Председатель ГКНБ Камчыбек Ташиев на праздновании 30-летия Дня независимости Кыргызстана на площади Ала-Тоо в Бишкеке

Ташиев гимн жаңырганда колун фуражкага эмес, төшүнө койгон. УКМК түшүндүрмөсү

1109
(жаңыланган 11:33 02.09.2021)
Социалдык тармакка ички иштер министринин, УКМК төрагасынын жана башкы прокурордун сүрөтү тарады. Интернет-колдонуучулар Ташиев гимн жаңырганда колун фуражкага коюшу керек болчу деп сындап жатышат.

БИШКЕК, 1-сен. — Sputnik. УКМКнын маалымат кызматы ведомствонун жетекчиси Камчыбек Ташиев Кыргызстандын эгемендүүлүгүнүн 30 жылдыгына арналган майрамда гимн аткарылган кезде эмне себептен колун фуражкага эмес, төшүнө койгону боюнча түшүндүрмө берди.

Эске салсак, буга чейин социалдык тармакка ички иштер министри Улан Ниязбековдун, УКМК төрагасы Камчыбек Ташиевдин жана башкы прокурор Курманкул Зулушевдин сүрөтү жарыяланган. Ниязбеков колун фуражкага койсо, Ташиев менен Зулушев төшүнө койгон. Интернет-колдонуучулар Ташиев аскер формасын кийген офицер катары колун фуражкага коюшу керектигин айтып сындап чыгышты.

УКМКдан билдиришкендей, "Мамлекеттик символдор жөнүндө" мыйзамга ылайык, мамлекеттик гимн расмий түрдө аткарылган учурда катышуучулардын бардыгы оң колун көкүрөктүн сол жагына коюшат.

"Белгилей кетсек, генерал-лейтенант Камчыбек Ташиев министрликтердин жана ведомстволордун жетекчилеринин жана чакырылган ардактуу коноктордун арасында болгон. Гимн ойногондо шарттуу түзүлүш пайда болду. Куралдуу күчтөрдүн ички кызматынын уставына ылайык, мамлекеттик гимнди аткарып жатканда катардагы аскер кызматчылары командасыз туруп жүрүшкө чыгышат, ал эми командирлер бөлүктүн жанында туруп колун баш кийимине коюп саламдашат. Ташиев ардактуу коноктордун шарттуу түзүлүшүндө болгондуктан гимн ойнолгон учурда оң колун көкүрөгүнө койгон", — деп айтылат маалыматта.

Экипаж салтанаттуу марш басканда Ташиев ордунан туруп, отургандардан бир кадам алдыга жылып, баш кийимине колун коюу менен тосуп алды.

"Камчыбек Ташиев бир эле учурда жаран жана аскер башчысы катары туура иш кылган", — дешти ведомстводон.

УКМК жарандарды алгач маселени изилдеп, түшүнүп алгандан кийин сын айтууга чакырды.

1109
Белгилер:
Кыргызстан, УКМК, Камчыбек Ташиев, фуражка
Тема боюнча
Соцтармакка тараган "Ташиевдин тизмеси". УКМК төрагасы үн катты
Пляждагы эс алуучулар менен сүрөткө түшкөн Жапаров менен Ташиевдин видеосу
Кытайдын Тышкы иштер министри Ван И президент Садыр Жапаров менен жолукту

Кытай Кыргызстанга 100 млн. доллар жана миллион доза вакцина берүүгө даяр

107
(жаңыланган 23:02 16.09.2021)
Президент Садыр Жапаров Кытайдын тышкы иштер министри Ван И менен Душанбеде жолугуп, бир катар маселелерди талкуулады.

БИШКЕК, 16-сен. — Sputnik. Кытай өкмөтү Кыргызстандын социалдык-экономикалык өнүгүүсүн колдоо иретинде 650 миллион юань (100 миллион доллардын тегереги) менен коронавирустук инфекцияга каршы кытайлык вакцинанын 1 миллион дозасын берүүгө даяр. Бул тууралуу Кытайдын тышкы иштер министри Ван И президент Садыр Жапаров менен жолукканда билдирди.

Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.

  • Президент Кыргызской Республики Садыр Жапаров принял члена Государственного совета, министра иностранных дел Китайской Народной Республики Ван И. 16 сентября 2021 года
    Кытайдын Тышкы иштер министри Ван И президент Садыр Жапаров менен жолукту
    © Пресс-служба президента КР / Султан Досалиев
  • Член Государственного совета, министр иностранных дел Китайской Народной Республики Ван И во время встречи с президентом КР Жапаровым
    Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Кытайдын Тышкы иштер министри Ван И президент Садыр Жапаров менен жолукту

Жапаров Кыргызстан Кытайды негизги соода инвестициялык өнөктөштөрдүн бири катары карай турганын жана биргелешкен инвестициялык долбоорлорду ишке ашырууга кызыкдар экенин билдирген.

Президент учурда өлкөдөгү инвестициялык климатты жакшыртуу боюнча активдүү чаралар көрүлүп жатканын кошумчалаган. Анын айтымында, кыргыз тарап эки өлкө ортосундагы туруктуу аба каттамдарын жандантууну маанилүү деп эсептейт.

Кытай — Кыргызстан — Өзбекстан темир жолунун курулушу боюнча да кеп болуп, Жапаров долбоорду ишке ашыруу Кыргызстан үчүн эле эмес, жалпы регион үчүн маанилүү экенин белгилеген.

"КЭР мамлекеттик кеңешинин мүчөсү, тышкы иштер министри Кытай өкмөтү өлкөнүн социалдык-экономикалык өнүгүүсүн колдоо иретинде Кыргызстанга 650 миллион юань (100 миллион АКШ долларынын тегерегинде) бөлүүгө даярдыгын айтты. Ошондой эле коронавирустук инфекцияга каршы кытайлык вакцинанын кошумча партиясын (1 миллион доза) жана медициналык каражаттарды берүү чечимин кабыл алганын билдирди", — деп айтылат маалыматта.

Мамлекеттик кеңештин мүчөсү Кытай тараптын автоунаа жолдорун куруу жана ирригациялык түйүндөрдү кеңейтүү тармактарында биргелешкен долбоорлорду ишке ашырууга кызыкдар экенин билдирген. Мындан сырткары, тараптар регионалдык коопсуздук маселелерин талкуулаган.

107
Белгилер:
Кыргызстан, Кытай, Садыр Жапаров, вакцина, каражат
Тема:
Коронавируска каршы эмдөө
Тема боюнча
3 млн. бет кап, коргоочу костюм. Кыргызстанга Кытайдан гумжардам келди
Россиянын Ички иштер министрлиги кыргызстандык кесиптештерине 17 транспорт каражатын берди.

Россиянын ИИМи кыргызстандык кесиптештерине 17 транспорт каражатын берди. Сүрөт

78
(жаңыланган 21:39 16.09.2021)
ИИМ автоунаалар Баңгизаттарды мыйзамсыз жүгүртүүгө каршы күрөшүү кызматынын техникалык базасын чыңдай турганын белгиледи.

БИШКЕК, 16-сен. — Sputnik. Россиянын Ички иштер министрлиги кыргызстандык кесиптештерине 17 транспорт каражатын берди. Бул тууралуу ИИМдин маалымат кызматы кабарлады.

Жалпысынан Chevrolet Cobalt үлгүсүндөгү 15 унаа жана "Газель NEXT Автобус" үлгүсүндөгү эки кичи автобус тапшырылган.

  • Министерство внутренних дел России передало кыргызским коллегам 17 новых автотранспортных средств. Всего передано 15 легковых автомобилей марки Chevrolet Cobalt и два микроавтобуса марки Газель NEXT Автобус.
    Россиянын Ички иштер министрлиги кыргызстандык кесиптештерине 17 транспорт каражатын берди.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Жалпысынан Chevrolet Cobalt үлгүсүндөгү 15 унаа жана "Газель NEXT Автобус" үлгүсүндөгү эки кичи автобус тапшырылган.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Церемония передачи автомобилей сотрудникам МВД в Бишкеке
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Иш-чарага ИИМ башчысынын орун басары Октябрь Урмамбетов, Россиянын Кыргызстандагы элчилигинин кеңешчи-элчиси Вадим Гусев, Россиянын ИИМнин Баңгизаттарды жүгүртүүнү көзөмөлдөө боюнча башкы башкармалыгынын начальнигинин орун басары Борис Яковченко, РФтин Тышкы иштер министрлигинин Жаңы чакырыктар жана коркунучтар маселелери боюнча департаментинин баңгизаттарды көзөмөлдөө чөйрөсүндөгү эл аралык кызматташтык маселелери боюнча бөлүм начальниги Мария Вислогузова, Россия Федерациясынын ИИМнин эл аралык кызматташтык башкармалыгынын бөлүм начальниги Павел Юлин, Росиянын ИИМнин Кыргызстандагы өкүлү Владимир Лузганов катышкан.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Урмамбетов конокторго тыгыз кызматташтыгы жана колдоосу үчүн терең ыраазычылыгын билдирди.
    © Фото / пресс-служба МВД Кыргызстана
1 / 5
© Фото / пресс-служба МВД Кыргызстана
Россиянын Ички иштер министрлиги кыргызстандык кесиптештерине 17 транспорт каражатын берди.
"Жаңы унаалар министрликтин Баңгизаттарды мыйзамсыз жүгүртүүгө каршы күрөшүү кызматынын техникалык базасын чыңдайт, ошондой эле кызматкерлердин кылмыштын башка түрлөрүн да ачышына кызмат кылат", — деп айтылат маалыматта.

Иш-чарага ИИМ башчысынын орун басары Октябрь Урмамбетов, Россиянын Кыргызстандагы элчилигинин кеңешчи-элчиси Вадим Гусев, Россиянын ИИМинин Баңгизаттарды жүгүртүүнү көзөмөлдөө боюнча башкы башкармалыгынын начальнигинин орун басары Борис Яковченко, РФтин Тышкы иштер министрлигинин Жаңы чакырыктар жана коркунучтар маселелери боюнча департаментинин баңгизаттарды көзөмөлдөө чөйрөсүндөгү эл аралык кызматташтык маселелери боюнча бөлүм начальниги Мария Вислогузова, Россия Федерациясынын ИИМинин эл аралык кызматташтык башкармалыгынын бөлүм начальниги Павел Юлин, Россиянын ИИМинин Кыргызстандагы өкүлү Владимир Лузганов катышкан.

Урмамбетов конокторго тыгыз кызматташтыгы жана колдоосу үчүн терең ыраазычылыгын билдирди.

78
Белгилер:
Россия, Кыргызстан, ИИМ, унаа, транспорт, кызматташтык, белек
Тема боюнча
ИИМ 100дөй кыргызстандыктын телефон сүйлөшүүсү тыңшалганын тастыктады, бирок...