Манасчы Дөөлөт Сыдыков

24 саат тынбай манас айткан Дөөлөт Сыдыков эс алуудан соң баянды кайра баштады

447
(жаңыланган 15:59 02.09.2021)
Манасчы Гиннес рекорддор китебине кирүүгө аракет кылып жатат. Беш күн, беш түн тынбай улуу баянды айтуу үчүн ал Москвага 29-августта учуп кеткен.

БИШКЕК, 1-сен. — Sputnik. Өзүнүн рекордун жаңылап Москва шаарында 24 саат бою тынбай манас айткан Дөөлөт Сыдыков эс алуудан соң улуу баянды кайрадан айта баштады. Бул тууралуу Sputnik агенттигине иш-чараны уюштуруучулардын бири Гүлзар Кокенова билдирди.

Анын айтымында, манасчынын ден соолугу да, маанайы да жакшы. 

"Өткөндө "Ала-Тоо" аянтында айтканда 14 саат 27 мүнөттөн кийин токтотуп коюшкан эле. Ага Дөөлөт манасчы нааразы болгон. Москвадан "канча айтсам да токтотпогула" деген өзүнүн талабы бар болчу. Азыр кайра айтып баштады. Ден соолугу жакшы, диаспоранын дарыгерлери бар, карап жатышат. Маанайы да жакшы, келгендер менен сүрөткө түшүп, жадырап-жайнап жүрөт", — деди Кокенова.

Эскерте кетсек, манасчы Дөөлөт Сыдыков Гиннес рекорддор китебине кирүүгө аракет кылып жатат. Беш күн, беш түн тынбай улуу баянды айтуу үчүн ал Москвага 29-августта учуп кеткен.

447
Белгилер:
Дөөлөт Сыдыков, Манас эпосу, рекорд, Гиннес китеби, Москва
Тема боюнча
Дөөлөт Сыдыков 5 күнгө созулган манас айтууну баштады. Видео
Дөөлөт Сыдыков: аянтта манас айтууга бир күн калганда тамакты токтоттум
Элчи Тотуяев этникалык кыргыздар менен жолугушуусу

Элчи Тотуяев Пакистанда жашаган этникалык кыргыздар менен жолукту. Сүрөт

7
(жаңыланган 17:17 20.09.2021)
Элчи боордоштордун Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген.

БИШКЕК, 20-сен. — Sputnik. Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту. Бул тууралуу Тышкы иштер министрлигинин маалымат кызматы билдирди.

Жолугушуунун алкагында элчи этникалык кыргыздардын Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген. Ошондой эле ар кандай укуктук, социалдык жана күнүмдүк маселелерди чечүүдө ар тараптуу жардам көрсөтүүгө даярдыгын айткан.

Встреча посла КР в Пакистане Уланбека Тотуяева с представителями этнических кыргызов, проживающими в Пакистане. 20 сентября 2021 года
© Фото / пресс-служба МИД КР
Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту

Өз кезегинде этникалык кыргыздар Кыргыз-Пакистан мамилесин өнүктүрүүгө жана Пакистанда Кыргызстандын имиджин бекемдөөгө багытталган мындан аркы биргелешкен иштерге кызыкдар экенин билдиришкен.

Тараптар Пакистандагы кыргыздардын жана Ала-Тоого көчүп кетүүнү каалаган кайрылмандардын укуктук сабаттуулугун жогорулатуу максатында жашаган жерлерине элчинин жакын арада баруусун макулдашты.

7
Белгилер:
Пакистан, этникалык кыргыздар, элчи, жолугушуу, Уланбек Тотуяев
Тема боюнча
Өзбекстанда канча этникалык кыргыз жашаары айтылды
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек
Милиция кызматкерлери Бишкектеги Фрунзе заводунун аймагынан бомба издөө учурунда

Бишкекте Фрунзе заводунун аймагынан бомба издеп жатышат

23
(жаңыланган 17:18 20.09.2021)
Милицияга бомба тууралуу эки саат мурун чалуу түшкөн. Учурда заводдун аймагында издөө иштери жүрүп жатат.

БИШКЕК, 20-сен. — Sputnik. Борбор калаадагы Фрунзе заводунун аймагынан бомба изделип жатат. Бул тууралуу Ленин райондук милициянын маалымат кызматы билдирди.

Жарылуучу зат коюлганы тууралуу жашыруун билдирүү милицияга саат 14:50дө түшкөн.

Сотрудники милиции во время поисков бомбы, на территории завода имени Фрунзе в Бишкеке. 20 сентября 2021 года
Жарылуучу зат коюлганы тууралуу жашыруун билдирүү милицияга саат 14:50дө түшкөн

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен.

Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери дагы келген.

Учурда издөө жана текшерүү иштери жүрүп жатат. Кенен маалымат кийинчерээк берилет.

23
Белгилер:
Бишкек, завод, бомба, издөө
Тема боюнча
ЦУМ менен ГУМда бомба бар деп кабарлоого шектелген аял камакка алынды