Түптө мектептин ачылышы

Түптө курулушу 7 жыл мурун башталган мектеп акыры ачылды. Сүрөт

259
(жаңыланган 16:30 02.09.2021)
Мектепке жалпы жонунан 49 миллион 400 миң 900 сом сарпталган. Анын 21 миллион 400 миң 900 сому быйыл бөлүнгөн.

БИШКЕК, 2-сен. — Sputnik. Ысык-Көл облусунун Түп районуна караштуу Токтоян айылындагы Ашырбай Коёнкөзов атындагы мектептин курулушу аяктап, окуучуларды кабыл алууга даяр. Бул тууралуу Архитектура, курулуш жана турак-жай коммуналдык чарба мамлекеттик агенттиги билдирди.

  • Строительство школы имени Ашырбая Коенкозова в селе Токтоян, в Иссык-Кульской области было завершено. 02 сентября 2021 года
    Ысык-Көл облусунун Түп районуна караштуу Токтоян айылындагы Ашырбай Коёнкөзов атындагы мектептин курулушу аяктап, окуучуларды кабыл алууга даяр
    © Фото / пресс-служба Госстроя при ПКР
  • Строительство школы имени Ашырбая Коенкозова в селе Токтоян, в Иссык-Кульской области было завершено. 02 сентября 2021 года
    Маалыматка караганда, бул мектептин курулушу 2014-жылы башталган
    © Фото / пресс-служба Госстроя при ПКР
  • Строительство школы имени Ашырбая Коенкозова в селе Токтоян, в Иссык-Кульской области было завершено. 02 сентября 2021 года
    Мектепке 49 миллион 400 миң 900 сом сарпталган. Анын 21 миллион 400 миң 900 сому быйыл бөлүнгөн
    © Фото / пресс-служба Госстроя при ПКР
1 / 3
© Фото / пресс-служба Госстроя при ПКР
Ысык-Көл облусунун Түп районуна караштуу Токтоян айылындагы Ашырбай Коёнкөзов атындагы мектептин курулушу аяктап, окуучуларды кабыл алууга даяр

Маалыматка караганда, бул мектептин курулушу 2014-жылы башталган.

"Эки кабаттуу окуу корпусунда спортзал жана көчмө галерея бар. 1413,9 чарчы метрлик мектеп 150 окуучуга ылайыкталган. Бүгүнкү күндө объект толугу менен бүтүп, окуучуларды кабыл алууга даяр", — деп айтылат маалыматта.

Мектепке 49 миллион 400 миң 900 сом сарпталган. Анын 21 миллион 400 миң 900 сому быйыл бөлүнгөн.

259
Белгилер:
Ысык-Көл, мектеп, курулуш
Тема боюнча
Педиатр балага мектеп кийимин кантип тандоо керектигин айтып берди
Бала көтөргөн аял. Архив

Индиядагы кыргызстандык келиндин өлүмү боюнча ТИМ маалымат берди

89
(жаңыланган 23:29 22.09.2021)
Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

БИШКЕК, 22-сен. — Sputnik. Кыргызстандын Тышкы иштер министрлиги Индиянын Нью-Дели шаарында баласы менен чогуу киши колдуу болгон келиндин өлүмү тууралуу комментарий берди.

Буга чейин 28 жаштагы кыргызстандык кош бойлуу келин Нью-Дели шаарында бир жашар уулу менен чогуу өлтүрүлгөндүгү тууралуу маалымат тараган.

“Тергөөнүн маалыматы боюнча, келин курбусунун үйүндө 21-сентябрга караган түнү киши колдуу болгон. Тиешелүү экспертизалар жүргүзүлүп, полиция кылмыш ишин козгоду. Шектүүлөр суракка алынып, тергөө иштери жүрүп жатат”, — деп айтылат билдирүүдө.

Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

Элчилик бул ишти өз көзөмөлүнө алып, учурда сөөктөрдү Кыргызстанга алып келүү маселесинин үстүндө иштеп жатат.

89
Белгилер:
Индия, Кыргызстан, келин, бала, өлүм, ТИМ
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты
Алтын. Архив

Бажы кызматы Кытайга 17 фура алтын концентратынын чыгып кетиши боюнча үн катты

363
(жаңыланган 21:41 22.09.2021)
Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айткан.

БИШКЕК, 22-сен. — Sputnik. Мамлекеттик бажы кызматы депутат Аккулу Бердиевдин Чоң-Алай районундагы Алтын-Казык кенинен казылган алтын концентратын 17 фура менен Кытайга чыгарып кетишти деген билдирүүсү боюнча комментарий берди.

Анын айтымында, өткөн жылы "Эркеч-Там" бажысынан 17 фура алтын концентратын мыйзамсыз чыгарып кетип баратканда Финпол тарабынан токтотулуп, кылмыш иши козголгон.

"Кечээ, 21-сентябрда, кытайлар жаңылады деп "Эркеч-Там" менен "Достук" бажысы аркылуу чыгарып кетиптир. Министр, бажычылардын деңгээлиндеги коррупция токтобой жатат. Ал иш сотто экенине карабай "Кайди" компаниясы коррупциялык жолдор менен эскирген лицензиясын жаңылап алыптыр. Бажы кызматынын башчысы Самат Сатаровичке чалсам "мен билбей калыптырмын, балдар чыгарып жибериптир. "Эркеч-Тамдан" эмес, "Достуктан" өткөрүп поездге жүктөп кетиптир" дейт. Мындай боло берсе мамлекет оңолушу кыйын болот", — деген Бердиев.

Бажы кызматынан билдиришкендей, “тарифсиз жөнгө салуу чаралары колдонулган бажы операцияларын ишке ашырууда товарды алып кирүү жана чыгуу боюнча уруксат берилген эрежелерди жана Евразия экономикалык комиссиясынын 2015-жылкы чечимине ылайык иш алып барат”.

“Товарды киргизүү жана чыгаруу Кыргызстандын тиешелүү органдары уруксат берген документтин негизинде гана ишке ашырылат. Кыргыз өкмөтүнүн 2016-жылдын 24-мартындагы токтомуна ылайык, тиешелүү органдар "Гик Кайди" ЖЧКсына 2021-жылдын август айынан тарта Кыргызстандын сыртына флотациялык концентрат алып чыгууга уруксат берген. Бажы кызматкерлери жогорудагы уруксат документтерин көрүп туруп концентраттарды чыгаруу боюнча операцияны аткарышкан”, — деп айтылат билдирүүдө.

Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айтты.

Буга байланыштуу эл өкүлү башкы прокурор Курманкул Зулушевге кайрылып, ишти тыкыр текшерүүнү өтүндү.

363
Белгилер:
Кыргызстан, депутат, Мамлекеттик бажы кызматы, алтын, чек ара
Тема боюнча
Тонналап экспорттолчу. Кыргызстан июлда бир дагы грамм алтын саткан жок