Кийим тандаган кыз. Архивдик сүрөт

Ата-энем жигитимден жүз миңдеген акча сурап кууратты. Кыздын каты

14825
(жаңыланган 11:12 05.09.2021)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бул жолу ата-энесинин келечектеги күйөө баласына койгон шартына ыңгайсыз болуп, кыйналган кыздын катын жарыялайбыз.

— Саламатсыздарбы! Атым Диана (ысымы өзгөртүлдү — ред.), 25 жаштамын. Беш жыл мурда Санкт-Петербург шаарына агамдын баласын каралашканы баргам. Эки жыл кичинекей сиңдимди багып, кийин ал бала бакчага барган соң, жеңем иштеген маникюр салонуна жумушка кирдим. Тырмак жасалгалоого өзүмдүн дагы шыгым бар экен, бир жыл өтүп-өтпөй кадимкидей кыйын адистердин катарына кошулуп калдым. Жанымда Айжамал деген кара-балталык эже иштейт, экөөбүз башынан эле ынак болуп калганбыз. Бир жарым жыл мурда ал мени капысынан эле агасынын баласы менен тааныштырган. Ал Питерде такси айдайт экен. Менден бир жаш улуу, аябай тамашакөй, бирок орду менен сүйлөгөн Мирлан мага дароо жакты. Муну байкадыбы, айтор, телефонумдун номерин сурап, экөөбүз аз убакыт ичинде 2-3 жолу жолугуштук. Жакындан таанышканда ого бетер купулума толуп, бат эле кыз-жигит болуп калдык.

Мирлан абдан акылдуу, ата-энесине күйүмдүү, оокатчыл, келечекке олуттуу мамиле кылган жигит болуп чыкты. Россияга иштегени төрт жыл мурда келиптир. Бишкекте ЖОЖдордун биринде окуп жүргөн кезинде ата-энесинин кредити, карыздары көбөйүп кетип окуусун таштап Москвага кетүүгө аргасыз болуптур. Ошондон бери күнү-түнү колго тийген жумушта иштеп жүрүп, ата-энесин карыздан кутултуп, эми үй-жайын оңдотуп жаткан кези.

Россияда жүргөндө жердештер, тааныштар менен жакыныраак болуп, өзүнчө бир катыштар пайда болот эмеспи. Ошондой дос-тааныштар менен жолуккан жерден "экөөңөр качан үйлөнөсүңөр, Диананын жашы өтүп баратат, балалуу болушуңар керек" деп акыркы кездерде көп уга баштадык. Ошондон уламбы же өзү эле бышып жетилдиби, айтор, үч ай мурда Мирлан августта үйлөнөлү деп сунуш кылды. Экөөбүз макулдашып, ар ким өз ата-энесине кабар берип, августтун башында Кыргызстанга кайтып келгенбиз.

Мен жумуштагыларга, тааныштарымдын баарына турмушка чыкканы кетип баратам деп жар салып, баары бизге бакыт каалап узатышкан.

Үйгө келсем ата-энем мени күйөөгө узатуу боюнча укмуштуудай план түзүп коюптур. Анысын менин апам Мирландын апасы менен телефон аркылуу сүйлөшкөндөн кийин билдим.

Апам "тууган-урук, жоро-жолдоштордун баарын чакырып, кыз узатуу өткөрөбүз, ага 200 миң сом, калыңга 200 миң сом, бир бодо, калганын майда жандык кылып тогуз баш мал алып келесиңер" дептир. Анысы аз келгенсип, "өз кудагыйыңардан тышкары кыздын чоң энеси менен таенесине алтын алып келесиңер жана Бишкекте үлпөт той өткөрөсүңөр" деп талап коюптур. Менин ата-энем, көпчүлүк туугандарыбыз Жалал-Абадда турат. Аларга эмнеге Бишкекте той керек болгонун түшүнө алган жокмун.

Чынын айтсам, мен экөөнүн антип сүйлөшүп жатканын уккан эмесмин. Бир маалда телефонум шыңгырады, карасам Мирлан экен. Алсам эле үнү башкача, дароо жүрөгүм "болк" дей түштү. "Диана, сен менин абалымды жакшы билесиң. Мен байдын баласы эмесмин да. Болбосо Россияда такси айдайт белем? Ата-энем менен карындаштарым менин гана колумду карап отурарын жакшы билесиң. Мен сага үйлөнүш үчүн баарын кошкондо 1 миллион сом табышым керек экен. Карызымдан эми эле кутулдум го. Ал карыздан кутулуш үчүн мен дагы канча жыл Россияда жүрүшүм керек?" деп телефонду коюп койду. Менин үстүмө муздак суу куйгандай эмне деп айтарымды билбей калдым.

Апамдан сурасам, баары чын экен. Атам экөө тең "сен жалгыз кыз болсоң (эки агамдан кийинки) кантип тынч эле күйөөгө берип коёбуз? Биз элдин тоюна барганбыз. Алардын бетин кантип карайбыз? Биздин шартка көнсө алсын, көнбөсө жаныңа жолобосун" десе болобу?!

Андан кийин дагы 1-2 жолу сүйлөшүп, такыр бир пикирге келе алышкан жок. Мирлан экөөбүздүн планыбыз боюнча мени колдон алып кетишип, үйдөн чакан той берип, кайра Санкт-Петербургга кетели дегенбиз. Ал жакта кичине иштеп, Бишкектен үй алып алсак деген тилек менен келгенбиз.

Анан минтип менин ата-энем ушунча ач көздүк кыларын кайдан билиптирмин. Мен Мирланды абдан жакшы көрөм. Мен аны менен бактылуу болом деп ишенем. Мунун баарын үйдөгүлөргө айттым. Бирок аларга менин бактыма караганда той, элдин пикири өйдө турат экен.

Мирлан экөөбүз ошол бойдон мурдагыдай жай-баракат, жылуу сүйлөшө алган жокпуз. Сүйлөшө баштаганда эле мен ыйлайм, бир да сөз айта албайм. Ал дагы стресс болуп, айласын таппай турганы телефон артынан эле байкалып турат. Эң өкүнүчтүүсү, ал кайра кетүүгө билет алып коюптур. Анысын мага 2-3 күн мурда эле айтты. Бирок сен кетесиңби же эми эмне кылабыз деп суроо берген жок. Мен өзүм дагы сурай алган жокмун.

Мындан ары кантип жашайм? Мирланды жоготкум келбейт. Бирок аны менин ата-энем катуу таарынтты окшойт. Кийин экөөбүз үйлөнгөн күндө деле жашообуз кандай болот? Же ал менден ошол бойдон кол үзүп койсочу? Ата-энем ушинтип багымды байлап коёбу?

Психолог Перизат Калмаматова:

— Урматтуу Диана, чукул чечим кабыл ала көрбөңүз. Учурда сиз көңүл калуу жана коркуу сезимдеринин туткунунда турасыз. Ата-энеңиздин кылганы сизди ирээнжитип, көңүлүңүзгө тийди. Бирок мен аларды сындоодон алысмын. Дүйнөдө миллиондогон адамдар коомдук пикирди биринчи орунга коюп, "эл эмне дейт?" деген принцип менен жашайт. Бул нерсе туура эмес экени адамдын өзүнө жетип же психолог менен сүйлөшмөйүнчө түшүнүү өтө кыйын. Менин практикамда, ушул сыяктуу ата-энеси менен пикир келише албаганынан улам үйлөнбөй калган же ажырашып кеткен түгөйлөр жок эмес.

Экинчиден, сиз сүйүктүү адамымды жоготуп алам деп коркуп жатасыз. Сиз аны дагы түшүнүүгө аракет кылыңыз. Биринчиден, ал сиздин ата-энеңиздин талабына шок болсо, экинчиден, сиз тараптын каалоосун ишке ашыра албай жатканы үчүн өзүн жемелеп, намыстанып, психологиялык жактан оор абалда болуп жатышы толук мүмкүн. Материалдык жактан алсыздык көпчүлүк эркектер үчүн оңой эмес.

Менимче, ага бир нече күн болсо дагы убакыт керек. Окуяны анализдеп, өзүнө келип алууга мүмкүндүк бериңиз. Бул аралыкта сиз дагы "эс алып" каласыз.

Ошондон кийин гана экөөңөр бетме-бет отуруп сүйлөшүп, мындан аркы кадамыңар кандай болорун талкуулаганыңар туура болот.

14825
Белгилер:
кыз, жигит, ата-эне, кудагый, калың, талап, психология
Тема:
Психолог менен баарлашуу (166)
Тема боюнча
Өнөрү чыккан келиниме ачуум келип жатат. Кайын эженин каты
Жолдошум менен эки бөлөк жатмай адатка айланды... Келиндин даты
Бишкектеги Ала-Тоо аянтындагы унаалар

Шейшембиге карата аба ырайы

86
28-сентябрда республика аймагында жаан-чачын күтүлбөйт. Батыштан соккон шамалдын ылдамдыгы 4-9 метрге жетет.

БИШКЕК, 27-сен. — Sputnik. Шейшембиде кээ бир райондордо өткүн өтүп, күн күркүрөйт. Бул тууралуу Кыргызгидромет билдирди.

Абанын температурасы Чүй, Талас өрөөндөрүндө +23…+28, Ош, Жалал-Абад, Баткен облустарында +25…+30, Ысык-Көл, Нарын аймактарында +20…+25 градусту көрсөтөт.

Бишкек жана Ош шаарларында жаан жаабайт. Күндүн табы борбордо +26…+28, Ош шаарында +28…+30 градусту көрсөтөт.

86
Белгилер:
аба ырайы, сентябрь, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы
Ош мэриясы China Road компаниясы менен меморандумга кол коюу

Оштун мэри China Road менен жол куруу боюнча меморандумга кол койду

217
(жаңыланган 20:15 27.09.2021)
Компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишти.

БИШКЕК, 27-сен. — Sputnik. Ош шаарынын мэриясы China Road компаниясы менен эки тараптуу кызматташуу боюнча меморандумга кол койду. Бул тууралуу аталган муниципалитет кабарлады.

Мэр города Ош Алмаз Мамбетов во время подписания меморандума о двустороннем сотрудничестве с компанией Чайна Роад. 27 сентября 2021 года
© Фото / пресс-служба мэрии города Ош
Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан

Бүгүн, 27-сентябрда, кытайлык корпорациянын Кыргызстандагы жолдорду жана көпүрөлөрдү куруу боюнча өкүлчүлүгүнүн башкы директору Хоу Хусян баштаган жумушчу топту Ош шаарынын биринчи вице-мэри Марс Исаев кабыл алган.

Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан.

Андан соң компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишкен.

217
Белгилер:
Ош мэриясы, Алмаз Мамбетов, China Road
Тема боюнча
Мэр Мамбетов Ош шаарынын туристтик брендин түзүү ниетин билдирди
165 млн. бөлүнгөн. Марипов Төө-Ашуудагы жолдун оңдолуп жатканын көрдү. Сүрөт
Кыргызстандык жөө күлүк Гүлшаной Сатарова Astana Marathon 2021 Нур-Султан шаарында

Кыргызстандык кыз казакстандык жөө күлүктөрдү артка таштап, алтын алып келди

0
(жаңыланган 22:00 27.09.2021)
Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

БИШКЕК, 27-сен. — Sputnik. Кыргызстандык жөө күлүк Гүлшаной Сатарова Нур-Султан калаасында өткөн Astana Marathon 2021 иш-чарасында алтын медаль утуп алды. Бул тууралуу аталган борбор калаанын акимчилигинин сайтында кабарланган.

Сатаров аялдар арасында 42,2 чакырымды 2 саат 35 мүнөттө чуркап өткөн. Атаандашы андан 21 мүнөт артта калган.

Эске сала кетсек, Сатарова быйыл июнда Алматыдагы жарым марафондо да жеңүүчү болгон эле.

Жарышка катышкандагы бир кыргызстандык спортчу Илья Тяпкин эркектер арасында 02:24:23 убакытта келип, коло медалга ээ болду.

  • Участники марафона Astana Marathon 2021 в Нур-Султане. 26 сентября 2021 года
    Акимчилик баш-аягы Казакстандын 45 шаарынан үч миңге жакын киши чуркагандыгын билдирди
    © Фото / пресс-служба акимата города Нур-Султан
  • Участники марафона Astana Marathon 2021 в Нур-Султане. 26 сентября 2021 года
    Марафон Казакстандын 30 жылдык эгемендүүлүгүнө арналган
    © Фото / пресс-служба акимата города Нур-Султан
1 / 2
© Фото / пресс-служба акимата города Нур-Султан
Акимчилик баш-аягы Казакстандын 45 шаарынан үч миңге жакын киши чуркагандыгын билдирди

Акимчилик баш-аягы Казакстандын 45 шаарынан үч миңге жакын киши чуркагандыгын билдирди. Марафон Казакстандын 30 жылдык эгемендүүлүгүнө арналган.

Финишке жеткен ар бир марафончуга эстелик медаль тапшырылып, ал эми чогултулган 37 миллион теңге кайрымдуулукка жумшалары айтылды.

0
Белгилер:
Казакстан, Кыргызстан, Илья Тяпкин, жөө күлүк, марафон, медаль, Гүлшаной Сатарова
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Ошто COVID баштаган ооруларды алдын алууга арналган марафон өттү. Сүрөттөр