Ит мурун. Архив

Күздө иммунитетке кантип кам көрүү керек. Эндокринологдун кеңеши

918
(жаңыланган 22:06 11.09.2021)
Адис иммунитетти бекем бойдон сакташ үчүн мүмкүн болушунча эрте укташ керектигин айткан. Дарыгер түнкү 10-11ден кийин организмде өзгөрүүлөр жүрөрүн билдирген.

БИШКЕК, 2-сен. — Sputnik. Күзүндө иммунитетти түшүрүп жибербеш үчүн жакшы тамактанып жана активдүү кыймылда болуп туруш керек. Бул тууралуу "Известия" басылмасына эндокринолог Надежда Собаева айтып берген.

Адистин пикирине караганда, иммунитетти бекем бойдон сакташ үчүн мүмкүн болушунча эрте укташ керек, бул саат 22:00-23:00дүн арасы. Дарыгер дал түн ортосунда организмдеги бардык гормондор болушунча бөлүнүп чыгарын билдирген. Маселен, иштелип чыккан мелатонин — уйкунун гормону да иммундук системага жакшы жардамчы.

Дарыгер теңдештирилген тамактануу да жакшы иммунитеттин калыптанышына себепкер экенин билдирген.

"Организмде ар кыл витаминдер, антиоксиданттар жетиштүү болушу шарт. Алар биздин организмде терс реакциялардын жүрүшүнө тоскоолдук жаратып, ден соолукту коргоп турат. Бул үчүн, албетте, минералдык заттар менен микроэлементтер керек", — деген Собаева.

Иммунитет үчүн витаминдер өтө пайдалуу. Маселен, С витамини. Ал цитрус өсүмдүктөрүндө — апельсинде, лимондо, грейпфрутта, ит мурунда, чычырканакта, болгар калемпиринде, капустада жана чөп-чарда (ашкөк менен путрушка) көп.

Мындан сырткары, адам жеген азыктарына витаминдердин ичинен — A (руккола менен ашкөктү) жана D (каймак май, сыр, жумуртканын сарысын, икра, козу карын) түрүн кошуусу керек.

Кишинин организминде коргоочу функцияларды омега-3кө ширелген май кислоталары да аткарат. Ал сардина, треска, лосось (форель, семга) балыктарында көп болот. Е витамини эң маанилүү антиоксидант экенин белгилеген дарыгер жаңгакты күнүнө 30 граммдан жеп турууну эскерткен.

Организмде иммундук клеткаларды калыптандырууда маанилүү роль ойногон селен заты деңиз азыктары менен балыктарда, козу карында, жаңгакта, семичкеде кездешет. Дарыгер дагы эң керектүү зат цинк экендигин, ал деңиз балыгында, этте, креветкада, козу карында, сырда жана жаңгакта болорун айтты.

918
Белгилер:
күз, организм, дарыгер, иммунитет, ден соолук
Тема боюнча
Спортко жакын адамдарга банандын кандай пайдасы бар экени айтылды
Дарыгер: майлуу шорпо ден соолукту талкалайт
Тамеки чегип жаткан адам. Архив

Пляж, базарда. Тамеки, кальян чегүүгө тыюу салынган жайлардын тизмеси

599
(жаңыланган 21:34 28.09.2021)
Тыюу салынган жайларда чылым чегүүгө ылайыкталган шарттарды түзүүгө да уруксат берилбейт. Бир гана аэропорттордо өрт жана авиация желдетүү системаларын коюу менен атайын бөлмөлөрдү уюштурууга болот.

БИШКЕК, 28-сен. — Sputnik. Бүгүн президент Садыр Жапаров коомдук жайлар менен мекемелерде чылым чегүүгө тыюу салган мыйзам долбооруна кол койду.

Ага ылайык, белгилүү бир жайларда тамеки, электрондук чылым жана кальян чегүүгө толугу менен чектөө киргизилди.

Аталган мыйзамдын 13-беренесинде кайсы жерде чегүүгө тыюу салынары жазылган.

Алар төмөнкүлөр:

  • Ведомствонун жана менчигинин түрүнө карабастан подъезддерде, лифттерде, аянттарда, дааратканаларда, көп кабаттуу үйлөрдүн жалпы колдонуучу жайларында;
  • Жаштар, маданият жана спорт иштери боюнча мекемелерде, социалдык кызматтардын имараттарында, стадиондордо;
  • Темир жол жана автобекеттерде;
  • Калкка кызмат көрсөтүүчү жайларда, анын ичинде мейманканаларда, тиричилик тейлөө, коомдук тамактануучу жайларда, убактылуу тургузулган соода объектилеринде;
  • Мамлекеттик жана жергиликтүү өз алдынча башкаруу органдарына тиешелүү имараттарда;
  • Имараттарда жана курулмаларда уюштурулган жумуш орундарында, жумушчу зоналарда;
  • Өрт чыгуу коркунучу бар жерлерде, анын ичинде күйүүчү май куюучу жайларда;
  • Коомдук тамактануу жайларында (түйүндөрдө);
  • Коомдук транспортто, анын ичинде таксиде, суу жана аба кемелеринде, жергиликтүү жана алыс каттамдагы поезддерде;
  • Ведомстволугуна жана менчигинин түрүнө карабастан бардык билим берүү уюмдарында, балдардын эс алуу жайларында, балдар аянтчаларында;
  • Ведомстволугуна жана менчигинин түрүнө карабастан бардык саламаттык сактоо уюмдарынын мекемелеринде;
  • Реабилитациялык жана санаторий-курорттук кызматтарды көрсөтүүгө арналган жайларда;
  • Калкка соода кызматтары көрсөтүлүүчү имараттарда, курулмаларда жана жабык базарлардын аймактарында;
  • Аялдамаларда;
  • Тамеки чегүү үчүн атайын жайларды кошпогондо массалык-маданий, спорттук иш-чараларды, акцияларды, чогулуштарды өткөрүп жатканда ачык аянтчаларда, пляждардын аймагынын чектеринде.

Аталган жайларда чылым чегүүгө ылайыкталган шарттарды түзүүгө да тыюу салынат. Бир гана аэропорттордо өрт жана авиация коопсуздугунун талаптарын сактап, желдетүү системаларын коюу менен атайын бөлмөлөрдү уюштурууга болот.

Ар бир орган жана мекеменин жетекчилери бул мыйзамдын аткарылышын көзөмөлдөөгө милдеттүү.

Чылым чегүүгө тыюу салынган жайларды аныктоо жана белгилерди коюу тартибин Саламаттык сактоо жана социалдык өнүктүрүү министрлиги иштеп чыгат.

Мыйзам долбоорунун авторлору Кыргызстанда өлүмдүн жана майыптыктын негизги себеби тамеки тартуу экенин буга чейин белгилешкен.

Ошондой эле чылым чегүүгө бардык эле жерлерде тыюу салынбасын айтышкан. Бирок башкалардын эркин дем алуусуна тоскоол болбошу керек деген принцип сакталышы шарт.

599
Белгилер:
тамеки, тыюу салуу, имарат, Кыргызстан
Тема боюнча
КРде кафе жана ресторандарда чылым чеккенге тыюу салынат. Мыйзамга кол коюлду
Көрбөй, укпай каласың! Министрлик тамекинин зыянын эскертти
Дарак. Архив

Шаршембиге карата аба ырайы

32
29-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-сен. — Sputnik. Шаршемби, 29-сентябрь күнү, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүйдө +22...+27, Ысык-Көл, Нарын өрөөндөрүндө +20...+25, Талас жергесинде +19...+24, Ош, Жалал-Абад жана Баткен облустарында +25...+30 градус болот.

Бул күнү күндүн табы Бишкекте +25...+27, Ош калаасында +28...+30 градуска жетет.

32
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы