Киши паркта сейилдеп жүрөт. Архив

Чүйдө психикалык жактан жабыркаган эки эркек киши изделип жатат. Сүрөт

90
(жаңыланган 11:55 02.09.2021)
Дайынсыз болуп жаткандардын бири 29-июнда, экинчиси 21-августта жоголгон. Бүгүнкүгө чейин алардын жүргөн жери аныктала элек.

БИШКЕК, 2-сен. — Sputnik. Чүй облусунда эки эркек киши изделип жатат. Бул тууралуу Чүй ОИИББ билдирди.

  • Пропавший 24-летний Иван Литвинов в Чуйской области. 02 сентября 2021 года
    24 жаштагы Иван Литвинов
    © Фото / пресс-служба ГУВД Чуйской области
  • Пропавший 33-летний Негматулла Фохаков в Чуйской области. 02 сентября 2021 года
    33 жаштагы Негматулла Фохаков
    © Фото / пресс-служба ГУВД Чуйской области
1 / 2
© Фото / пресс-служба ГУВД Чуйской области
24 жаштагы Иван Литвинов

24 жаштагы Иван Литвинов 29-июнда жоголгон. Ал Москва районундагы социалдык айыл аймагынан чыгып кетип кайра келген эмес.

Белгилери: бою 165-170 сантиметр, орто бойлуу, көк көз, чачы кыска, сары, кашы калың, делдең кулак. Үстүнө ак футболка, көк түстөгү спорт шымын, бутуна көк тапичке кийип жүргөн. Сакал коюп жүрүшү мүмкүн, психикалык жактан жабыркайт.

33 жаштагы Негматулла Фохаков 21-август күнү Беловодское айылындагы үйүнөн чыгып кеткен, ошол бойдон дагы деле дайынсыз.

Белгилери: бою 170-175 сантиметр, арык чырай, чачы кыска, кара, сакал коюп жүрөт, кара тору. Үстүнө жашыл жеңдүү спорттук кара костюм, кара спорттук шым, кара кроссовка, башына боз түстөгү топу кийип жүргөн. Бетинин оң тарабында диаметри 2 сантиметрлик тырыгы бар. Психикалык жактан жабыркайт.

ОИИББ бул жарандарды көргөн билгендер болсо 0 (312) 43-01-27, 0 (312) 43-88-85, 0 (312) 60-77-27, 0 (3131) 5-21-31, 0 (707) 54-21-71, 0 (550) 22-17-17, 0 (701) 15-85-05, 0 (755) 15-85-05 номерлерине кабарлап коюуну өтүнөт.

90
Белгилер:
Чүй облусу, милиция, издөө
Тема боюнча
Изделип жаткан 14 жаштагы эки өспүрүм кыз табылды
Ооруканадагы дарыгер. Архив

COVID 89 адамдан чыгып, эки бейтап көз жумду. 21-сентябрдын маалыматы

14
(жаңыланган 09:59 21.09.2021)
Учурда республиканын ооруканаларында 571 адам жатат. Ал эми амбулатордук түрдө 865 адам дарыланууда.

БИШКЕК, 21-сен. — Sputnik. Кыргызстанда 21-сентябрга карата COVID инфекциясы 89 адамдан аныкталды. Бул тууралуу Республикалык штаб кабарлады.

Оору жуктургандар:

  • Бишкек — 53;
  • Чүй — 17;
  • Ош — 1;
  • Талас — 2;
  • Нарын — 1;
  • Ысык-Көл — 6;
  • Жалал-Абад — 6;
  • Баткен — 3.

Пандемиядан бери өлкөдө 177 869 кишиден вирус чыкты. Бир сутка ичинде 108 адам сакайып, ооруну жалпы 172 369 адам жеңди.

Жугуштуу илдет өткөн суткада эки кишинин өмүрүн алды. Баш-аягы каза тапкандар 2 592 болду.

Стационарда 571, амбулатордук түрдө 865 адам дарыланып жатат. 

14
Белгилер:
Кыргызстан, коронавирус, оору, бейтап, өлүм
Тема:
Кыргызстандагы коронавирус
Тема боюнча
Садыр Жапаров кыргызстандыктарга кайрадан кайрылды
Беларуста COVID-19дун төртүнчү толкуну башталганын айтты
Сыркоологон кыз. Архив

Начар иммунитеттин алты белгиси. Буларды тоготпой коюуга болбойт

49
Организм ээсине дарыгерге кайрылып, толук текшерүүдөн өтүүгө мезгил келгендиги боюнча белги бериши мүмкүн.

БИШКЕК, 21-сен. — Sputnik. Иммунореабилитация жана алдын ала эскертүүчү медицина боюнча жеке клиниканын илимий жетекчиси Ольга Шуппо "Доктор Питер" порталына алсыз иммунитеттин тоготпой койгонго болбой турган алты белгиси тууралуу айтып берген.

Адамдын организми бири-бири менен байланышта болгон өтө татаал система. Андыктан чачтын кургашын же белдин бир нече сантиметрге чоңоюп кетишине шампунду алмаштыруу же диетага отура коюу дайыма эле жардам бере албайт. Балким, бул терапевтке же иммунологго кайрылып, толук текшерүүдөн өтүүгө берилген белги болушу мүмкүн.

1. Дайыма чарчай бергендей абалда жүрүү

Ойгонгондо эле чарчоо сезими бар. Көптөр ушундай маанайда болот. Бул иммунитеттин алсыздыгы эле эмес, стресстен кийин нерв системаларынын калыбына келишине жоопкер болгон бөйрөктүн үстүндөгү бездердин дисбалансы. Дайыма кыжаалат болуп же бир нерсеге тынчсызданып жүргөн кишилерде аталган бездердин алсыз болуп калуу тобокелдиги жогору. Мында ал стресстин гормондорун көп бөлүп чыгарат. Анын башка клеткаларга, органдарга тийгизген таасиринен улам жүрөктүн кагышы тездеп, кан тамырлар ичкерип, иммунитет алсырайт. Тамак сиңирүү жана сырткы факторго туруштук берүү начарлайт.

2. Ич чыгып кеткенде

Адам чымыр же арык болсо деле ич чыгып калат. Ашыкча салмак деле жок, анда эмне болуп жатат? Ал  курсактын ич жагында майдын топтолушунан улам болот. Бул стресстин жана канда кортизолдун көбөйүп кетишинин белгиси. Дал ушул гормон кишиге казы байлатат. Айтмакчы, мындан улам адамда богок пайда болот. Башка дагы бир жагымсыз нерсе – дайыма болгон стресстин иммунитетти "жей" бериши.

3. Эске тутуунун начарлашы

Бул да иммунитеттин начарлашына байланыштуу. Кеп өнөкөт стресс жана калкан бездеринин функциясынын бузулушуна байланыштуу маселе туурасында болуп жатат. Аталган бездин начар иштешинен адамдын тез реакциясы жайлап, анын айынан эске тутуу жабыркайт.

4. Учуктун (герпес) көп чыгышы

Ал эринге, жыныс мүчөлөргө чыгышы мүмкүн. Бул коргоочу системанын начарлашынан кабар берет. Организм кадимки калыбында болсо, ичтеги өнөкөт инфекцияны басып коёт, эгерде иммунитет алсырай баштаса, вирус активдешет. Учук ай сайын чыгышы мүмкүн. 

5. Аллергиялык реакциялар

Аллергендерге каршы тура албоочулук да организмде бир мандем бар экенин кабарлайт. Организм пайда болгон факторго кантип реакция кылууну билбегендиктен, вирустук бактерияларга каршы тура албай, анысын аллергия түрүндө көрсөтөт.

6. Чач түшүп, чыканактын терисинин кургашы

Бул калкан бездин гипотиреозасынан кабар берет. Жакшы иммунитет жана калкан бездин кадимкидей иштеши абдан маанилүү. Аталган безге стресстин таасиринин кесепети оңбогондой. Бул  — эске тутуунун начарлашы, чачтын түшүүсү, чыканактын кургашы сыяктуу дагы бир топко узарган тизме.

49
Белгилер:
ден соолук, иммунитет, стресс
Тема боюнча
Кан басымы жогору адамдар кайсы эрежелерди карманышы керек
COVID интеллектини эмне үчүн жабыркатарын невролог түшүндүрүп берди
Алматы шаарында ок атуу болгон жердеги полиция кызматкерлери

Алматыда үй ээси атып салган 5 киши: өлгөндөрдүн бири жаңы кожоюн болгон

0
(жаңыланган 10:08 21.09.2021)
Каргашалуу окуя 20-сентябрь күнү кечки саат алтылар чамасында болгон. Акбулак кичи районунда жашаган тургун беш адамды атып салган.

БИШКЕК, 21-сен. – Sputnik. Алматы шаарында ок атуудан каза болгондордун бири турак жайдын жаңы кожоюну болгон. Бул тууралуу Алматынын акими Бакытжан Сагинтаевге шилтеме берип Sputnik Казакстан агенттиги жазды.

Каргашалуу окуя 20-сентябрь күнү кечки саат алтылар чамасында болгон. Акбулак кичи районунда жашаган тургунду соттун чечимин аткаруу үчүн үйүнөн чыгарганы келген сот аткаруучуларды үй ээси атып салган. Жеринде эки полиция кызматкери, бир сот аткаруучу жана эки жөнөкөй жаран каза болгон.

Маалыматка караганда, үй ээси банкка карызын төлөй албай, тамынан кол жууган. Турак жай үчүнчү тарапка сатылган. Кийин ал үйдү бошотпой жүргөндө жаңы кожоюн сотко кайрылган. Сот анын өтүнүчүн канааттандырган.

"Кечээ аны үйдөн чыгаруу үчүн сот аткаруучу, эки полиция кызматкери жана үйдүн жаңы ээси келген. Ошол учурда 54 жаштагы жаран ок чыгарып, беш киши каза болду. Алардын бири үйдү сатып алган адам болгон", — деп айтылат билдирүүдө.

Ок чыгарган киши ошол замат колго түшүрүлгөн. Казакстандын мыйзамдарына ылайык, ал 20 жылга чейин эркинен ажырашы мүмкүн экени айтылууда.

Шаар жетекчиси каза болгондордун жакындарына көңүл айтып, аларга жардам берилерин кошумчалады.

 

0
Белгилер:
Казакстан, Алматы, сот, чечим, үй, полиция, атышуу
Тема боюнча
5 киши өлдү. Алматыда бүлөнү үйүнөн чыгарууга келген сот аткаруучуларга ок атылды