Гүлдөрдү сүрөткө тартып жаткан кыз. Архив

Дарыгер смартфон аркылуу кандай кооптуу оорулар жугарын айтып берди

480
Телефондун бетиндеги бактериялар тери жана ичеги-карын инфекциясын пайда кылып, пневмония, менингит сыяктуу ооруларды алып келиши мүмкүн. Андыктан суткасына жок дегенде бир ирет смартфонду тазалап, сүртүп туруу керек.

БИШКЕК, 5-сен. — Sputnik. Кадимки сматрфон кооптуу ооруларды таратуучу негизги булактардын бири. Бул тууралуу инфекционист Наталья Очинскаяга шилтеме берип "Прайм" агенттиги жазды.

Муну билиш үчүн адистер гаджеттердин бетин сүргөн салфеткаларды текшерип көрүшкөн.

"Изилдөөнүн алкагында 30 кишинин телефону текшерилген. Бетин сүргөн салфетканы текшере келгенде андагы бактериялар унитаздын четиндеги бактерияларга караганда 18 эсе көп болору аныкталды", — деп айтылат кабарда.

Адистин пикиринде, бул бактериялар тери жана ичеги-карын инфекциясын пайда кылып, пневмония, менингит сыяктуу ооруларды алып келиши мүмкүн. Андыктан суткасына жок дегенде бир ирет смартфонду тазалап, сүртүп туруу керек.

Буга бактерияга каршы салфеткалар, спирт, колго сепчү антисептикалык же гаджетти дезинфекциялай турган атайын каражаттар жардам берет. Бирок алар телефондун ичине кирип кетпеш үчүн кылдат болуу зарыл.

480
Белгилер:
смартфон, инфекциялык оору, бактерия, оору, дарыгер
Тема боюнча
Окумуштуулар: гаджеттен көзүн албаган бала күнүнө бир саат кыймылда болушу керек
Кандай тиркемелер смартфондун эс-тутумун ээлеп алат. Адистин түшүндүрмөсү
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

83
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

83
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты
Жаратылыш. Архив

Дүйшөмбүгө карата аба ырайы

14
27-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-сен. — Sputnik. Дүйшөмбү, 27-сентябрда, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Ысык-Көл, Нарын өрөөндөрүндө +22...+27, Таласта +20...+25, Ош, Жалал-Абад жана Баткен облустарында +24...+29 градус болору айтылды.

Күндүн табы Бишкекте +25...+27, Ош калаасында +27...+29 градуска көтөрүлөт.

14
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы