Ооруканада бейтапты карап жаткан дарыгерлер. Архив

Коронавирус 142 кишиден аныкталып, 4 бейтап көз жумду

88
(жаңыланган 10:42 01.09.2021)
Акыркы маалыматка ылайык, бүгүнкү күндө стационарда 1 036 жана амбулатордук түрдө 795 адам дарыланып жатат.

БИШКЕК, 1-сен. — Sputnik. Өткөн сутканын жыйынтыгы менен 142 адамдан коронавирус илдети аныкталып, 290 киши айыгып чыкканын Республикалык штаб кабарлады.

COVID-19дун жаңы учурлары:

  • Бишкек - 70;
  • Ош шаары - 1;
  • Чүй облусу – 18;
  • Ош облусу – 0;
  • Талас облусу - 1;
  • Нарын облусу - 6;
  • Ысык-Көл облусу – 35;
  • Жалал-Абад облусу – 1;
  • Баткен облусу - 10.

Ушуну менен илдет илештирип алгандардын жалпы саны 175 876 болду. Ал эми бир сутка ичинде 290 киши сакайып, былтыртан бери 170 067 адам жакшы болуп кетти. Тилекке каршы, бир суткада төрт бейтап көз жумган. Пандемия башталгандан бери оору 2 532 кишинин өмүрүн алды.

Акыркы маалымат боюнча, ушу тапта стационарда 1 036 жана амбулатордук түрдө 795 адам дарыланып жатат.

88
Белгилер:
коронавирус, илдет, статистика, стационар, дарылоо, өлүм
Тема:
Кыргызстандагы коронавирус жуктуруп алгандар (1763)
Тема боюнча
Дүйнөдө коронавирустан каза болгондордун саны 4,5 миллиондон ашты
COVID-19га каршы вакцина алар алдында эмнелерди жебеш керек. Дарыгердин кеңеши
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

80
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

80
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты
Жаратылыш. Архив

Дүйшөмбүгө карата аба ырайы

14
27-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-сен. — Sputnik. Дүйшөмбү, 27-сентябрда, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Ысык-Көл, Нарын өрөөндөрүндө +22...+27, Таласта +20...+25, Ош, Жалал-Абад жана Баткен облустарында +24...+29 градус болору айтылды.

Күндүн табы Бишкекте +25...+27, Ош калаасында +27...+29 градуска көтөрүлөт.

14
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы