Вид на аллею Молодежи и фасад мэрии Бишкека с высоты в Бишкеке

Троллейбуста чыккан өрт: Бишкек мэриясы түшүндүрмө берди

110
(жаңыланган 16:58 02.09.2021)
Маалыматка караганда, электр зымы менен троллейбустун зымы бириккен жерде байланыш начар болуп калгандыктан, транспорттун токтотууга жардам берчү контактору түтөп кеткен.

БИШКЕК, 2-сен. — Sputnik. Бүгүн эртең менен Бишкектин Байтик баатыр көчөсүндө троллейбустун түтөп кетиши боюнча мэрия түшүндүрмө берди.

Маалыматка караганда, электр зымы менен троллейбустун зымы бириккен жерде байланыш начар болуп калгандыктан, транспорттун токтотууга жардам берчү контактору түтөп кеткен.

"Буга айрым тетиктердин эскилиги жеткени себеп болгон. Түтүн айдоочунун кабинасы тараптан чыккан. Айдоочу сыртка чыга калып, өрт чыгып кетпеш үчүн зымдарды линиядан ажыраткан. Жабыркагандар болгон жок", — деп айтылат билдирүүдө.

Эске салсак, 2-сентябрь күнү эртең менен Бишкектин Байтик баатыр көчөсүндө троллейбустан өрт чыкканы тууралуу маалымат тараган. Күбөлөр айдоочу троллейбустун терезесинен чыкканын айтышкан.

110
Белгилер:
Бишкек, троллейбус, өрт, мэрия, түшүндүрмө
Тема боюнча
Бишкекте № 5 троллейбустун каттай турган жолу убактылуу өзгөрдү
Терезелер талкаланып, кыз ыргып кеткен. Казакстандагы жарылуунун жаңы кадрлары
Бишкек — Ош жолунда Toyota күйүп кетти. Өрттүн видеосу
Билим берүү жана илим министри Болотбек Купешев. Архив

Министрлик Купешевге кылмыш иши козголду деген маалыматты төгүндөдү

7
(жаңыланган 11:32 21.09.2021)
Буга чейин ЖМКлардын бирине Улуттук коопсуздук боюнча мамлекеттик комитет Купешевге карата кылмыш ишин козгоду деген маалымат чыккан.

БИШКЕК, 21-сен. — Sputnik. Билим берүү жана илим министри Болотбек Купешевге кылмыш иши козголду деген маалымат жалган. Бул төгүндөөнү аталган министрлик таратты.

Буга чейин ЖМКлардын бирине Улуттук коопсуздук боюнча мамлкеттик комитет Купешевге карата кылмыш ишин козгоду деген кабар чыккан.

"Билим берүү жана илим министри Болотбек Купешевге кылмыш иши козголду" деген маалымат чындыкка дал келбейт", — деп айтылган таратылган билдирүүдө.

Министрлик ЖМКлардан жалган маалыматты атайылап элге жар салуудан карманууну өтүндү.

7
Белгилер:
Кыргызстан, Билим берүү жана илим министрлиги, Болотбек Купешев, кылмыш иши, төгүндөө
Тема боюнча
16 батир, 18 жер. УКМК Абдраимов жана жакындарына тиешелүү мүлктөрдү санады. Сүрөт
Өкмөттүн Чүй облусундагы мурдагы өкүлү Туйгунаалы Абдраимов. Архив

Туйгунаалы Абдраимов тергөөгө келип туруу милдеттемесин алып сурактан чыкты

18
(жаңыланган 11:12 21.09.2021)
Буга чейин УКМК Абдраимовду мыйзамсыз баюу беренесине айыптап, бир нече мүлккө ээлик кыларын жарыялаган.

БИШКЕК, 21-сен. — Sputnik. Өкмөттүн Чүй облусундагы мурдагы өкүлү Туйгунаалы Абдраимов тергөөгө дайыма келип турууга милдеттендирилип сурактан чыкты. Бул тууралуу УКМКнын маалымат кызматы кабарлады.

Кыргызстандын экс-президенти Сооронбай Жээнбеков. Архив
© Sputnik / Табылды Кадырбеков
Атайын кызмат Абдраимовду мыйзамсыз баюу беренесине айыптап, бир нече мүлккө ээлик кыларын жарыялаган. Ал жакын туугандарына жана аффилирленген адамдарга 16 батир, 18 жер тилкеси, унаа токтотуучу 2 жай, 5 турак жай, 3 дыйкан чарба, 16 автоунаа, "Ысык-Ата" курортунун аймагындагы бүтпөгөн курулуш объектилерди каттаганын билдирген.

Андан мурдараак саясатчы бийликти күч менен басып алууга шектелип ИИМге сурак берип чыккан.

Эске салсак, Туйгунаалы Абдраимов мурда Борбордук шайлоо комиссиясын эки ирет башкарган, 2018-2019-жылдары өкмөттүн Чүй облусундагы өкүлү болуп иштеген. Журналисттин келбетине асылып, коомчулуктун кескин сынынан кийин кызматтан алынган.

 

18
Белгилер:
сурак, Туйгунаалы Абдраимов, тергөө, УКМК
Тема боюнча
16 батир, 18 жер. УКМК Абдраимов жана жакындарына тиешелүү мүлктөрдү санады. Сүрөт
Жанар Акаев ИИМде сурак берип чыкты

Бишкекте "Кыргыз көчү" аймагы түзүлүп, дүйнө эпосторунун фестивалы өтөт

0
Борбор калаада 22-25-сентябрь күндөрү Дүйнө элинин эпосторунун VI Эл аралык фестивалы өтөт. Учурда ага 20дан ашык өлкөнүн өкүлдөрү катышары күтүлүүдө.

Фестивалдын программасында эпос таануучулар жана окумуштуулар арасында эл аралык илимий-практикалык симпозиум, тегерек столдор өтөт. Ошондой эле Улуттук филармониянын алдына "Кыргыз көчү" этнографиялык аймагы түзүлүп "Мыкты Боз үй", "Мыкты Семетейчи" жана "Саркеч көчмөн" сынактары уюштурулат.

Үстүбүздөгү жылдын 26-27-сентябрында Ош шаарынын борбордук аянты туризм индустриясына жаңы эшигин ачат.
© Видео / Facebook/ Мэрия города Ош - официальная страница
Аталган маданий иш-чара Кыргызстандын Эгемендүүлүгүнүн 30 жылдыгына жана улуу акын Тоголок Молдонун 160 жылдыгына арналат. Маданият, маалымат, спорт жана жаштар саясаты министрлиги "Манас" жана Чыңгыз Айтматов Улуттук академиясы, "Арт Араба" коомдук фонду менен биргеликте уюштурууда.

Максаты — дүйнө элдеринин эпикалык мурастарын элге жеткирүү, адамзаттын маданий баалуулуктарын сактоо жана жайылтуу, эл аралык маданий кызматташтыкты бекемдөө. Ошондой эле президенттин "Инсандын руханий адеп-ахлактык өнүгүүсү жана дене тарбиясы жөнүндө" жарлыгын ишке ашыруу экени айтылды.

0
Белгилер:
Бишкек, фестиваль, эпос, маданият
Тема боюнча
Залкардын элесине арналат. Бишкекте "Үмүт" эл аралык кинофоруму башталды