Паркта басып жүргөн аял. Архивдик сүрөт

Буттун дароо шишип кетүүсү кандай оорудан кабар берет? Медиктин жообу

2085
(жаңыланган 12:20 04.09.2021)
Дарыгер бутта шишик дароо жөн жерден пайда болбой турганын белгилеп, ал кайсы бир оорунун белгиси болушу ыктымал деп божомолдогон. Медик ооруну өтүштүрбөй убагында дарыгерге көрүнүүнү сунуштаган.

БИШКЕК, 4-сен. — Sputnik. Бутта шишиктин дароо пайда болушу бөйрөк жана жүрөк-кан тамыр ооруларынан кабар бериши ыктымал. Бул тууралуу терапевт жана диетолог Елена Черненконун айтымына таянып РИА Новости кабарлады.

Адис белгилегендей, эгер бутта шишик биринчи жолу жана тез убакытта пайда болсо, анда ал адам батыраак терапевтке кайрылышы керек. Эгер вена шишисе, анда хирург же флебологдун кеңеши зарыл болорун кошумчалаган.

"Бул көйгөйгө өзгөчө улгайган адамдар маани бергени оң. Эгер бир эле бутта шишик дароо пайда болсо, анда Тез жардам кызматын чакырыш керек. Анткени бул буттагы кан тамырларда пайда болгон тромбдун белгиси болушу ыктымал", — деди терапевт.

Буга чейин дарыгер Александр Мясников көздүн алдындагы жана буттагы шишик ден соолуктун начарлаганынан кабар бере турганын белгилеген.

2085
Белгилер:
шишик, тромб, дарыгер, эскертүү, бут
Тема боюнча
Инсульт болор адамды жүзүнөн билсе болот. Түшүндүрмө
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

48
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

48
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Милиция кызматкерлери. Архив

Бишкек: заводдун аймагынан бомба табылган жок. Ишти эми УКМК изилдейт

100
(жаңыланган 22:33 20.09.2021)
Атын атагысы келбеген киши милицияга саат 14:50 чамасында чалып, имаратка бомба коюлгандыгын кабарлаган.

БИШКЕК, 20-сен. — Sputnik. Борбор калаадагы Фрунзе атындагы заводдун аймагынан бомба табылган жок. Бул тууралуу Ленин райондук милициясынан кабарлады.

"Калп айтып, коомчулукту дүрбөткөн факты Ленин райондук ИИБине катталды. Чогултулган материалдар эми УКМКга өткөрүп берилет", — деп айтты маалымат кызматынан.

Аталган жайга бомба коюлду деген кабар милицияга саат 14:50 чамасында келип түшкөн.

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен. Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери да барган.

100
Белгилер:
Кыргызстан, Бишкек, бомба, жалган маалымат
Тема боюнча
Бишкекте Фрунзе заводунун аймагынан бомба издеп жатышат