Кулакчын менен угуп компьютерде иштеген киши. Архивдик сүрөт

ИИМ 100дөй кыргызстандыктын телефон сүйлөшүүсү тыңшалганын тастыктады, бирок...

4111
(жаңыланган 09:34 01.09.2021)
Буга чейин Конституциялык соттун экс-судьясы Клара Сооронкулова 6-январда Биринчи май райондук соту 100дөй кыргызстандыктын, анын ичинде депутаттардын, саясатчылардын жана активисттердин телефондорун тыңшоого уруксат берген токтом чыгарганын билдирген.

БИШКЕК, 31-авг. — Sputnik. Бишкектин Биринчи май райондук сотунун маалымат кызматы бир катар саясатчылардын жана жарандардын телефондук сүйлөшүүлөрүн тыңшоого алынуусу боюнча айтылгандарга түшүндүрмө берди.

Буга чейин Конституциялык соттун экс-судьясы, президенттикке талапкер Клара Сооронкулова өзүнүн Facebook баракчасына 6-январда Биринчи май райондук сотунун судьясы 100дөй кыргызстандык жарандын, анын ичинде депутаттардын, саясатчылардын жана активисттердин телефондорун тыңшоого уруксат берген токтом чыгарганын жазган. Анын айтымында, тыңшоо 2021-жылдын 6-январынан тарта жүргүзүлүп жатат.

"Тизмедегилердин (тыңшоого алынгандар) көпчүлүгү активдүү жарандык позициясы бар адамдар. Алар мамлекеттик саясатка карата өз сын-пикирлерин эркин, ачык айта алышат. Булардын жеке жашоосу тууралуу маалымат чогултуу үчүн аңдуу жүргүзүү — башкача пикирдегилерди куугунтуктоо болуп эсептелет", — деп жазган ал.

Сооронкулованын айтымында, судья Бердимуратов кылмыш ишинин бар экенин аныктабай туруп жана бул адамдардын тергелип жаткан фактыга тиешеси бар экенин ачыктабастан токтом чыгарган, ал эми ИИМдин тергөөчүсү Жумабаев жок кылмыш ишине эле аныктама берген.

Биринчи май райондук соту учурдагы мыйзамдын талаптарына ылайык, судья мыйзамдуу, жүйөлүү жана объективдүү чечим чыгарган деп белгиледи. Соттун билдирүүсүндө, ведомстволор аралык тергөө тобунун башчысы 2020-жылдын октябрь айында болгон массалык башаламандыктар боюнча сотко чейинки өндүрүштүн алкагында атайын тергөө аракеттерин жүргүзүү өтүнүчү менен сотко арыз берген.

"Бул өтүнүчтү кароодо мекемелер аралык тергөө тобунун башчысы жана Башкы прокуратуранын прокурору катышты. Ошол эле учурда сот тарабынан процессуалдык бузуулар болгон эмес. Тергөөчү судья ведомстволор аралык тергөө тобунун жетекчисинин атайын аракеттерге уруксат берүү өтүнүчүн канааттандырган", — деп айтылат райондук соттун билдирүүсүндө.

Судьянын өтүнүчтү өзүнүн ыйгарым укуктарынын чегинде канааттандырганы белгиленет.

Кийинчерээк ИИМдин маалымат кызматы бул кайрылуу боюнча комментарий берди. Анда Кылмыш-жаза кодексинин 264-беренесинин 1-бөлүгүнө ("Башаламандык") ылайык, материал Кылмыш жана жоруктардын бирдиктүү реестрине өткөн жылдын 5-октябрында катталганы белгиленет. Бул сотко чейинки өндүрүштү Башкы прокуратура андан ары иликтөө үчүн ИИМдин Тергөө кызматына тапшырган.

"Сотко чейинки өндүрүштүн алкагында кылмыш жоопкерчилигине тартылган адамдарды аныктоо, ошондой эле жасалган кылмыштарга катыштыгы барларды табуу максатында Жазык-процессуалдык кодексине ылайык тергөө жүргүзүлгөн. 2021-жылдын 6-январынан 10-февралына чейин телефондук сүйлөшүүлөрдү туташтыруу боюнча Бишкек шаарынын Биринчи май райондук сотуна арыз берилген. Сот өтүнүчтү канааттандырган", — деп айтылат ИИМдин маалымат кызматынын билдирүүсүндө.

Мөөнөт аяктагандан кийин андан ары атайын тергөө аракеттери тергөөчүлөр жана сот тарабынан узартылган эмес. Конституцияга ылайык, ар бир жарандын кат алышуусу, телефон жана башка сүйлөшүүлөрү купуя сакталышы керек. Мындай укуктарды чектөөгө мыйзам чегинде, бир гана соттун чечими менен гана жол берилет.

Тергөө кызматы өз ыйгарым укуктарынын чегинде жана мыйзамга ылайык иш-аракеттерди жүргүзгөнүн маалымат кызматы кошумчалаган.

4111
Белгилер:
Кыргызстан, ИИМ, саясат, сот, мыйзам, укук, телефон, байланыш, тыңшоо
Тема боюнча
Кыргызстандын Коопсуздук кеңешинин жаңы курамы бекитилди
ИИМдин ички аскерлеринде кызмат өтөгөндөрдүн пенсиясы көбөйтүлөт
Кыргызстандын экономика жана финансы министри Акылбек Жапаров. Архивдик сүрөт

Жапаров Лондондогу ассоциациянын "Кыргыз алтын" боюнча чечимине комментарий берди

408
(жаңыланган 23:30 19.09.2021)
Буга чейин "Кыргыз алтын" ишенимдүү жеткирүүчү компаниялардын тизмесинен чыгарылган. Акылбек Жапаровдун айтымында, санкциялар киргенден кийин экономикалык абал дайыма жакшырат.

БИШКЕК, 20-сен. — Sputnik. Кыргызстандын экономика жана финансы министри Акылбек Жапаров Лондондогу Баалуу металлдар рыногунун ассоциациясынын "Кыргыз алтын" ишканасын ишенимдүү жеткирүүчү компаниялардын тизмесинен чыгарганы боюнча комментарий берди.

Кечээ күнү ассоциация мындан ары "Кыргыз алтын" аффинаждык заводунун продукциясын албай турганы маалым болгон.

Жапаровдун айтымында, баары болжолдонгон сценарий боюнча баратат жана Лондон ассоциациясынын чечими күтүлгөн иш болчу.

"Жокко чыгаруу убактылуу гана иш, жакында калыбына келтирилиши мүмкүн экенин белгилеп кетким келет. Канадалыктар Кыргызстандын элине, республиканын экономикасына жана экологиясына келтирген зыяны үчүн кечирим сурап, бардык жоготууларды кайтарып, тынч жол менен кетет деп эч ким күткөн эмес. Алар тараптан башка тоскоолдуктар жана "кыйынчылыктар" болушу мүмкүн экенин айта алам, бул да алдын ала божомолдонууда, биз муну да эске алабыз", — деди Жапаров.

Министр азыркы шарттар мурдагыдан начар болбоорун белгилеген.

"Баштаганда эле биз алтынды жеткирүүнүн жаңы каналдарынын үстүндө иштөөдөбүз. Учурда да сүйлөшүүлөр жүрүп жатат. Азырынча шарттар мурдагыдан начар болбойт деп айта алам. Ошондой эле Нью-Йорктун банкроттук иштер боюнча соту 15-сентябрда Centerra Gold Inc. компаниясынын адвокаттарынын доо арызына Кумтөр кени боюнча Кыргызстандын өкмөтүнө айып пул салуудан баш тартканын да эстен чыгарбоо керек. Бул биздин туура жолдо бара жатканыбыздын дагы бир далили", — деди ал.

Министр кандай болгон күндө да бул кампания бүтүндөй Кыргызстан үчүн оң мультипликативдик эффект берет деп ишенерин айтты.

"Көптөр үчүн бул ачык эмес, бирок санкциялардын киргизилиши менен экономикада кырдаал дайыма жакшырат. Бул нерсе Россияда жана башка көптөгөн өлкөлөрдө болгон. Мындай шарттар технологиялык өнүгүүгө жол ачып, өзүбүздүн инновациялык өндүрүштү пайда кылат жана жаңы экспорттук байланыштарды түзүүгө жардам берет", — деди Жапаров.

Ал ошондой эле көңүлдү зергерчилик индустриясына буруу керектигин белгилеген.

"Биз зергерчилик индустриясын, жогорку сапаттагы өндүрүш базасын, маданиятыбызды өнүктүрүшүбүз керек. Алтынды зергерчиликке сатсак, анын баасы бир нече эсе кымбат болот. Болуп жаткан нерселердин баары баалуу металлдарды колдонгон жогорку технологиялуу өндүрүштөргө жана технологияларга көңүл буруунун эң сонун себеби. Дагы бир, жарым-жартылай парадоксалдуу жагдай пайда болууда. Санкциялар республикада алтынды көбөйтүү үчүн иштейт жана алтын — бул жогорку категориядагы резервдик валюта, алар менен иштөөгө олуттуу эл аралык кредиторлор кубанычта болот", — деди ал.

Жапаров дүрбөлөңгө түшүүгө негиз жок экенин белгиледи.

Кырдаал тууралуу кыскача

Июнь айында LMBA "Кыргыз алтын" тарабынан алдамчылык жасалышы мүмкүн делген фактыны карап жатканын билдирген. Анда канадалык Centerra Gold Inc. компаниясы уюмдун иликтөөсүн кубаттай турганын айткан.

"Кыргыз алтынды" толугу менен кыргыз өкмөтү көзөмөлдөйт. Мындан улам алардын 29 миллион доллар каражатты жасалма төлөм инструкциясын колдонуу менен чыгарып кетүү аракети азыркы администрация жана аны менен бирге иштешип жаткандар биздин келишимди бузуп Кумтөр кенин экспроприациялап, активдерин басып алышынын бир мисалы болуп саналат", — деп жазылган маалыматта.

Буга чейин The Wall Street Journal каржылык кызматтарды көрсөтүү менен алектенген америкалык StoneX Group Inc. компаниясы "Кыргыз алтын" ААКсын 1 миллион долларга сотко бергенин жазган. Доо арыз Лондондогу соттордун биринде каралат. Басылманын маалыматына караганда, үстүбүздөгү жылдын май айында "Кыргыз алтын" жарым тонна алтындын жеткирилишин үзгүлтүккө учуратып, 29 миллион долларды алууга аракет жасаган.

"Кыргыз алтын" мындай дооматтар чындыкка дал келбестигин айтып келет.

408
Белгилер:
Кыргызстан, Акылбек Жапаров, министр, Кыргызалтын, Лондон
Тема боюнча
Лондондогу уюм "Кыргыз алтынды" ишенимдүү компаниялардын катарынан чыгарды
Бишкектеги жүргүнчү. Архивдик сүрөт

Дүйшөмбүгө карата аба ырайы

274
20-сентябрда өлкөнүн дыйканчылык аймактарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 19-сен. — Sputnik. Дүйшөмбүдө күндүз тоолуу райондордо өткүн өтүп, күн күркүрөшү ыктымал. Бул тууралуу Кыргызгидромет билдирди.

Абанын температурасы Чүй облусунда +22…+27, Ысык-Көл жергесинде +19…+24, Нарын, Талас өрөөндөрүндө +21…+26, Ош, Жалал-Абад, Баткен аймактарында +27…+32 градус болот.

Күндүн табы Бишкекте +24…+26, Ош шаарында +30…+32 градуска жогорулайт.

274
Белгилер:
аба ырайы, сентябрь, Кыргызстан
Тема боюнча
Жаан-чачындуу күндөр башталабы? Бир жумага карата аба ырайы
Суук эрте түшөбү? Октябрь айына карата аба ырайы
Мотоциклчен киши. Архивдик сүрөт

Мотоциклчен киши аэропортко кеткен трассадан жөө адамды коюп, жол жабылды

0
(жаңыланган 23:34 19.09.2021)
Жолго 50дөй киши топтолуп ызы-чууга түштү. Кырсыктын кесепетинен болжол менен 50 жаш курагындагы киши каза болду.

БИШКЕК, 19-сен. — Sputnik. "Манас" аэропортуна кеткен жолдо мотоциклчен киши жөө адамды коюп кетти. Бул тууралуу Чүй облустук милиция билдирди.

Окуя бүгүн саат 20:00дө болгон. Маалыматка караганда, кырсыктын кесепетинен жөө киши набыт болгон. Болжол менен ал 50 жашта. Активист Болот Ибрагимов авариядан кийин тартылган видеону соцтармакка жарыялады.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Кадрдан жол убактылуу жабылып калганын көрүүгө болот. Топтолгон 50дөй киши ызы-чууга түшкөн. Милициянын божомолу боюнча, алар жергиликтүү тургундар менен мотоциклчен кишинин достору болушу мүмкүн.

Чүй ОИИББдин маалымат кызматы саат 21:00дөр чамасында Манас айылынын жашоочулары Бишкек — аэропорт жолун тосуп, жол кырсыктарына нааразычылыктарын билдиришкенин кабарлады.

"Учурда милиционерлер жергиликтүү тургундарга түшүндүрүү иштерин жүргүзүп жатат", — деди ОИИББден.

Түнкү саат 11лер чамасында эл тарай элек болчу.

0
Белгилер:
Бишкек, милиция, жол кырсык, мотоцикл
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкекте жүк ташыган поездге урунуп 21 жаштагы жигит каза тапты