Бишкек шаардык кеңешинин төрагасы Кубанычбек Конгантиев

Коомдук транспорттогу жол кирени көтөрүү. Шаардык кеңештин төрагасы оюн билдирди

451
(жаңыланган 14:43 03.09.2021)
Бишкек шаардык кеңеши коомдук транспорттогу жол кире акысын көтөрүү боюнча маселени карай баштады. Төрага жакынкы күндөрү чечим чыгарын айтты.

БИШКЕК, 3-сен. — Sputnik. Бишкек шаардык кеңешинин төрагасы Кубанычбек Конгантиев коомдук транспорттогу жол кире акысын жогорулатуу боюнча жеке пикирин билдирди. Бул тууралуу шаардык кеңештин маалымат кызматы кабарлады.

Төраганын айтымында, социалдык тармактарда жана ЖМКларда "Конгантиев коомдук транспорттун тарифтерин шаардык кеңеш бекиткенге укуктуу эмес деп айтты, жоопкерчиликти алуудан качып жатат" деген маалыматтар тарап жатат.

"Мен жоопкерчиликтен качкан жокмун. Шаардык кеңештин ушул чакырылышы жоопкерчиликти мойнуна алып, коомдук транспорттун тарифтерин убактылуу эмес, мындан ары маселе, көйгөй болбогудай кылып чечиши керек деген ойдомун", — деген төрага.

Ал ошондой эле коомдук транспорттун тарифтери 10 жылдан бери өзгөрүүсүз калып, муну шаардык кеңеш карашы керек деген маселеге жети жыл болгонун белгилеген.

"Транспорт багытында иштеген адамдар, фирмалар бул маселени кабыргасынан койгондо мэрия тарифтерди шаардык кеңеш бекиткенде гана маселеңиздер чечилет деп, бизге шылтап келишет. Шаардык кеңеш коллегиялуу орган болгондуктан маселе тиешелүү комиссияларда каралып, талкууланып кайра мэрияга жөнөтүлөт. Ал кайра келгиче убакыт өтүп кетип жатат", — деди Конгантиев.

Анын айтымында, мэрия мындай маселени шаардык кеңешке шылтап отура бербестен Бишкектеги экономикага, социалдык абалга карап чечимди өзү тез кабыл ала тургандай кылыш керек.

"Ошондуктан тарифтерди бекитүү укугун тактап, мэрияга өткөрүп берүү маселесин карашыбыз абзел. Азыр шаардык кеңештин тиешелүү комиссиялары бул маселени талкуулап баштадык. Буюрса жакын арада жаңы тарифтерди дагы бекитип, ошол эле учурда бул укукту толугу менен мэрия өз алдынча чече тургандай кылуу жолдорун табабыз деп ойлойм", — деди ал.

Эске салсак, июндун башында Бишкектин маршрутка айдоочулары жол кире акысын 15 сомго көтөрүүнү талап кылып иш таштаган.

451
Белгилер:
Бишкек, мэрия, коомдук транспорт, жол кире, иш таштоо
Тема боюнча
COVID-19: Бишкектеги коомдук транспорттордо санитардык көзөмөл күчөтүлдү
Бала көтөргөн аял. Архив

Индиядагы кыргызстандык келиндин өлүмү боюнча ТИМ маалымат берди

94
(жаңыланган 23:29 22.09.2021)
Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

БИШКЕК, 22-сен. — Sputnik. Кыргызстандын Тышкы иштер министрлиги Индиянын Нью-Дели шаарында баласы менен чогуу киши колдуу болгон келиндин өлүмү тууралуу комментарий берди.

Буга чейин 28 жаштагы кыргызстандык кош бойлуу келин Нью-Дели шаарында бир жашар уулу менен чогуу өлтүрүлгөндүгү тууралуу маалымат тараган.

“Тергөөнүн маалыматы боюнча, келин курбусунун үйүндө 21-сентябрга караган түнү киши колдуу болгон. Тиешелүү экспертизалар жүргүзүлүп, полиция кылмыш ишин козгоду. Шектүүлөр суракка алынып, тергөө иштери жүрүп жатат”, — деп айтылат билдирүүдө.

Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

Элчилик бул ишти өз көзөмөлүнө алып, учурда сөөктөрдү Кыргызстанга алып келүү маселесинин үстүндө иштеп жатат.

94
Белгилер:
Индия, Кыргызстан, келин, бала, өлүм, ТИМ
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты
Алтын. Архив

Бажы кызматы Кытайга 17 фура алтын концентратынын чыгып кетиши боюнча үн катты

396
(жаңыланган 21:41 22.09.2021)
Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айткан.

БИШКЕК, 22-сен. — Sputnik. Мамлекеттик бажы кызматы депутат Аккулу Бердиевдин Чоң-Алай районундагы Алтын-Казык кенинен казылган алтын концентратын 17 фура менен Кытайга чыгарып кетишти деген билдирүүсү боюнча комментарий берди.

Анын айтымында, өткөн жылы "Эркеч-Там" бажысынан 17 фура алтын концентратын мыйзамсыз чыгарып кетип баратканда Финпол тарабынан токтотулуп, кылмыш иши козголгон.

"Кечээ, 21-сентябрда, кытайлар жаңылады деп "Эркеч-Там" менен "Достук" бажысы аркылуу чыгарып кетиптир. Министр, бажычылардын деңгээлиндеги коррупция токтобой жатат. Ал иш сотто экенине карабай "Кайди" компаниясы коррупциялык жолдор менен эскирген лицензиясын жаңылап алыптыр. Бажы кызматынын башчысы Самат Сатаровичке чалсам "мен билбей калыптырмын, балдар чыгарып жибериптир. "Эркеч-Тамдан" эмес, "Достуктан" өткөрүп поездге жүктөп кетиптир" дейт. Мындай боло берсе мамлекет оңолушу кыйын болот", — деген Бердиев.

Бажы кызматынан билдиришкендей, “тарифсиз жөнгө салуу чаралары колдонулган бажы операцияларын ишке ашырууда товарды алып кирүү жана чыгуу боюнча уруксат берилген эрежелерди жана Евразия экономикалык комиссиясынын 2015-жылкы чечимине ылайык иш алып барат”.

“Товарды киргизүү жана чыгаруу Кыргызстандын тиешелүү органдары уруксат берген документтин негизинде гана ишке ашырылат. Кыргыз өкмөтүнүн 2016-жылдын 24-мартындагы токтомуна ылайык, тиешелүү органдар "Гик Кайди" ЖЧКсына 2021-жылдын август айынан тарта Кыргызстандын сыртына флотациялык концентрат алып чыгууга уруксат берген. Бажы кызматкерлери жогорудагы уруксат документтерин көрүп туруп концентраттарды чыгаруу боюнча операцияны аткарышкан”, — деп айтылат билдирүүдө.

Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айтты.

Буга байланыштуу эл өкүлү башкы прокурор Курманкул Зулушевге кайрылып, ишти тыкыр текшерүүнү өтүндү.

396
Белгилер:
Кыргызстан, депутат, Мамлекеттик бажы кызматы, алтын, чек ара
Тема боюнча
Тонналап экспорттолчу. Кыргызстан июлда бир дагы грамм алтын саткан жок