Кыз ичин кармап жатат. Иллюстративдик сүрөт

Дарыгер ичеги рагына себепкер боло турган азыкты атады

206
(жаңыланган 14:00 07.09.2021)
Медик оорунун белгилерин күтүп отурбай, 50 жаштан кийинкилерге колоноскопия жасатып коюуну эскертти. Себеби бул куракка чейинкилерде аталган илдет сейрек кездешет.

БИШКЕК, 7-сен. — Sputnik. Малдын эти жоон ичегинин рагына себепкер болушу мүмкүн экендигин дарыгер жана теле алып баруучу Александр Мясников айтып берген. Бул туурасында РИА Новости жазды.

Адис аталган этти көп колдонуу тобокелдикти жаратарын билдирип, андан жасалган азыктардын түрлөрүн санап да берген.

"Ал баягы эле белгилүү болуп калган азык — малдын эти. Буга колбасалар, ветчиналар, сарделькилер, сосискалар, бекондор кирет", — деген Мясников.

Дарыгер чочконун, койдун, уйдун этин да атаган.

"Онкологдор бул этти тамеки, ичимдик жана химикат сыяктуу кооптуу заттар менен бир катарга коюп келишет", — деп белгилеген дарыгер.

Мясников ичеги рагына тукум куучулук менен жоон ичегинин былжырларынын сайгылашып ооруткан жарасы да себеп болорун айтты.

Мындан сырткары, медик дагы бир кеңеш берип, оорунун белгилерин күтүп отурбай, 50 жаштан кийин колоноскопия жасатып коюуну эскертти. Себеби бул жашка чейин аталган илдет сейрек кездешет.

206
Белгилер:
Россия, Александр Мясников, дарыгер, кеңеш, медицина, ичеги рагы
Тема боюнча
Онколог өпкө рагынын күчөп бара жаткан белгилерин айтып берди
Уйку безинин рагын алдын алуу үчүн эмне кылуу керек? Адистин кеңеши
БУУнун Жаштар жана калктын динамикасы программасынын аналитиги Бактыбек Кайназаров. Архив

Кайназаров: демографиялык саясатка көңүл бурулушу зарыл

3
(жаңыланган 10:52 21.09.2021)
БУУнун Жаштар жана калктын динамикасы программасынын аналитиги Бактыбек Кайназаров Кыргызстанда 2040-жылга чейинки демографиялык саясаттын концепциясы иштелип чыгышы көп көйгөйлөрдү чечүүгө жол ачарын айтты.

Демографиялык саясатты жөнгө салуу учурдагы муктаждыктан келип чыгууда. Мындай пикирин Бактыбек Кайназаров Sputnik Кыргызстан радиосунун эфиринде билдирди.

Кайназаров: демографиялык саясатка көңүл бурулушу зарыл

Анын айтымында, демографиялык саясатты аныктоодо миграцияга өзгөчө көңүл буруу кажет.

"Кыргызстанда 2040-жылга чейинки демографиялык саясаттын концепциясы иштелип чыгышы көп көйгөйлөрдү чечүүгө жол ачат. Аны көптөгөн мамлекеттер түзүп чыгып, ишке ашырып келет. Анткени бул маселе орчундуу. Мисалы, Бангладеш демографиялык саясатты жүргүзүү боюнча үчүнчү этапты аткарып жатат. Территориясы чакан болгонуна карабастан дүйнөдө калкы көп өлкөлөрдүн катарында 8-орунда турат. Ага байланыштуу тамак-аш жетишпестиги болорун да болжоп жатышат. Көйгөйдү чечүү үчүн төрөттү азайтып, энелердин жана балдардын ден соолугуна басым жасаган. Үчүнчү этабында жаштардын потенциалын туура колдонуу боюнча чаралар көрүлүп жатат. Демек, бул маселеге абдан маани берип, мамлекеттик деңгээлде каралышы абзел", — деди Кайназаров.

Ошондой эле адис демография экономика, билим берүү, саламаттык сактоо, жаштар, миграция, гендердик теңчилик жана башка көптөгөн тармактар менен байланыштуу экендигин кошумчалады.

 

3
Белгилер:
демография, саясат, миграция, концепция, Бактыбек Кайназаров
Тема боюнча
Өлкөдө демографиялык саясаттын концепциясы иштелип чыгууда. Максаты
Ооруканадагы дарыгер. Архив

COVID 89 адамдан чыгып, эки бейтап көз жумду. 21-сентябрдын маалыматы

20
(жаңыланган 09:59 21.09.2021)
Учурда республиканын ооруканаларында 571 адам жатат. Ал эми амбулатордук түрдө 865 адам дарыланууда.

БИШКЕК, 21-сен. — Sputnik. Кыргызстанда 21-сентябрга карата COVID инфекциясы 89 адамдан аныкталды. Бул тууралуу Республикалык штаб кабарлады.

Оору жуктургандар:

  • Бишкек — 53;
  • Чүй — 17;
  • Ош — 1;
  • Талас — 2;
  • Нарын — 1;
  • Ысык-Көл — 6;
  • Жалал-Абад — 6;
  • Баткен — 3.

Пандемиядан бери өлкөдө 177 869 кишиден вирус чыкты. Бир сутка ичинде 108 адам сакайып, ооруну жалпы 172 369 адам жеңди.

Жугуштуу илдет өткөн суткада эки кишинин өмүрүн алды. Баш-аягы каза тапкандар 2 592 болду.

Стационарда 571, амбулатордук түрдө 865 адам дарыланып жатат. 

20
Белгилер:
Кыргызстан, коронавирус, оору, бейтап, өлүм
Тема:
Кыргызстандагы коронавирус
Тема боюнча
Садыр Жапаров кыргызстандыктарга кайрадан кайрылды
Беларуста COVID-19дун төртүнчү толкуну башталганын айтты