Эгемендүүлүк майрамынан кийин борбор калаадагы Ала-Тоо аянтын тазалагандар түндө төрт тонна таштанды чыгарышты

Майрамдан кийин "Ала-Тоодон" канча таштанды чыкты. Сүрөт

76
Тазалоо иштерин шаардагы атайын кызматтын 60 жумушчусу менен техника аткарган. Алар таштандыны аянттан түнкү экиге чейин чыгарышкан.

БИШКЕК, 1-сен. — Sputnik. Эгемендүүлүк майрамынан кийин борбор калаадагы "Ала-Тоо" аянтын тазалагандар түндө төрт тонна таштанды чыгарышты. Бул туурасында муниципалитеттин маалымат кызматынан кабарлашты.

  • С площади Ала-Тоо в центре Бишкека после празднования Дня независимости и народных гуляний вывезли четыре тонны мусора
    Эгемендүүлүк майрамынан кийин борбор калаадагы "Ала-Тоо" аянтын тазалагандар түндө төрт тонна таштанды чыгарышты
    © пресс-служба мэрии города Бишкек
  • С площади Ала-Тоо в центре Бишкека после празднования Дня независимости и народных гуляний вывезли четыре тонны мусора
    Аянтка баш-аягы дөңгөлөктүү 50 желим, 10 темир контейнер коюлган
    © пресс-служба мэрии города Бишкек
  • С площади Ала-Тоо в центре Бишкека после празднования Дня независимости и народных гуляний вывезли четыре тонны мусора
    Майрам аяктагандан кийин муниципалдык "Тазалык" ишканасынын сегиз атайын техникасы иштеген
    © пресс-служба мэрии города Бишкек
  • С площади Ала-Тоо в центре Бишкека после празднования Дня независимости и народных гуляний вывезли четыре тонны мусора
    Алардын бешөө таштандыны алса, үчөө аянтты жууп чыккан. Жалпысынан 40 жумушчу тазалап шыпырса, 20сы жолдо иштеген.
    © пресс-служба мэрии города Бишкек
1 / 4
© пресс-служба мэрии города Бишкек
Эгемендүүлүк майрамынан кийин борбор калаадагы "Ала-Тоо" аянтын тазалагандар түндө төрт тонна таштанды чыгарышты

Аянтка баш-аягы дөңгөлөктүү 50 желим, 10 темир контейнер коюлган.

Майрам аяктагандан кийин муниципалдык "Тазалык" ишканасынын сегиз атайын техникасы иштеген. Алардын бешөө таштандыны алса, үчөө аянтты жууп чыккан. Жалпысынан 40 жумушчу тазалап шыпырса, 20сы жолдо иштеген.

Алар "Ала-Тоону" 02:00гө чейин жууп-тазалаганы белгилүү болду.

Мэриядан таштанды мурдагы учурларга караганда кадыресе аз чыкканын айтышты. 2020-жылы коронавирустан улам эпидемиологиялык абал кыйындап, эл аянтка чыккан эмес. Ал эми мурдагы жылы 16 тонна, 2018-жылы 10 тонна таштанды жыйналган.

76
Белгилер:
Кыргызстан, Бишкек, 'Ала-Тоо' аянты, таштанды
Тема боюнча
"Ала-Тоо" аянтындагы эгемендүүлүк майрамында 90 бала жоголду
Бала көтөргөн аял. Архив

Индиядагы кыргызстандык келиндин өлүмү боюнча ТИМ маалымат берди

89
(жаңыланган 23:29 22.09.2021)
Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

БИШКЕК, 22-сен. — Sputnik. Кыргызстандын Тышкы иштер министрлиги Индиянын Нью-Дели шаарында баласы менен чогуу киши колдуу болгон келиндин өлүмү тууралуу комментарий берди.

Буга чейин 28 жаштагы кыргызстандык кош бойлуу келин Нью-Дели шаарында бир жашар уулу менен чогуу өлтүрүлгөндүгү тууралуу маалымат тараган.

“Тергөөнүн маалыматы боюнча, келин курбусунун үйүндө 21-сентябрга караган түнү киши колдуу болгон. Тиешелүү экспертизалар жүргүзүлүп, полиция кылмыш ишин козгоду. Шектүүлөр суракка алынып, тергөө иштери жүрүп жатат”, — деп айтылат билдирүүдө.

Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

Элчилик бул ишти өз көзөмөлүнө алып, учурда сөөктөрдү Кыргызстанга алып келүү маселесинин үстүндө иштеп жатат.

89
Белгилер:
Индия, Кыргызстан, келин, бала, өлүм, ТИМ
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты
Алтын. Архив

Бажы кызматы Кытайга 17 фура алтын концентратынын чыгып кетиши боюнча үн катты

362
(жаңыланган 21:41 22.09.2021)
Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айткан.

БИШКЕК, 22-сен. — Sputnik. Мамлекеттик бажы кызматы депутат Аккулу Бердиевдин Чоң-Алай районундагы Алтын-Казык кенинен казылган алтын концентратын 17 фура менен Кытайга чыгарып кетишти деген билдирүүсү боюнча комментарий берди.

Анын айтымында, өткөн жылы "Эркеч-Там" бажысынан 17 фура алтын концентратын мыйзамсыз чыгарып кетип баратканда Финпол тарабынан токтотулуп, кылмыш иши козголгон.

"Кечээ, 21-сентябрда, кытайлар жаңылады деп "Эркеч-Там" менен "Достук" бажысы аркылуу чыгарып кетиптир. Министр, бажычылардын деңгээлиндеги коррупция токтобой жатат. Ал иш сотто экенине карабай "Кайди" компаниясы коррупциялык жолдор менен эскирген лицензиясын жаңылап алыптыр. Бажы кызматынын башчысы Самат Сатаровичке чалсам "мен билбей калыптырмын, балдар чыгарып жибериптир. "Эркеч-Тамдан" эмес, "Достуктан" өткөрүп поездге жүктөп кетиптир" дейт. Мындай боло берсе мамлекет оңолушу кыйын болот", — деген Бердиев.

Бажы кызматынан билдиришкендей, “тарифсиз жөнгө салуу чаралары колдонулган бажы операцияларын ишке ашырууда товарды алып кирүү жана чыгуу боюнча уруксат берилген эрежелерди жана Евразия экономикалык комиссиясынын 2015-жылкы чечимине ылайык иш алып барат”.

“Товарды киргизүү жана чыгаруу Кыргызстандын тиешелүү органдары уруксат берген документтин негизинде гана ишке ашырылат. Кыргыз өкмөтүнүн 2016-жылдын 24-мартындагы токтомуна ылайык, тиешелүү органдар "Гик Кайди" ЖЧКсына 2021-жылдын август айынан тарта Кыргызстандын сыртына флотациялык концентрат алып чыгууга уруксат берген. Бажы кызматкерлери жогорудагы уруксат документтерин көрүп туруп концентраттарды чыгаруу боюнча операцияны аткарышкан”, — деп айтылат билдирүүдө.

Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айтты.

Буга байланыштуу эл өкүлү башкы прокурор Курманкул Зулушевге кайрылып, ишти тыкыр текшерүүнү өтүндү.

362
Белгилер:
Кыргызстан, депутат, Мамлекеттик бажы кызматы, алтын, чек ара
Тема боюнча
Тонналап экспорттолчу. Кыргызстан июлда бир дагы грамм алтын саткан жок