Аял китеп окуп эстеп жатат. Иллюстративдик сүрөт

Уйкудан калган күндөрдүн ордун канча убакытта толтурууга болот. Изилдөө

589
(жаңыланган 13:21 02.09.2021)
Экспериментке катышып жаткандар бир жума каалаганча уктап эс алгандан кийин гана тез реакция кылуу жөндөмдүүлүгү калыбына келген.

БИШКЕК, 2-сен. — Sputnik. Польшалык окумуштуулар изилдөө жүргүзүп, адам 10 күн катары менен уйкудан калса, анын ордун эс алып толтурууга организм үчүн бир жумадан ашык убакыт керектелерин айтты. Бул туурасында РИА Новости PLOS ONE журналындагы макалага таянып жазды.

Уйкунун канбагандыгы адамдын физиологиялык функцияларына өзүнүн таасирин тийгизет. Ал бир нерсеге көңүл буруунун, эске тутуунун начарлашына, кан тамыр оорулары менен нерв системасында көйгөйлөрдүн жаралышына, чарчагандыктан улам күнүмдүк жашоодо кооптуу учурлардын (автокырсык, иштен кырсыктоонун ) пайда болушуна алып келет. Бирок илимпоздор киши көп убакытка чейин уйкудан калса, аны канча күндө кайра калыбына келтирерин так айткан илимий тыянактар жок экендигин эске салган.

Краковдогу Ягеллон университетинде окумуштуу Жереми Охабанын жетекчилиги астында бул жаатта так аныктама тапканга аракет кылышкан. Ден соолугу чың бир нече чоң кишини топтоп тажрыйба жүргүзүшкөн. Алгач топтолгондорду 10 күн катары менен уйкудан калтырып, андан соң бир жума каалашынча уктатышкан. Бул мезгилде алар кадимки жашоосу менен жашай беришкен. Ал эми окумуштуулар уйку менен активдүүлүккө адамдардын колуна тагылган атайын аппараттын жардамы менен байкоо салып турушкан. Аны менен катар мээнин активдүүлүгүн, тактык жана убакытка жасаган реакциясын текшерүүгө алганы айтылды.

Бир жума каалаганча уктап эс алгандан кийин алардын тез реакция кылуу жөндөмдүүлүгү гана калыбына келген. Ал эми калган параметрлери кадимки нормадан кадыресе алыс болгон. Ыкчам реакция кылуусу ар кимдики ар башка деңгээлде ордуна келген.

Эксперименттин авторлору бул багытта башка окумуштуулардын изилдөө ыкмаларынын жыйынтыгына салыштырбагандыгын, бирок өнөкөткө айланган уйку канбагандыктын ордун толтуруу үчүн кыска мөөнөттөгү эс алуу менен бир нече күндүк эмгек өргүү жетпей тургандыгын баса белгилешкен.

"Азыркы коом уйкунун аз болгондугун кадыресе көрүнүш катары карап калды. Бирок анын тийгизген кесепетин тез эле жоюп жиберүүгө болбостугун жасалган изилдөөлөр көрсөтүп келет", — дешкен окумуштуулар.

Буга чейин Далай-лама ден соолукта болуу үчүн канча саат уктоо керектигин айтып, мээ тынч болсо адамдын дени сак болорун белгилеген.

589
Белгилер:
Польша, Далай-лама, окумуштуулар, уйку, изилдөө, жыйынтык
Тема боюнча
Диетолог: уйкусу канбаган адам тез семирет
Спортко жакын адамдарга банандын кандай пайдасы бар экени айтылды
Психолог жыйналбаган үй адамга кандай зыян келтирерин айтты
Бишкектеги Ала-Тоо аянтындагы унаалар

Шейшембиге карата аба ырайы

78
28-сентябрда республика аймагында жаан-чачын күтүлбөйт. Батыштан соккон шамалдын ылдамдыгы 4-9 метрге жетет.

БИШКЕК, 27-сен. — Sputnik. Шейшембиде кээ бир райондордо өткүн өтүп, күн күркүрөйт. Бул тууралуу Кыргызгидромет билдирди.

Абанын температурасы Чүй, Талас өрөөндөрүндө +23…+28, Ош, Жалал-Абад, Баткен облустарында +25…+30, Ысык-Көл, Нарын аймактарында +20…+25 градусту көрсөтөт.

Бишкек жана Ош шаарларында жаан жаабайт. Күндүн табы борбордо +26…+28, Ош шаарында +28…+30 градусту көрсөтөт.

78
Белгилер:
аба ырайы, сентябрь, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы
Ош мэриясы China Road компаниясы менен меморандумга кол коюу

Оштун мэри China Road менен жол куруу боюнча меморандумга кол койду

208
(жаңыланган 20:15 27.09.2021)
Компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишти.

БИШКЕК, 27-сен. — Sputnik. Ош шаарынын мэриясы China Road компаниясы менен эки тараптуу кызматташуу боюнча меморандумга кол койду. Бул тууралуу аталган муниципалитет кабарлады.

Мэр города Ош Алмаз Мамбетов во время подписания меморандума о двустороннем сотрудничестве с компанией Чайна Роад. 27 сентября 2021 года
© Фото / пресс-служба мэрии города Ош
Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан

Бүгүн, 27-сентябрда, кытайлык корпорациянын Кыргызстандагы жолдорду жана көпүрөлөрдү куруу боюнча өкүлчүлүгүнүн башкы директору Хоу Хусян баштаган жумушчу топту Ош шаарынын биринчи вице-мэри Марс Исаев кабыл алган.

Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан.

Андан соң компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишкен.

208
Белгилер:
Ош мэриясы, Алмаз Мамбетов, China Road
Тема боюнча
Мэр Мамбетов Ош шаарынын туристтик брендин түзүү ниетин билдирди
165 млн. бөлүнгөн. Марипов Төө-Ашуудагы жолдун оңдолуп жатканын көрдү. Сүрөт
Кыргызстандык жөө күлүк Гүлшаной Сатарова Astana Marathon 2021 Нур-Султан шаарында

Кыргызстандык кыз казакстандык жөө күлүктөрдү артка таштап, алтын алып келди

0
(жаңыланган 22:00 27.09.2021)
Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

БИШКЕК, 27-сен. — Sputnik. Кыргызстандык жөө күлүк Гүлшаной Сатарова Нур-Султан калаасында өткөн Astana Marathon 2021 иш-чарасында алтын медаль утуп алды. Бул тууралуу аталган борбор калаанын акимчилигинин сайтында кабарланган.

Сатаров аялдар арасында 42,2 чакырымды 2 саат 35 мүнөттө чуркап өткөн. Атаандашы андан 21 мүнөт артта калган.

Эске сала кетсек, Сатарова быйыл июнда Алматыдагы жарым марафондо да жеңүүчү болгон эле.

Жарышка катышкандагы бир кыргызстандык спортчу Илья Тяпкин эркектер арасында 02:24:23 убакытта келип, коло медалга ээ болду.

  • Участники марафона Astana Marathon 2021 в Нур-Султане. 26 сентября 2021 года
    Акимчилик баш-аягы Казакстандын 45 шаарынан үч миңге жакын киши чуркагандыгын билдирди
    © Фото / пресс-служба акимата города Нур-Султан
  • Участники марафона Astana Marathon 2021 в Нур-Султане. 26 сентября 2021 года
    Марафон Казакстандын 30 жылдык эгемендүүлүгүнө арналган
    © Фото / пресс-служба акимата города Нур-Султан
1 / 2
© Фото / пресс-служба акимата города Нур-Султан
Акимчилик баш-аягы Казакстандын 45 шаарынан үч миңге жакын киши чуркагандыгын билдирди

Акимчилик баш-аягы Казакстандын 45 шаарынан үч миңге жакын киши чуркагандыгын билдирди. Марафон Казакстандын 30 жылдык эгемендүүлүгүнө арналган.

Финишке жеткен ар бир марафончуга эстелик медаль тапшырылып, ал эми чогултулган 37 миллион теңге кайрымдуулукка жумшалары айтылды.

0
Белгилер:
Казакстан, Кыргызстан, Илья Тяпкин, жөө күлүк, марафон, медаль, Гүлшаной Сатарова
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Ошто COVID баштаган ооруларды алдын алууга арналган марафон өттү. Сүрөттөр