Кыргызстан чек ара кызматынын шеврону. Архив

Чек ара кызматы сентябрдын соңунда пакистандыктардын көбү чыгып кетерин болжоду

70
(жаңыланган 14:17 07.09.2021)
Үстүбүздөгү жылдын июль айынын соңунда, августтун башында Кыргызстанга пакистандыктар көп келе баштаган.

БИШКЕК, 7-сен. — Sputnik. Сентябрдын соңунда Кыргызстанга келген пакистандыктардын көбү чыгып кетиши мүмкүн. Бул тууралуу УКМКнын Чек ара кызматынын чек ара көзөмөл башкармалыгынын жетекчиси Нурланбек Жалбиев билдирди.

Бүгүн, 7-сентябрда, Жогорку Кеңештин транспорт, коммуникация, архитектура жана курулуш комитети "Манас" эл аралык аэропортунун иши боюнча маселени карады. Талкуу учурунда пакистандыктардын көбөйүп жатканы жөнүндө дагы кеп козголду.

"Июль айынын соңунда, августтун башында Пакистандын жарандары көп келе баштады. 1-сентябрдан тарта алар кайра кете башташты. Эгер статистиканы алып карай турган болсок, 1-5-сентябрда Кыргызстанга Пакистандын 532 жараны келип, 1 596сы чыгып кетти", — деди Жалбиев.

Чек ара көзөмөлдөө башкармалыгы Кыргызстанга кирүүнүн мыйзамдуулугун карап жатканын айткан Жалбиев пакистандыктардын туристтик визасы бар экенин кошумчалады.

"Биздин оюбузча, келген пакистандыктардын көбү чыгып кетет. Себеби алардын бир айлык мөөнөтү бүтүп баратат. Статистика алардын көбү кетип жатканын көрсөтүүдө", — деди ал.

Чек ара кызматынын өкүлү Пакистандын жарандары өлкөгө мыйзамдуу кирип жатканын жана аларды кармоого негиз жок экенин айтты.

Пакистандын жарандары боюнча кырдаал

Буга чейин соцтармактар менен ЖМКлар өлкөдө Пакистандын жарандарынын саны көбөйүп кеткенин, айрыкча алардын көбү Ысык-Көлдө жүргөнүн жазышкан. Ал эми ТИМ чет өлкөлүктөр Кыргызстанга транзит менен келгенин, алар өлкө аркылуу БАЭ менен Сауд Аравияга иштегени кетерин маалымдаган. Буга алардын өз өлкөлөрүндө түз каттамдын жоктугу себеп болгон.

ТИМдин маалыматына караганда, үстүбүздөгү жылдын башынан 1-сентябрга чейин Кыргызстандын визасын 10 миң пакистандык алган. Жакында эле Индия менен Пакистандын жарандарына виза берүү токтотулду.

70
Белгилер:
Кыргызстан, Пакистан, ТИМ, турист, виза
Тема боюнча
Индия менен Пакистандын жарандарына виза берүүдөгү айрым функциялар токтотулду
Тамеки чегип жаткан адам. Архив

Пляж, базарда. Тамеки, кальян чегүүгө тыюу салынган жайлардын тизмеси

599
(жаңыланган 21:34 28.09.2021)
Тыюу салынган жайларда чылым чегүүгө ылайыкталган шарттарды түзүүгө да уруксат берилбейт. Бир гана аэропорттордо өрт жана авиация желдетүү системаларын коюу менен атайын бөлмөлөрдү уюштурууга болот.

БИШКЕК, 28-сен. — Sputnik. Бүгүн президент Садыр Жапаров коомдук жайлар менен мекемелерде чылым чегүүгө тыюу салган мыйзам долбооруна кол койду.

Ага ылайык, белгилүү бир жайларда тамеки, электрондук чылым жана кальян чегүүгө толугу менен чектөө киргизилди.

Аталган мыйзамдын 13-беренесинде кайсы жерде чегүүгө тыюу салынары жазылган.

Алар төмөнкүлөр:

  • Ведомствонун жана менчигинин түрүнө карабастан подъезддерде, лифттерде, аянттарда, дааратканаларда, көп кабаттуу үйлөрдүн жалпы колдонуучу жайларында;
  • Жаштар, маданият жана спорт иштери боюнча мекемелерде, социалдык кызматтардын имараттарында, стадиондордо;
  • Темир жол жана автобекеттерде;
  • Калкка кызмат көрсөтүүчү жайларда, анын ичинде мейманканаларда, тиричилик тейлөө, коомдук тамактануучу жайларда, убактылуу тургузулган соода объектилеринде;
  • Мамлекеттик жана жергиликтүү өз алдынча башкаруу органдарына тиешелүү имараттарда;
  • Имараттарда жана курулмаларда уюштурулган жумуш орундарында, жумушчу зоналарда;
  • Өрт чыгуу коркунучу бар жерлерде, анын ичинде күйүүчү май куюучу жайларда;
  • Коомдук тамактануу жайларында (түйүндөрдө);
  • Коомдук транспортто, анын ичинде таксиде, суу жана аба кемелеринде, жергиликтүү жана алыс каттамдагы поезддерде;
  • Ведомстволугуна жана менчигинин түрүнө карабастан бардык билим берүү уюмдарында, балдардын эс алуу жайларында, балдар аянтчаларында;
  • Ведомстволугуна жана менчигинин түрүнө карабастан бардык саламаттык сактоо уюмдарынын мекемелеринде;
  • Реабилитациялык жана санаторий-курорттук кызматтарды көрсөтүүгө арналган жайларда;
  • Калкка соода кызматтары көрсөтүлүүчү имараттарда, курулмаларда жана жабык базарлардын аймактарында;
  • Аялдамаларда;
  • Тамеки чегүү үчүн атайын жайларды кошпогондо массалык-маданий, спорттук иш-чараларды, акцияларды, чогулуштарды өткөрүп жатканда ачык аянтчаларда, пляждардын аймагынын чектеринде.

Аталган жайларда чылым чегүүгө ылайыкталган шарттарды түзүүгө да тыюу салынат. Бир гана аэропорттордо өрт жана авиация коопсуздугунун талаптарын сактап, желдетүү системаларын коюу менен атайын бөлмөлөрдү уюштурууга болот.

Ар бир орган жана мекеменин жетекчилери бул мыйзамдын аткарылышын көзөмөлдөөгө милдеттүү.

Чылым чегүүгө тыюу салынган жайларды аныктоо жана белгилерди коюу тартибин Саламаттык сактоо жана социалдык өнүктүрүү министрлиги иштеп чыгат.

Мыйзам долбоорунун авторлору Кыргызстанда өлүмдүн жана майыптыктын негизги себеби тамеки тартуу экенин буга чейин белгилешкен.

Ошондой эле чылым чегүүгө бардык эле жерлерде тыюу салынбасын айтышкан. Бирок башкалардын эркин дем алуусуна тоскоол болбошу керек деген принцип сакталышы шарт.

599
Белгилер:
тамеки, тыюу салуу, имарат, Кыргызстан
Тема боюнча
КРде кафе жана ресторандарда чылым чеккенге тыюу салынат. Мыйзамга кол коюлду
Көрбөй, укпай каласың! Министрлик тамекинин зыянын эскертти
Дарак. Архив

Шаршембиге карата аба ырайы

32
29-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-сен. — Sputnik. Шаршемби, 29-сентябрь күнү, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүйдө +22...+27, Ысык-Көл, Нарын өрөөндөрүндө +20...+25, Талас жергесинде +19...+24, Ош, Жалал-Абад жана Баткен облустарында +25...+30 градус болот.

Бул күнү күндүн табы Бишкекте +25...+27, Ош калаасында +28...+30 градуска жетет.

32
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы