Бишкеке жакы жердеги жаңы конуш. Архивдик сүрөт

Бишкек жана Ош шаарында жерлерди мыйзамдаштыруу: мыйзам долбоору иштелип чыкты

279
(жаңыланган 10:25 03.09.2021)
Документтин автору — вице-спикер Нурбек Сыдыгалиев. Анын айтымында, жашаган жерине расмий түрдө укугунун жоктугу жарандарды көптөгөн социалдык кепилдиктерден кол жуудуруп жатат.

БИШКЕК, 3-сен. — Sputnik. Жогорку Кеңеште Бишкек жана Ош шаарларында жарандар өз алдынча басып алып, үй салган жер тилкелерин мыйзамдаштыруу боюнча мыйзам долбоору демилгеленди.

Документтин автору — вице-спикер Нурбек Сыдыгалиев. Анын айтымында, жашаган жерине расмий түрдө укугунун жоктугу жарандарды көптөгөн социалдык кепилдиктерден кол жуудуруп жатат.

"Мындай жерлерде көпчүлүк учурда жакыр адамдар жашайт. Алар болгон-бүткөн акчасын ошол үйүн салууга жумшашкан. Алар социалдык чыңалууларды жаратып, көпчүлүк учурда митингдерге себеп болууда", — деди Сыдыгалиев.

"2012-жылдын 3-августуна чейин өзү билемдик менен тургузулган үйлөрдү легалдаштыруу жөнүндө" мыйзам долбоору үйлөрдү мыйзамдаштыруу боюнча бир жолку акциясын өткөрүү жаңы конуштардагы маселени жөнгө салууга багытталган. Документ 2012-жылдын 3-августуна чейин өзү билемдик менен тургузулган үйлөрдү жана сатып алынган жер тилкелерин мыйзамдаштырат.

Ошол эле учурда газ түтүгүнө, жогорку чыңалуудагы электр зымына жакын аймактарда, көрүстөндөрдүн, адам өмүрүнө коркунуч жаратуучу кайра иштетилбей турган таштандылардын аймагына курулган үйлөр мыйзамдаштырылбайт.

Пайдубал турган жер жана кыймылсыз мүлк объектилеринин жанындагы жерлер муниципалдык менчикте калат.

Мыйзам долбоору менен кененирээк Жогорку Кеңештин сайтынан таанышсаңыз болот.

279
Белгилер:
Жогорку Кеңеш, мыйзам, долбоор, жер тилкеси, легалдуу
Тема боюнча
Өлгөнгө чоң мал сойбойт, тойго 200 киши чакырбайт. ЖК мыйзамды биринчи окууда колдоду
Бишкек — Ош автотрассасы. Архив

Шаршембиге карата аба ырайы

32
22-сентябрда күндүз жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-сен. — Sputnik. Шаршембиде республиканын кээ бир аймактарында өткүн өтүп, күн күркүрөйт. Бул тууралуу Кыргызгидромет билдирди.

Абанын температурасы Чүй облусунда +22…+27, Талас өрөөнүндө +20…+25, Ош, Жалал-Абад, Баткен облустарында +25…+30, Ысык-Көл, Нарын аймактарында +20…+25 градус жылыйт.

Күндүн табы Бишкекте +24…+26, Ош шаарында +28…+30 градусту көрсөтөт.

32
Белгилер:
аба ырайы, сентябрь, Кыргызстан
Тема боюнча
Жаан-чачындуу күндөр башталабы? Бир жумага карата аба ырайы
Түндүк электрдин кызматкери оңдоо иштер учурунда. Архив

Эртең Бишкектин 29 көчөсүндө жарык өчөт. График

70
Электр жарыгы шаардын борбордук бөлүгүнөн тышкары жаңы конуштарда дагы өчүрүлөт. Буга пландык оңдоолор себеп болууда.

БИШКЕК, 21-сен. — Sputnik. Эртең, 22-сентябрда, Бишкектин 29 көчөсүндө жарык өчөт. Бул тууралуу "Түндүк электр" ишканасы кабарлады.

Жарык берүү үзгүлтүккө учурай турган аймактар:

  • 9:00-13:00 — Ак-Босого конушунда;
  • 9:00-18:00 — Манас проспектисинин бир бөлүгүндө, Абдумомунов, Фурманов, Севастопольский, Шота Руставели, Целинное, Сухомлинов, Московский көчөлөрүнүн бир бөлүгүндө;
  • 9:30-14:00 — Широкий, Томск, Зайсанский, Львов көчөлөрүнүн бир бөлүгүндө, Тушинский туюк көчөсүндө;
  • 9:30-19:00 — Саратовский, Пархоменко, Фрунзе, Комсомольский, Буденный, Салиева, Шайыр, Тульский, Сводобный, 8-Март, Элебесов, Семипалатинский, Арычный, Токтоналиев көчөлөрүнүн бөлүктөрүндө, Манас проспектисинде жана Грозненский туюк көчөсүндө.
70
Белгилер:
Бишкек, жарык өчүрүү, көчө, 'Түндүк Электр' ишканасы
Тема боюнча
Жаан-чачындуу күндөр башталабы? Бир жумага карата аба ырайы
Чеченстандын президенти Рамзан Кадыров. Архив

ЛГБТны Чеченстанда да коргоого чакырган Байденге Кадыров жооп берди

0
(жаңыланган 23:29 21.09.2021)
Чечен Республикасынын президенти АКШ лидерине тамаша иретинде жооп берип, өз өлкөсүнө чакырган.

БИШКЕК, 21-сен. — Sputnik. АКШнын президенти Жо Байден БУУнун Башкы ассамблеясынын 76-сессиясында сөз сүйлөп жатып ЛГБТны коргоого чакырды.

"Биз баарыбыз ЛГБТ өкүлдөрүнүн укуктарын коргоп турушубуз керек. Алар Чеченстанда, же Камерунда, же дүйнөнүн башка бурчунда болобу, эч нерседен коркпой сүйүүсү менен ачык жашашы керек", — деди Байден.

Көп өтпөй Чеченстандын президенти Рамзан Кадыров ага Telegram-каналы аркылуу жооп кайтарганын RT жазды.

"Байден ушунчалык акылга сыйгыс билдирүү жасады, жооп катары биздин республикага чакырам. Ал Чечен Республикасына келип бизде короздор, жада калса андай сөз дагы жок экенин көрүп кетсин. Алардын ордуна бизде тооктун күйөөсү бар", — деп жазып каткырган быйтыкча койгон.

Белгилей кетсек, учурда Нью-Йоркто БУУнын Башкы ассамблеясынын 76-сессиясы өтүп жатат.

0
Белгилер:
АКШ, Жо Байден, Рамзан Кадыров
Тема боюнча
Байден Австралиянын премьер-министринин атын эстей албай... Видео
Рамзан Кадыров UFC мушкери менен кармашты. Видео