COVID: соңку суткада айыккандардан ооругандар көп чыгып, 5 киши көз жумду

136
(жаңыланган 09:47 03.09.2021)
Коронавирус республиканын башка аймактарына салыштырмалуу Бишкек шаары менен Ысык-Көл жана Чүй облустарында көп чыккан.

БИШКЕК, 3-сен. — Sputnik. Кыргызстанда акыркы суткада COVID 175 адамга жугуп, оору менен алышып жаткандардын ичинен беш бейтап каза тапты. Бул туурасында Республикалык штабдан кабарлашты.

Коронавирус төмөнкү аймактардан чыккан:

  • Бишкек – 85;
  • Чүй облусу – 31;
  • Ош облусу – 3;
  • Талас облусу – 4;
  • Нарын облусу – 2;
  • Ысык-Көл облусу – 32;
  • Жалал-Абад облусу – 8;
  • Баткен облусу – 10.

Кечээки сандарды кошкондо Кыргызстанда COVID менен ооругандардын жалпы саны 176 193 адамга жетти.

Ал эми бир суткада айыгып чыккандардын саны 92 адамды түзгөн.

Тилекке каршы, оору адам өмүрүнө да зыян келтирген.

"Акыркы суткада коронавирустан өлкө боюнча беш бейтап каза тапты", — деп билдиришти штабдан.

Аталган вирустан көз жумгандардын саны республика боюнча 2 541 адамга жетти.

Бүгүнкү күндө стационарда 960 жана амбулатордук түрдө 979 адам дарыланып жатат.

Кечээ, 2-сентябрда, 12 601 адам вакцина алган, ал эми Кыргызстан боюнча коронавируска каршы эмделгендердин саны 690 997ге жетти.

136
Белгилер:
Кыргызстан, коронавирус, статистика, оору, өлүм, вакцина
Тема:
Кыргызстандагы коронавирус жуктуруп алгандар (1759)
Тема боюнча
Баткенде COVID-19га каршы эмдөөгө чакырган 10 күндүк акция башталды. Сүрөт
Кабул аэропортунда жеке авиакомпаниянын жүргүнчүлөрү

Кабул аэропорту 36 күндөн кийин коммерциялык каттамдар үчүн ачылды

16
(жаңыланган 16:29 20.09.2021)
15-августта талибдер Кабулду басып алгандан кийин аба майданда туруктуу авиакаттамдар токтотулган болчу.

БИШКЕК, 20-сен. — Sputnik. Кабулдун аэропорту ички жана эл аралык коммерциялык авиакаттамдар үчүн расмий түрдө ачылды. Бул тууралуу РИА Новости Афганистандын Жарандык авиация башкармалыгындагы булактарына таянуу менен жазды.

Аба майдан эртең мененки саат 6:00дөн 18:00гө чейин иштейт.

Август айынын башында "Талибан"* кыймылы АКШ аскер күчтөрүн өлкөдөн чыгарып кетип жаткан маалда өкмөттүк күчтөргө каршы чабуул койгон. Ал эми 15-августта борбор калаа Кабулду басып алышкан. Аэропортту 31-августка чейин АКШ жана башка мамлекеттер өз жарандарын, кээ бир афгандыктарды чыгарып кетүү үчүн колдонгон.

Буга чейин "Талибан" Россия жана Түркия менен авиакаттамдарын жандандырууга ниеттенип жатканы айтылган.

*"Талибан" кыймылы — Кыргызстанда жана башка бир катар өлкөлөрдө террордук уюм катары таанылып, ишмердүүлүгүнө тыюу салынган.

16
Белгилер:
Кабул, аэропорт, каттам, ачуу
Тема:
Афган бийлиги менен талибдердин тиреши
Тема боюнча
ЖМК: талибдер өзбек тилин расмий макамынан ажыратып салды
6 млн. доллар, уютулган алтындар. Талибдердин Салехтин үйүнөн тарткан видеосу
Электр кубаты счётчиги. Архив

Эртең Бишкектин кайсы жеринде электр кубаты өчүрүлөт. Тизме

23
(жаңыланган 16:25 20.09.2021)
Шейшемби күнү "Түндүк электр" ишканасынын бригадасы Бишкектин чекесинде жайгашкан айылдагы подстанциянын жана калаадагы үйлөрдүн ичиндеги электр тармактардын абалын текшерип чыгат.

БИШКЕК, 20-сен. — Sputnik. Электр кубаты 21-сентябрь күнү Бишкектин 13 көчөсүнүн тилкелеринде болбой тургандыгы "Түндүк электр" ишканасынын сайтында жазылган.

Бул күнү адистерден турган бригадалар үйлөрдүн ичиндеги электр тармактардын абалын көздөн кечирип, оңдой турчуларын кайрадан карап, түздөп чыгат. Андан сырткары, Күнтуу айылындагы подстанцияны текшерет.

Электр кубаты өчүрүлө турган аймактар:

  • 09:00-18:00 — Манас проспектисинин тилкеси (№61 үй), Тынчтык, Касым, Ынтымак, Арча-Бешик (Безымянная, Кара-Кужур, Абдрахманов, Бердибаев, Алтын-Түтүн, Эртайлак, Шербет, Садыбакасов, Он-Арча көчөлөрү), Ак-Босого конуштары, Жал-29 кичи району.
  • 09:30-18:30 — Ахунбаев (№106 А үй) көчөсүнүн тилкеси, Кара-Жыгач (Субан-Ата көчөсү) конушу.
23
Белгилер:
Кыргызстан, Бишкек, электр кубаты, Күнтуу айылы
Тема боюнча
Эртең Бишкектин айрым жерлеринде таза суу өчүрүлөт. Тизме
Жаан-чачындуу күндөр башталабы? Бир жумага карата аба ырайы
Бишкектин айрым райондорунда 11 күн бою газ менен ысык суу болбойт
Студенттер Пермь университеттин терезелеринен секирип түшүп жатышат

Пермдеги элди аткан студент полиция кызматкерине да ок чыгарган. Чоо-жайы

0
(жаңыланган 16:54 20.09.2021)
Тартип сакчысы куралчан студентти жарадар кылгандан кийин чуркап келип, куралын колунан алып, андан соң биринчи жардам көрсөткөн.

БИШКЕК, 20-сен. — Sputnik. Пермь мамлекеттик изилдөө университетинде элди аткан студент кирип келе жаткан полиция кызматкерине да ок чыгарган. Бирок тартип сакчы аны жарадар кылып, куралсыздандырып, андан соң биринчи жардам көрсөткөн. Бул тууралуу РИА Новости жазды.

"Окуя болгон жерге биринчилерден болуп Пермь шаарынын Жол кыймылы коопсуздугу боюнча мамлекеттик автоинспекциянын Жол кайгуул кызматы келген. Полициянын лейтенанты Константин Калинин имараттын башкы корпусуна кирип, ал эми кесиптеши ага лейтенант Владимир Макаров элди эвакуациялай баштаган. Калинин имараттын ичинен куралдуу адамды көргөн. Аны байкап калган кылмышкер лейтенантты көздөй бир нече ирет аткылаган. Ага жооп кылган тартип сакчысы куралчанды жарадар кылып, чуркап келип, куралын колунан алгандан кийин биринчи жардам көрсөткөн", — деп айткан ИИМдин өкүлү Ирина Волк.

Ал тартип сакчылар учурда жогорку окуу жайдын аймагын көзөмөлдөп тургандыгын кошумчалады.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, сегиз киши каза таап, 28и жаракат алган. Шектүү кармалган.

0
Белгилер:
Россия, Пермь, Университет, ок чыгаруу, өлүм, полиция
Тема боюнча
Казань шаарындагы мектепте өспүрүм ок чыгарып, 8 киши каза болду. Видео