Афган жана Баткен согушунун ардагери, отставкадагы полковник, аскердик учкуч Болот Мамбеталиев. Архив

Афган жана Баткен согушунун ардагери Болот Мамбеталиевдин сөөгү жерге берилди

317
Отставкадагы полковник Афганистанда көрсөткөн каармандыгы үчүн эки Кызыл Жылдыз, Кызыл Туу жана Афганистандын Эл Достугу ордендери менен сыйланган.

БИШКЕК, 3-сен. — Sputnik. Афган жана Баткен согушунун ардагери, отставкадагы полковник, аскердик учкуч Болот Мамбеталиевдин сөөгү жерге берилди.

66 жаштагы ардагер 1-сентябрда жүрөк оорусунан улам көз жумган. Сөөгү Гроздь айылындагы көрүстөнгө коюлду.

Болот Мамбеталиев Афганистанда көрсөткөн каармандыгы үчүн эки Кызыл Жылдыз, Кызыл Туу жана Афганистандын Эл Достугу ордендери менен сыйланган.

Ал 1972-жылы Фрунзе шаарындагы №36 орто мектепти аяктаган. Советтик армиянын Аба күчтөрүнүн катарында кызмат өтөгөн. Андан кийин 1974-жылдын жазында Балашов шаарындагы (Саратов облусу) жогорку аскердик учкучтарды даярдоочу окуу жайына өтүп, 1978-жылы учкуч-инженер квалификациясын алган. Бул аскердик окуу жайды бүткөн соң жетекчилик Алматы шаарындагы авиациялык полкко жиберген.

1980-жылы аны командачылык Афганистандагы согушка жөнөтөт. Кан майданда Мамбеталиев аскердик атайын авиациянын учкучу болгон. 1986-1987-жылдары кайрадан кан майданга катышкан. Афган согушунда 640 ирет учкан. Баш-аягы Афганистанда эки жыл салгылашкан.

1987-жылы 5-январда СССРдин Башкы аскердик чалгындоо башкармалыгынын чалгынчылары жана Мамбеталиевдин экипажы биргелешип АКШнын "Стингер" аттуу көтөрмө зениттик-ракеталык комплексин биринчилерден болуп Афганистандан жашыруун Ташкент шаарына жеткизген. 1988-жылы ноябрда Союзга келип, ГДРде кызматын уланткан.

1991-жылы Кыргызстанга кайтып, кыргыз авиациясын сактап калууга умтулган. 1999-жылы Баткендеги согушка да катышкан.

Мамбеталиев бир уул, бир кыздын атасы.

Болот Мамбеталиев жыл башында Sputnik агенттигине маек куруп, Афганистандагы аскердик кызматы тууралуу айтып берген.

317
Белгилер:
Болот Мамбеталиев, Афганистан, согуш, Баткен, ардагер, полковник, армия
Тема боюнча
Аскердик учкуч Мамбеталиев: Афган согушунан бир гана нерсе менен сыймыктанам
Өкмөттүн Чүй облусундагы мурдагы өкүлү Туйгунаалы Абдраимов. Архив

Туйгунаалы Абдраимов тергөөгө келип туруу милдеттемесин алып сурактан чыкты

3
(жаңыланган 11:12 21.09.2021)
Буга чейин УКМК Абдраимовду мыйзамсыз баюу беренесине айыптап, бир нече мүлккө ээлик кыларын жарыялаган.

БИШКЕК, 21-сен. — Sputnik. Өкмөттүн Чүй облусундагы мурдагы өкүлү Туйгунаалы Абдраимов тергөөгө дайыма келип турууга милдеттендирилип сурактан чыкты. Бул тууралуу УКМКнын маалымат кызматы кабарлады.

Кыргызстандын экс-президенти Сооронбай Жээнбеков. Архив
© Sputnik / Табылды Кадырбеков
Атайын кызмат Абдраимовду мыйзамсыз баюу беренесине айыптап, бир нече мүлккө ээлик кыларын жарыялаган. Ал жакын туугандарына жана аффилирленген адамдарга 16 батир, 18 жер тилкеси, унаа токтотуучу 2 жай, 5 турак жай, 3 дыйкан чарба, 16 автоунаа, "Ысык-Ата" курортунун аймагындагы бүтпөгөн курулуш объектилерди каттаганын билдирген.

Андан мурдараак саясатчы бийликти күч менен басып алууга шектелип ИИМге сурак берип чыккан.

Эске салсак, Туйгунаалы Абдраимов мурда Борбордук шайлоо комиссиясын эки ирет башкарган, 2018-2019-жылдары өкмөттүн Чүй облусундагы өкүлү болуп иштеген. Журналисттин келбетине асылып, коомчулуктун кескин сынынан кийин кызматтан алынган.

 

3
Белгилер:
сурак, Туйгунаалы Абдраимов, тергөө, УКМК
Тема боюнча
16 батир, 18 жер. УКМК Абдраимов жана жакындарына тиешелүү мүлктөрдү санады. Сүрөт
Жанар Акаев ИИМде сурак берип чыкты
БУУнун Жаштар жана калктын динамикасы программасынын аналитиги Бактыбек Кайназаров. Архив

Кайназаров: демографиялык саясатка көңүл бурулушу зарыл

4
(жаңыланган 10:52 21.09.2021)
БУУнун Жаштар жана калктын динамикасы программасынын аналитиги Бактыбек Кайназаров Кыргызстанда 2040-жылга чейинки демографиялык саясаттын концепциясы иштелип чыгышы көп көйгөйлөрдү чечүүгө жол ачарын айтты.

Демографиялык саясатты жөнгө салуу учурдагы муктаждыктан келип чыгууда. Мындай пикирин Бактыбек Кайназаров Sputnik Кыргызстан радиосунун эфиринде билдирди.

Кайназаров: демографиялык саясатка көңүл бурулушу зарыл

Анын айтымында, демографиялык саясатты аныктоодо миграцияга өзгөчө көңүл буруу кажет.

"Кыргызстанда 2040-жылга чейинки демографиялык саясаттын концепциясы иштелип чыгышы көп көйгөйлөрдү чечүүгө жол ачат. Аны көптөгөн мамлекеттер түзүп чыгып, ишке ашырып келет. Анткени бул маселе орчундуу. Мисалы, Бангладеш демографиялык саясатты жүргүзүү боюнча үчүнчү этапты аткарып жатат. Территориясы чакан болгонуна карабастан дүйнөдө калкы көп өлкөлөрдүн катарында 8-орунда турат. Ага байланыштуу тамак-аш жетишпестиги болорун да болжоп жатышат. Көйгөйдү чечүү үчүн төрөттү азайтып, энелердин жана балдардын ден соолугуна басым жасаган. Үчүнчү этабында жаштардын потенциалын туура колдонуу боюнча чаралар көрүлүп жатат. Демек, бул маселеге абдан маани берип, мамлекеттик деңгээлде каралышы абзел", — деди Кайназаров.

Ошондой эле адис демография экономика, билим берүү, саламаттык сактоо, жаштар, миграция, гендердик теңчилик жана башка көптөгөн тармактар менен байланыштуу экендигин кошумчалады.

 

4
Белгилер:
демография, саясат, миграция, концепция, Бактыбек Кайназаров
Тема боюнча
Өлкөдө демографиялык саясаттын концепциясы иштелип чыгууда. Максаты