Ученики республиканской детской инженерно-технической академии Алтын түйүн, расположенной в Бишкеке.

"Алтын түйүн" балдардын техникалык академиясы улуттук макамга ээ болду

39
(жаңыланган 10:51 02.09.2021)
Академияга улуттук макам ыйгаруу жаш, жогорку квалификациялуу илимий кадрларды даярдоого түрткү берери айтылды.

БИШКЕК, 2-сен. — Sputnik. Балдардын "Алтын түйүн" деп аталган республикалык инженердик-техникалык академиясына улуттук макам ыйгарылды. Бул туурасында президенттин маалымат кызматынан кабарлашты.

Анда улуттук деген статус мектептен тышкаркы кошумча билим берүү жаатында өзгөчө сиңирген эмгеги, өсүп келе жаткан муунду тарбиялоодо олуттуу салым кошкондугу үчүн берилгени айтылды.

Мындан ары "Алтын түйүн" улуттук балдар инженердик-техникалык академиясы деп аталат.

Эске салсак, 2021-жылы 12-майда мамлекет башчы Садыр Жапаров академияга барган учурда педагогикалык жамаат жана окуучулардын ата-энелери менен жолуккан. Алар мүмкүнчүлүктөрү менен тааныштырып, окуу жайды модернизациялоо боюнча бир катар сунуштарын айтышкан.

Жолугушуунун жыйынтыгында мекеменин педагогикалык инновацияларды кеңири жайылтуу потенциалын чыңдоо жана кошумча билим берүүнүн жаңы технологияларын топтоо максатында президент академияны каржылоону көбөйтүүнү тапшырган.

Академияга "улуттук" макамын ыйгаруу жаш, жогорку квалификациялуу илимий кадрларды даярдоого түрткү берери айтылды.

"Аны менен катар эле мамлекеттик органдар менен натыйжалуу өз ара иштешүүгө, алдыңкы катардагы чет элдик илим-изилдөө институттары, илимий-техникалык өнүгүү багытындагы университеттер менен кызматташууну жөнгө салууга мүмкүндүк берет", — деп айтылган маалыматта.

Мындан сырткары, министрлер кабинетинин тийиштүү чечимдеринен соң окуу жайдын негизги жана техникалык кызматкерлеринин айлыгы жогорулайт. Ошондой эле Жапаров окуу жайга барган учурда берген тапшырмасы боюнча жакын арада спорттук аянтчалардын ачылышы күтүлөт.

Учурда академияда 1 800дөн ашуун окуучу онлайн жана офлайн режиминде окуйт. Алар робот техникасы жана алгоритмдер, техникалык моделдөө негиздери, информатика жана программалоо, инженерия, 3D моделдөө, компьютердик дизайн, ойлоп табуучулук маселелерин чечүү жана патенттөө, сүрөт тартуу, шахмат жана башка багыттарда окутулууда.

39
Белгилер:
Кыргызстан, билим берүү, айлык
Тема боюнча
Педиатр балага мектеп кийимин кантип тандоо керектигин айтып берди
Кыргызстандагы 2021/2022-окуу жылындагы мектеп каникулдары. Календарь
Марипов: мектептердеги окуу онлайн тартипте уланбайт
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

35
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

35
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Милиция кызматкерлери. Архив

Бишкек: заводдун аймагынан бомба табылган жок. Ишти эми УКМК изилдейт

87
(жаңыланган 22:33 20.09.2021)
Атын атагысы келбеген киши милицияга саат 14:50 чамасында чалып, имаратка бомба коюлгандыгын кабарлаган.

БИШКЕК, 20-сен. — Sputnik. Борбор калаадагы Фрунзе атындагы заводдун аймагынан бомба табылган жок. Бул тууралуу Ленин райондук милициясынан кабарлады.

"Калп айтып, коомчулукту дүрбөткөн факты Ленин райондук ИИБине катталды. Чогултулган материалдар эми УКМКга өткөрүп берилет", — деп айтты маалымат кызматынан.

Аталган жайга бомба коюлду деген кабар милицияга саат 14:50 чамасында келип түшкөн.

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен. Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери да барган.

87
Белгилер:
Кыргызстан, Бишкек, бомба, жалган маалымат
Тема боюнча
Бишкекте Фрунзе заводунун аймагынан бомба издеп жатышат