Акча каражаттары. Архив

Садыр Жапаров жөлөк пулдардын көлөмүн көбөйттү. Ким канча алат?

8421
(жаңыланган 20:59 02.09.2021)
Жарлыкка ылайык, 2021-жылдын 1-октябрынан тарта жөлөк пул 50 пайызга, 2022-жылдын 1-январында 100 пайызга көбөйтүлөт.

БИШКЕК, 2-сен. — Sputnik. Мамлекет башчы Садыр Жапаров "Жарандардын айрым категорияларына социалдык жөлөк пулдун өлчөмүн жогорулатуу жөнүндө" жарлыкка кол койду. Бул тууралуу президенттин маалымат кызматы кабарлады.

Эске салсак, буга чейин мамлекет башчы кыргызстандыктарды Эгемендүүлүк майрамы менен куттуктап жатып, үстүбүздөгү жылдын 1-октябрынан тарта жөлөк пулдун көлөмү жогорулай турганын айткан.

Президенттин жарлыгына ылайык, ай сайын берилчү жөлөк пулдардын өлчөмү 50 пайызга жогорулайт (2021-жылдын 1-октябрынан тарта).

Ким канча алат?

  • ВИЧке же СПИДге чалдыккан энелерден төрөлгөн балдарга — 4000 сомдон 6000 сомго чейин;
  • ден соолугунан мүмкүнчүлүгү чектелген балдарга — 4000 сомдон 6000 сомго чейин;
  • атасынан же энесинен айрылган балдарга — 1000 сомдон 1500 сомго чейин;
  • атасы менен энесинен айрылган балдарга — 2000 сомдон 3000 сомго чейин;
  • бала кезинен I топтогу майып адамдарга — 4000 сомдон 6000 сомго чейин;
  • бала кезинен II топтогу майып адамдарга — 3300 сомдон 4950 сомго чейин;
  • бала кезинен III топтогу майып адамдарга 2700 сомдон 4050 сомго чейин;
  • атасы менен энеси белгисиз балдарга — 2000 сомдон 3000 сомго чейин.

Ал эми 2022-жылдын 1-январынан тарта жөлөк пул 100 пайызга көбөйтүлөт;

  • ВИЧке же СПИДге чалдыккан энелерден төрөлгөн балдарга — 4000 сомдон 8000 сомго чейин;
  • ден соолугунан мүмкүнчүлүгү чектелген балдарга — 4000 сомдон 8000 сомго чейин;
  • атасынан же энесинен айрылган балдарга — 1000 сомдон 2000 сомго чейин;
  • бала кезинен I топтогу майып адамдарга — 4000 сомдон 8000 сомго чейин;
  • бала кезинен II топтогу майып адамдарга — 3300 сомдон 6600 сомго чейин;
  • бала кезинен III топтогу майып адамдарга — 2700 сомдон 5400 сомго чейин.

2022-жылдын 1-январынан тарта 200 пайызга көбөйө турган жөлөк пулдар:

  • атасынан же энесинен айрылган балдарга — 2000 сомдон 6000 сомго чейин;
  • атасы менен энеси белгисиз балдарга — 2000 сомдон 6000 сомго чейин.

Чыгымдар республикалык бюджеттен каржыланат.

8421
Белгилер:
Кыргызстан, Садыр Жапаров, жөлөк пул, жарлык
Тема боюнча
Садыр Жапаров октябрдан тарта жөлөк пул канча сомго өсөрүн айтты
Жапаров Кыргызстан 5 жылда кандай өзгөрөрүн айтты. Президенттин кебинен тезистер
Кыргызстандын экономика жана финансы министри Акылбек Жапаров. Архивдик сүрөт

Жапаров Лондондогу ассоциациянын "Кыргыз алтын" боюнча чечимине комментарий берди

250
(жаңыланган 23:30 19.09.2021)
Буга чейин "Кыргыз алтын" ишенимдүү жеткирүүчү компаниялардын тизмесинен чыгарылган. Акылбек Жапаровдун айтымында, санкциялар киргенден кийин экономикалык абал дайыма жакшырат.

БИШКЕК, 20-сен. — Sputnik. Кыргызстандын экономика жана финансы министри Акылбек Жапаров Лондондогу Баалуу металлдар рыногунун ассоциациясынын "Кыргыз алтын" ишканасын ишенимдүү жеткирүүчү компаниялардын тизмесинен чыгарганы боюнча комментарий берди.

Кечээ күнү ассоциация мындан ары "Кыргыз алтын" аффинаждык заводунун продукциясын албай турганы маалым болгон.

Жапаровдун айтымында, баары болжолдонгон сценарий боюнча баратат жана Лондон ассоциациясынын чечими күтүлгөн иш болчу.

"Жокко чыгаруу убактылуу гана иш, жакында калыбына келтирилиши мүмкүн экенин белгилеп кетким келет. Канадалыктар Кыргызстандын элине, республиканын экономикасына жана экологиясына келтирген зыяны үчүн кечирим сурап, бардык жоготууларды кайтарып, тынч жол менен кетет деп эч ким күткөн эмес. Алар тараптан башка тоскоолдуктар жана "кыйынчылыктар" болушу мүмкүн экенин айта алам, бул да алдын ала божомолдонууда, биз муну да эске алабыз", — деди Жапаров.

Министр азыркы шарттар мурдагыдан начар болбоорун белгилеген.

"Баштаганда эле биз алтынды жеткирүүнүн жаңы каналдарынын үстүндө иштөөдөбүз. Учурда да сүйлөшүүлөр жүрүп жатат. Азырынча шарттар мурдагыдан начар болбойт деп айта алам. Ошондой эле Нью-Йорктун банкроттук иштер боюнча соту 15-сентябрда Centerra Gold Inc. компаниясынын адвокаттарынын доо арызына Кумтөр кени боюнча Кыргызстандын өкмөтүнө айып пул салуудан баш тартканын да эстен чыгарбоо керек. Бул биздин туура жолдо бара жатканыбыздын дагы бир далили", — деди ал.

Министр кандай болгон күндө да бул кампания бүтүндөй Кыргызстан үчүн оң мультипликативдик эффект берет деп ишенерин айтты.

"Көптөр үчүн бул ачык эмес, бирок санкциялардын киргизилиши менен экономикада кырдаал дайыма жакшырат. Бул нерсе Россияда жана башка көптөгөн өлкөлөрдө болгон. Мындай шарттар технологиялык өнүгүүгө жол ачып, өзүбүздүн инновациялык өндүрүштү пайда кылат жана жаңы экспорттук байланыштарды түзүүгө жардам берет", — деди Жапаров.

Ал ошондой эле көңүлдү зергерчилик индустриясына буруу керектигин белгилеген.

"Биз зергерчилик индустриясын, жогорку сапаттагы өндүрүш базасын, маданиятыбызды өнүктүрүшүбүз керек. Алтынды зергерчиликке сатсак, анын баасы бир нече эсе кымбат болот. Болуп жаткан нерселердин баары баалуу металлдарды колдонгон жогорку технологиялуу өндүрүштөргө жана технологияларга көңүл буруунун эң сонун себеби. Дагы бир, жарым-жартылай парадоксалдуу жагдай пайда болууда. Санкциялар республикада алтынды көбөйтүү үчүн иштейт жана алтын — бул жогорку категориядагы резервдик валюта, алар менен иштөөгө олуттуу эл аралык кредиторлор кубанычта болот", — деди ал.

Жапаров дүрбөлөңгө түшүүгө негиз жок экенин белгиледи.

Кырдаал тууралуу кыскача

Июнь айында LMBA "Кыргыз алтын" тарабынан алдамчылык жасалышы мүмкүн делген фактыны карап жатканын билдирген. Анда канадалык Centerra Gold Inc. компаниясы уюмдун иликтөөсүн кубаттай турганын айткан.

"Кыргыз алтынды" толугу менен кыргыз өкмөтү көзөмөлдөйт. Мындан улам алардын 29 миллион доллар каражатты жасалма төлөм инструкциясын колдонуу менен чыгарып кетүү аракети азыркы администрация жана аны менен бирге иштешип жаткандар биздин келишимди бузуп Кумтөр кенин экспроприациялап, активдерин басып алышынын бир мисалы болуп саналат", — деп жазылган маалыматта.

Буга чейин The Wall Street Journal каржылык кызматтарды көрсөтүү менен алектенген америкалык StoneX Group Inc. компаниясы "Кыргыз алтын" ААКсын 1 миллион долларга сотко бергенин жазган. Доо арыз Лондондогу соттордун биринде каралат. Басылманын маалыматына караганда, үстүбүздөгү жылдын май айында "Кыргыз алтын" жарым тонна алтындын жеткирилишин үзгүлтүккө учуратып, 29 миллион долларды алууга аракет жасаган.

"Кыргыз алтын" мындай дооматтар чындыкка дал келбестигин айтып келет.

250
Белгилер:
Кыргызстан, Акылбек Жапаров, министр, Кыргызалтын, Лондон
Тема боюнча
Лондондогу уюм "Кыргыз алтынды" ишенимдүү компаниялардын катарынан чыгарды
Бишкектеги жүргүнчү. Архивдик сүрөт

Дүйшөмбүгө карата аба ырайы

223
20-сентябрда өлкөнүн дыйканчылык аймактарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 19-сен. — Sputnik. Дүйшөмбүдө күндүз тоолуу райондордо өткүн өтүп, күн күркүрөшү ыктымал. Бул тууралуу Кыргызгидромет билдирди.

Абанын температурасы Чүй облусунда +22…+27, Ысык-Көл жергесинде +19…+24, Нарын, Талас өрөөндөрүндө +21…+26, Ош, Жалал-Абад, Баткен аймактарында +27…+32 градус болот.

Күндүн табы Бишкекте +24…+26, Ош шаарында +30…+32 градуска жогорулайт.

223
Белгилер:
аба ырайы, сентябрь, Кыргызстан
Тема боюнча
Жаан-чачындуу күндөр башталабы? Бир жумага карата аба ырайы
Суук эрте түшөбү? Октябрь айына карата аба ырайы
Мотоциклчен киши. Архивдик сүрөт

Мотоциклчен киши аэропортко кеткен трассадан жөө адамды коюп, жол жабылды

0
(жаңыланган 23:34 19.09.2021)
Жолго 50дөй киши топтолуп ызы-чууга түштү. Кырсыктын кесепетинен болжол менен 50 жаш курагындагы киши каза болду.

БИШКЕК, 19-сен. — Sputnik. "Манас" аэропортуна кеткен жолдо мотоциклчен киши жөө адамды коюп кетти. Бул тууралуу Чүй облустук милиция билдирди.

Окуя бүгүн саат 20:00дө болгон. Маалыматка караганда, кырсыктын кесепетинен жөө киши набыт болгон. Болжол менен ал 50 жашта. Активист Болот Ибрагимов авариядан кийин тартылган видеону соцтармакка жарыялады.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Кадрдан жол убактылуу жабылып калганын көрүүгө болот. Топтолгон 50дөй киши ызы-чууга түшкөн. Милициянын божомолу боюнча, алар жергиликтүү тургундар менен мотоциклчен кишинин достору болушу мүмкүн.

Чүй ОИИББдин маалымат кызматы саат 21:00дөр чамасында Манас айылынын жашоочулары Бишкек — аэропорт жолун тосуп, жол кырсыктарына нааразычылыктарын билдиришкенин кабарлады.

"Учурда милиционерлер жергиликтүү тургундарга түшүндүрүү иштерин жүргүзүп жатат", — деди ОИИББден.

Түнкү саат 11лер чамасында эл тарай элек болчу.

0
Белгилер:
Бишкек, милиция, жол кырсык, мотоцикл
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкекте жүк ташыган поездге урунуп 21 жаштагы жигит каза тапты