Колу таңылган адам. Архив

Адам сатууга каршы күрөшүүнү үйрөткөн төрт күндүк окуу өтөт

393
(жаңыланган 00:56 07.09.2021)
Милиция, прокуратуранын, эмгек инспекциясынын, социалдык кызматтын, өкмөттүк эмес жана эл аралык уюмдардын өкүлдөрү адам сатууга каршы күрөшүү боюнча окуудан өтөт.

БИШКЕК, 6-сен. — Sputnik. Кыргызстанда адам сатууга каршы иш алып барууну үйрөткөн төрт күндүк окуу өтөт. Бул тууралуу өкмөттүн маалымат кызматынан кабарлады.

Бул кадам расмий түрдө адам сатууга каршы биринчи улуттук симуляциялык көнүгүү деп аталып, Ысык-Көл облусунда өтөт.

Окуунун башталышын Бишкекте министрлер кабинетинин төрагасынын орун басары Жылдыз Бакашова жана ЕККУнун КРдеги Программалык кеңсесинин башчысы – элчи Алексей Рогов ачкан.

Симуляциялык машыгууга тиешелүү тармактан 60тан ашуун кызматкер катышып, окуп, үйрөнмөкчү. Алар укук коргоо органдарынын, прокуратуранын, эмгек инспекциясынын, социалдык кызматтын, өкмөттүк эмес жана эл аралык уюмдардын өкүлдөрү.

Окутуу аталган 60ка чукул кызматкерге кесиптик көндүмдөрдү колдонуп, реалдуу убакыт режиминде, чындыкка жакын чөйрөдө адам сатууга каршы чараларды моделдештирүүнү сунуштайт.

393
Белгилер:
Кыргызстан, Бишкек, Ысык-Көл облусу, адам сатуу
Тема боюнча
Төрөбекова: балдарды сатуу маселесин көтөргөн кино тартылат
Элчи Тотуяев этникалык кыргыздар менен жолугушуусу

Элчи Тотуяев Пакистанда жашаган этникалык кыргыздар менен жолукту. Сүрөт

21
(жаңыланган 17:17 20.09.2021)
Элчи боордоштордун Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген.

БИШКЕК, 20-сен. — Sputnik. Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту. Бул тууралуу Тышкы иштер министрлигинин маалымат кызматы билдирди.

Жолугушуунун алкагында элчи этникалык кыргыздардын Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген. Ошондой эле ар кандай укуктук, социалдык жана күнүмдүк маселелерди чечүүдө ар тараптуу жардам көрсөтүүгө даярдыгын айткан.

Встреча посла КР в Пакистане Уланбека Тотуяева с представителями этнических кыргызов, проживающими в Пакистане. 20 сентября 2021 года
© Фото / пресс-служба МИД КР
Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту

Өз кезегинде этникалык кыргыздар Кыргыз-Пакистан мамилесин өнүктүрүүгө жана Пакистанда Кыргызстандын имиджин бекемдөөгө багытталган мындан аркы биргелешкен иштерге кызыкдар экенин билдиришкен.

Тараптар Пакистандагы кыргыздардын жана Ала-Тоого көчүп кетүүнү каалаган кайрылмандардын укуктук сабаттуулугун жогорулатуу максатында жашаган жерлерине элчинин жакын арада баруусун макулдашты.

21
Белгилер:
Пакистан, этникалык кыргыздар, элчи, жолугушуу, Уланбек Тотуяев
Тема боюнча
Өзбекстанда канча этникалык кыргыз жашаары айтылды
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек
Милиция кызматкерлери Бишкектеги Фрунзе заводунун аймагынан бомба издөө учурунда

Бишкекте Фрунзе заводунун аймагынан бомба издеп жатышат

38
(жаңыланган 17:18 20.09.2021)
Милицияга бомба тууралуу эки саат мурун чалуу түшкөн. Учурда заводдун аймагында издөө иштери жүрүп жатат.

БИШКЕК, 20-сен. — Sputnik. Борбор калаадагы Фрунзе заводунун аймагынан бомба изделип жатат. Бул тууралуу Ленин райондук милициянын маалымат кызматы билдирди.

Жарылуучу зат коюлганы тууралуу жашыруун билдирүү милицияга саат 14:50дө түшкөн.

Сотрудники милиции во время поисков бомбы, на территории завода имени Фрунзе в Бишкеке. 20 сентября 2021 года
Жарылуучу зат коюлганы тууралуу жашыруун билдирүү милицияга саат 14:50дө түшкөн

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен.

Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери дагы келген.

Учурда издөө жана текшерүү иштери жүрүп жатат. Кенен маалымат кийинчерээк берилет.

38
Белгилер:
Бишкек, завод, бомба, издөө
Тема боюнча
ЦУМ менен ГУМда бомба бар деп кабарлоого шектелген аял камакка алынды