сыяктуу башка мамлекеттик сыйлыктар ыйгарылган.

Сыйлангандардын толук тизмесин бул шилтемеден окууга болот.

117
Белгилер:
Кыргызстан, Садыр Жапаров, сыйлык, жарлык
Тема:
Эгемендүүлүктүн 30 жылдыгын майрамдоо (65)
Тема боюнча
Борбиев, Казаков, Темирова. Наам алган маданий ишмерлер. Тизмеси
Жапаров Айсулуу менен Акжолго Манас орденин ыйгарып, унаа жана 10 млн. сом берди
Өкмөттүн Чүй облусундагы мурдагы өкүлү Туйгунаалы Абдраимов. Архив

Туйгунаалы Абдраимов тергөөгө келип туруу милдеттемесин алып сурактан чыкты

0
Буга чейин УКМК Абдраимовду мыйзамсыз баюу беренесине айыптап, бир нече мүлккө ээлик кыларын жарыялаган.

БИШКЕК, 21-сен. — Sputnik. Өкмөттүн Чүй облусундагы мурдагы өкүлү Туйгунаалы Абдраимов тергөөгө дайыма келип турууга милдеттендирилип сурактан чыкты. Бул тууралуу УКМКнын маалымат кызматы кабарлады.

Атайын кызмат Абдраимовду мыйзамсыз баюу беренесине айыптап, бир нече мүлккө ээлик кыларын жарыялаган. Ал жакын туугандарына жана аффилирленген адамдарга 16 батир, 18 жер тилкеси, унаа токтотуучу 2 жай, 5 турак жай, 3 дыйкан чарба, 16 автоунаа, "Ысык-Ата" курортунун аймагындагы бүтпөгөн курулуш объектилерди каттаганын билдирген.

Андан мурдараак саясатчы бийликти күч менен басып алууга шектелип ИИМге сурак берип чыккан.

Эске салсак, Туйгунаалы Абдраимов мурда Борбордук шайлоо комиссиясын эки ирет башкарган, 2018-2019-жылдары өкмөттүн Чүй облусундагы өкүлү болуп иштеген. Журналисттин келбетине асылып, коомчулуктун кескин сынынан кийин кызматтан алынган.

 

0
Белгилер:
сурак, Туйгунаалы Абдраимов, тергөө, УКМК
БУУнун Жаштар жана калктын динамикасы программасынын аналитиги Бактыбек Кайназаров. Архив

Кайназаров: демографиялык саясатка көңүл бурулушу зарыл

4
(жаңыланган 10:52 21.09.2021)
БУУнун Жаштар жана калктын динамикасы программасынын аналитиги Бактыбек Кайназаров Кыргызстанда 2040-жылга чейинки демографиялык саясаттын концепциясы иштелип чыгышы көп көйгөйлөрдү чечүүгө жол ачарын айтты.

Демографиялык саясатты жөнгө салуу учурдагы муктаждыктан келип чыгууда. Мындай пикирин Бактыбек Кайназаров Sputnik Кыргызстан радиосунун эфиринде билдирди.

Кайназаров: демографиялык саясатка көңүл бурулушу зарыл

Анын айтымында, демографиялык саясатты аныктоодо миграцияга өзгөчө көңүл буруу кажет.

"Кыргызстанда 2040-жылга чейинки демографиялык саясаттын концепциясы иштелип чыгышы көп көйгөйлөрдү чечүүгө жол ачат. Аны көптөгөн мамлекеттер түзүп чыгып, ишке ашырып келет. Анткени бул маселе орчундуу. Мисалы, Бангладеш демографиялык саясатты жүргүзүү боюнча үчүнчү этапты аткарып жатат. Территориясы чакан болгонуна карабастан дүйнөдө калкы көп өлкөлөрдүн катарында 8-орунда турат. Ага байланыштуу тамак-аш жетишпестиги болорун да болжоп жатышат. Көйгөйдү чечүү үчүн төрөттү азайтып, энелердин жана балдардын ден соолугуна басым жасаган. Үчүнчү этабында жаштардын потенциалын туура колдонуу боюнча чаралар көрүлүп жатат. Демек, бул маселеге абдан маани берип, мамлекеттик деңгээлде каралышы абзел", — деди Кайназаров.

Ошондой эле адис демография экономика, билим берүү, саламаттык сактоо, жаштар, миграция, гендердик теңчилик жана башка көптөгөн тармактар менен байланыштуу экендигин кошумчалады.

 

4
Белгилер:
демография, саясат, миграция, концепция, Бактыбек Кайназаров
Тема боюнча
Өлкөдө демографиялык саясаттын концепциясы иштелип чыгууда. Максаты