Пакистан жарандары. Архив

Ысык-Көлгө агылган пакистандыктар. ТИМ себебин түшүндүрдү

1592
(жаңыланган 13:45 07.09.2021)
Тышкы иштер министринин орун басарынын айтымында, ушул жылдын 1-январынан 1-сентябрына чейин Пакистандын 9 917 жаранына виза жасалган.

БИШКЕК, 7-сен. — Sputnik. Пакистандын жарандарын туристтик фирмалар өздөрү тосуп алып, өздөрү ташыйт. Бул тууралуу тышкы иштер министринин орун басары Айбек Артыкбаев билдирди.

Бүгүн, 7-сентябрда, Жогорку Кеңештин транспорт, коммуникация, архитектура жана курулуш боюнча комитети "Манас" эл аралык аэропорту" ишканасынын иши боюнча маселени карады. Жыйындын жүрүшүндө депутат Бейшеналы Нурдинов ЖМКлар Ысык-Көлдө пакистандыктар көп жүргөнүн жазып жатканын айткан. Ал чет өлкөнүн жарандары обсервацияга келсе, эмнеге ал жакта жатпай жатканын сураган. Ошондой эле эгер Пакистандын жарандары мыйзамга туура келбеген нерселерди жасап же жергиликтүү тургундар тарабынан сабалса ким жооп берерине да кызыккан.

"Булар Пакистандан келген туристтер. Өзүңүздөр билгендей, алар электрондук виза алышат. Анкета толтургандан кийин беш күндүн ичинде бул маалыматты УКМК текшерип, андан кийин виза берүүгө уруксат берет же баш тартат. УКМКнын уруксатынан кийин аны ТИМдин Консулдук кызмат департаменти тастыктама берет", — деди Артыкбаев.

Анын айтымында, ушул жылдын 1-январынан 1-сентябрына чейин Пакистандын 9 917 жаранына виза жасалган. Булардын бардыгы бир айга бир жолу колдонуучу туристтик виза алышкан.

"Виза бир айга берилгенде ал каттоого алынбайт. Чек ара кызматы өлкөгө кирип, чыгарда мөөр басат. Туристтик компаниялар өздөрү уюштуруп, аларды аэропорттон тосуп алып, автобус менен мейманканага жайгаштырат. Аларды коштоп жүрөт. Бул бизде болгон маалыматтар", — деди министрдин орун басары.

Ал Пакистан менен Индиянын жарандарына виза берүү токтотулганын кошумчалады.

Артыкбаев туристтердин келиши менен өлкөдө эпидкырдаал өзгөрбөгөнүн билдирип, андагы маалыматтар боюнча туристтер катышкан чыр-чатак катталбаганын белгилеген.

1592
Белгилер:
Кыргызстан, Пакистан, турист, виза, ТИМ, Жогорку Кеңеш, депутат
Тема боюнча
Милиция Ысык-Көлдө жүргөн пакистандыктарга түшүндүрүү иштерин жүргүздү. Сүрөт
Милиция пакистандыктарга зарыл болбосо үйдөн чыкпоону сунуштады. Видео
Тамеки чегип жаткан адам. Архив

Пляж, базарда. Тамеки, кальян чегүүгө тыюу салынган жайлардын тизмеси

612
(жаңыланган 21:34 28.09.2021)
Тыюу салынган жайларда чылым чегүүгө ылайыкталган шарттарды түзүүгө да уруксат берилбейт. Бир гана аэропорттордо өрт жана авиация желдетүү системаларын коюу менен атайын бөлмөлөрдү уюштурууга болот.

БИШКЕК, 28-сен. — Sputnik. Бүгүн президент Садыр Жапаров коомдук жайлар менен мекемелерде чылым чегүүгө тыюу салган мыйзам долбооруна кол койду.

Ага ылайык, белгилүү бир жайларда тамеки, электрондук чылым жана кальян чегүүгө толугу менен чектөө киргизилди.

Аталган мыйзамдын 13-беренесинде кайсы жерде чегүүгө тыюу салынары жазылган.

Алар төмөнкүлөр:

  • Ведомствонун жана менчигинин түрүнө карабастан подъезддерде, лифттерде, аянттарда, дааратканаларда, көп кабаттуу үйлөрдүн жалпы колдонуучу жайларында;
  • Жаштар, маданият жана спорт иштери боюнча мекемелерде, социалдык кызматтардын имараттарында, стадиондордо;
  • Темир жол жана автобекеттерде;
  • Калкка кызмат көрсөтүүчү жайларда, анын ичинде мейманканаларда, тиричилик тейлөө, коомдук тамактануучу жайларда, убактылуу тургузулган соода объектилеринде;
  • Мамлекеттик жана жергиликтүү өз алдынча башкаруу органдарына тиешелүү имараттарда;
  • Имараттарда жана курулмаларда уюштурулган жумуш орундарында, жумушчу зоналарда;
  • Өрт чыгуу коркунучу бар жерлерде, анын ичинде күйүүчү май куюучу жайларда;
  • Коомдук тамактануу жайларында (түйүндөрдө);
  • Коомдук транспортто, анын ичинде таксиде, суу жана аба кемелеринде, жергиликтүү жана алыс каттамдагы поезддерде;
  • Ведомстволугуна жана менчигинин түрүнө карабастан бардык билим берүү уюмдарында, балдардын эс алуу жайларында, балдар аянтчаларында;
  • Ведомстволугуна жана менчигинин түрүнө карабастан бардык саламаттык сактоо уюмдарынын мекемелеринде;
  • Реабилитациялык жана санаторий-курорттук кызматтарды көрсөтүүгө арналган жайларда;
  • Калкка соода кызматтары көрсөтүлүүчү имараттарда, курулмаларда жана жабык базарлардын аймактарында;
  • Аялдамаларда;
  • Тамеки чегүү үчүн атайын жайларды кошпогондо массалык-маданий, спорттук иш-чараларды, акцияларды, чогулуштарды өткөрүп жатканда ачык аянтчаларда, пляждардын аймагынын чектеринде.

Аталган жайларда чылым чегүүгө ылайыкталган шарттарды түзүүгө да тыюу салынат. Бир гана аэропорттордо өрт жана авиация коопсуздугунун талаптарын сактап, желдетүү системаларын коюу менен атайын бөлмөлөрдү уюштурууга болот.

Ар бир орган жана мекеменин жетекчилери бул мыйзамдын аткарылышын көзөмөлдөөгө милдеттүү.

Чылым чегүүгө тыюу салынган жайларды аныктоо жана белгилерди коюу тартибин Саламаттык сактоо жана социалдык өнүктүрүү министрлиги иштеп чыгат.

Мыйзам долбоорунун авторлору Кыргызстанда өлүмдүн жана майыптыктын негизги себеби тамеки тартуу экенин буга чейин белгилешкен.

Ошондой эле чылым чегүүгө бардык эле жерлерде тыюу салынбасын айтышкан. Бирок башкалардын эркин дем алуусуна тоскоол болбошу керек деген принцип сакталышы шарт.

612
Белгилер:
тамеки, тыюу салуу, имарат, Кыргызстан
Тема боюнча
КРде кафе жана ресторандарда чылым чеккенге тыюу салынат. Мыйзамга кол коюлду
Көрбөй, укпай каласың! Министрлик тамекинин зыянын эскертти
Дарак. Архив

Шаршембиге карата аба ырайы

32
29-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-сен. — Sputnik. Шаршемби, 29-сентябрь күнү, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүйдө +22...+27, Ысык-Көл, Нарын өрөөндөрүндө +20...+25, Талас жергесинде +19...+24, Ош, Жалал-Абад жана Баткен облустарында +25...+30 градус болот.

Бул күнү күндүн табы Бишкекте +25...+27, Ош калаасында +28...+30 градуска жетет.

32
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы