Пакистандын жараны аэропортто күтүп жатат. Архив

Кыргызстанга келген пакистандыктардан "Манас" аэропорту канча тапты? Расмий жооп

1277
(жаңыланган 15:46 07.09.2021)
Министрдин орун басары Кыргызстанга жыл башынан бери 10 миңге чукул пакистандык келгенин эске салып, алардын ар бири электрондук виза үчүн 51 доллардан төлөгөнүн билдирди.

БИШКЕК, 7-сен. — Sputnik. Тышкы иштер министрлиги менен "Манас" эл аралык аэропортунун жетекчилери Кыргызстанга келген пакистандыктардан өлкө канча каражат тапканын айтып беришти.

Бүгүн, 7-сентябрда, Жогорку Кеңештин транспорт, коммуникация, архитектура жана курулуш комитети "Манас" эл аралык аэропортунун иши боюнча маселени карады. Анда пакистандыктар тууралуу дагы кеп козголду.

Аба майдандын башкаруучулугунун башкы директору Бакыт Шаршеевдин айтымында, Пакистандын Исламабад, Лахор жана Сиалкот шаарларынан Кыргызстанга 65 чартердик рейс келген. Пакистандыктардын бардыгында тең турвизасы бар.

Шаршеевдин берген маалыматына караганда, "Манас" аэропорту пакистандык туристтердин эсебинен 540 миң доллар тапты.

Ал эми тышкы иштер министринин орун басары Айбек Артыкбаев Кыргызстанга жыл башынан бери 10 миңдей пакистандык келгенин эске салып, алардын ар бири электрондук виза үчүн 51 доллардан төлөгөнүн билдирди.

"Мындан сырткары, "Кыргыз аэронавигация" 65 рейсти тейлөөдөн 200 миң доллар тапты", — деди Артыкбаев.

Министрдин орун басары, кыргызстандыктар тамак-аш, такси жана башка кызматтарды көрсөтүү менен дагы киреше тапканын кошумчалады.

Пакистандын жарандары боюнча кырдаал

Буга чейин соцтармактар менен ЖМКлар өлкөдө Пакистандын жарандарынын саны көбөйүп кеткенин, айрыкча алардын көбү Ысык-Көлдө жүргөнүн жазышкан. Ал эми ТИМ чет өлкөлүктөр Кыргызстанга транзит менен келгенин, алар өлкө аркылуу БАЭ менен Сауд Аравияга иштегени кетерин маалымдаган. Буга алардын өз өлкөлөрүндө түз каттамдын жоктугу себеп болгон.

ТИМдин маалыматына караганда, үстүбүздөгү жылдын башынан 1-сентябрга чейин Кыргызстандын визасын 10 миң пакистандык алган. Жакында эле Индия менен Пакистандын жарандарына виза берүү токтотулду.

1277
Белгилер:
Кыргызстан, Пакистан, виза, 'Манас' эл аралык аэропорту
Тема боюнча
Индия менен Пакистандын жарандарына виза берүүдөгү айрым функциялар токтотулду
Милиция Ысык-Көлдө жүргөн пакистандыктарга түшүндүрүү иштерин жүргүздү. Сүрөт
Бала көтөргөн аял. Архив

Индиядагы кыргызстандык келиндин өлүмү боюнча ТИМ маалымат берди

98
(жаңыланган 23:29 22.09.2021)
Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

БИШКЕК, 22-сен. — Sputnik. Кыргызстандын Тышкы иштер министрлиги Индиянын Нью-Дели шаарында баласы менен чогуу киши колдуу болгон келиндин өлүмү тууралуу комментарий берди.

Буга чейин 28 жаштагы кыргызстандык кош бойлуу келин Нью-Дели шаарында бир жашар уулу менен чогуу өлтүрүлгөндүгү тууралуу маалымат тараган.

“Тергөөнүн маалыматы боюнча, келин курбусунун үйүндө 21-сентябрга караган түнү киши колдуу болгон. Тиешелүү экспертизалар жүргүзүлүп, полиция кылмыш ишин козгоду. Шектүүлөр суракка алынып, тергөө иштери жүрүп жатат”, — деп айтылат билдирүүдө.

Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

Элчилик бул ишти өз көзөмөлүнө алып, учурда сөөктөрдү Кыргызстанга алып келүү маселесинин үстүндө иштеп жатат.

98
Белгилер:
Индия, Кыргызстан, келин, бала, өлүм, ТИМ
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты
Алтын. Архив

Бажы кызматы Кытайга 17 фура алтын концентратынын чыгып кетиши боюнча үн катты

411
(жаңыланган 21:41 22.09.2021)
Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айткан.

БИШКЕК, 22-сен. — Sputnik. Мамлекеттик бажы кызматы депутат Аккулу Бердиевдин Чоң-Алай районундагы Алтын-Казык кенинен казылган алтын концентратын 17 фура менен Кытайга чыгарып кетишти деген билдирүүсү боюнча комментарий берди.

Анын айтымында, өткөн жылы "Эркеч-Там" бажысынан 17 фура алтын концентратын мыйзамсыз чыгарып кетип баратканда Финпол тарабынан токтотулуп, кылмыш иши козголгон.

"Кечээ, 21-сентябрда, кытайлар жаңылады деп "Эркеч-Там" менен "Достук" бажысы аркылуу чыгарып кетиптир. Министр, бажычылардын деңгээлиндеги коррупция токтобой жатат. Ал иш сотто экенине карабай "Кайди" компаниясы коррупциялык жолдор менен эскирген лицензиясын жаңылап алыптыр. Бажы кызматынын башчысы Самат Сатаровичке чалсам "мен билбей калыптырмын, балдар чыгарып жибериптир. "Эркеч-Тамдан" эмес, "Достуктан" өткөрүп поездге жүктөп кетиптир" дейт. Мындай боло берсе мамлекет оңолушу кыйын болот", — деген Бердиев.

Бажы кызматынан билдиришкендей, “тарифсиз жөнгө салуу чаралары колдонулган бажы операцияларын ишке ашырууда товарды алып кирүү жана чыгуу боюнча уруксат берилген эрежелерди жана Евразия экономикалык комиссиясынын 2015-жылкы чечимине ылайык иш алып барат”.

“Товарды киргизүү жана чыгаруу Кыргызстандын тиешелүү органдары уруксат берген документтин негизинде гана ишке ашырылат. Кыргыз өкмөтүнүн 2016-жылдын 24-мартындагы токтомуна ылайык, тиешелүү органдар "Гик Кайди" ЖЧКсына 2021-жылдын август айынан тарта Кыргызстандын сыртына флотациялык концентрат алып чыгууга уруксат берген. Бажы кызматкерлери жогорудагы уруксат документтерин көрүп туруп концентраттарды чыгаруу боюнча операцияны аткарышкан”, — деп айтылат билдирүүдө.

Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айтты.

Буга байланыштуу эл өкүлү башкы прокурор Курманкул Зулушевге кайрылып, ишти тыкыр текшерүүнү өтүндү.

411
Белгилер:
Кыргызстан, депутат, Мамлекеттик бажы кызматы, алтын, чек ара
Тема боюнча
Тонналап экспорттолчу. Кыргызстан июлда бир дагы грамм алтын саткан жок