Мугалим мектепте сабак учурунда. Архив

10 жыл иштеген мугалимдерге 1 млн. сом сый акы берүү сунушталууда

283
(жаңыланган 19:01 07.09.2021)
Мугалимдин макамы жөнүндө" мыйзам долбоорун депутаттар Абдывахап Нурбаев менен Жанар Акаев демилгелеп, коомдук талкууга чыгарды.

БИШКЕК, 7-сен. — Sputnik. Кыргызстанда мугалимдерди эмгеги үчүн акчалай сыйлоо сунушталып жатат.

"Мугалимдин макамы жөнүндө" мыйзам долбоорун депутаттар Абдывахап Нурбаев менен Жанар Акаев демилгелеп, коомдук талкууга чыгарды.

Мисалы, Олимпиадада жеңүүчү болгон окуучуну даярдаган мугалимге үч айлык окладын сыйлык катары берүү сунушталууда.

Мындан тышкары, жалпы билим берүү уюмдарында 10 жылдан кем эмес иштеген мугалимге бир жолу төлөнүүчү 10 000 эсептик көрсөткүч (1 миллион сом) боюнча сый акы берүү маселеси каралган. Анын тартиби министрлер кабинетинин чечими менен аныкталат.

Мыйзам долбоорунун максаты — жалпы билим берүү мекемелеринде иштеген мугалимдердин ишмердүүлүгүнө шыктандыруу жана социалдык-финансылык жактан колдоо болуп саналат.

Документтин толук версиясы менен Жогорку Кеңештин сайтынан таанышууга болот.

283
Белгилер:
Жогорку Кеңеш, Абдывахап Нурбаев, Жанар Акаев, мугалим, сый акы
Тема боюнча
Усеналиев: аралыктан окутуу жүргүзүлгөн эки жылда 1 700 сабак тартылды
Кыргызстандан эки эсе көп. Борбор Азиядагы Олимпиада жеңүүчүлөрүнүн сый акысы
Кабул аэропортунан учуп жаткан учак. Архив

Талибдер Кабул аэропорту бардык каттамдарды кабыл алууга даяр экенин айтты

3
(жаңыланган 19:08 26.09.2021)
Талибдер түзгөн Афганистандын убактылуу өкмөтүнүн Тышкы иштер министрлигинин өкүлү авиакомпанияларга кайрылуу жолдогон.

БИШКЕК, 26-сен. — Sputnik. "Талибан"* кыймылы Афганистандын борборундагы Кабул аэропорту ички жана эл аралык каттамдарды кабыл алууга толугу менен даяр экенин билдирди. Бул туурасында РИА Новости жазды.

Талибдер түзгөн Афганистандын убактылуу өкмөтүнүн Тышкы иштер министрлигинин өкүлү Абдул Кахар Балхи Twitter баракчасы аркылуу авиакомпанияларга кайрылуу жолдогон.

"Кабул эл аралык аэропортундагы көйгөйлөр чечилди, аба майдан ички жана эл аралык каттамдар үчүн толугу менен даяр. "Афганистан Ислам Эмирлиги" (талибдердин өзүн-өзү атап алган саясий системасы — ред.) бардык авиакомпаниялар менен кызматташууга даяр деп ишендирет жана буга чейин аткарып келген каттамдарын жандандырышына үмүт артат", — деди ТИМдин өкүлү.

Август айынын башында талибдер Афганистандын аскер күчтөрүнө чабуулун активдештирген. 15-августта Кабулду басып алып, анын эртеси согуш токтогонун жар салышкан. Августтун акыркы эки жумасы америкалык аскерлердин көзөмөлүндө болгон Кабул аэропортунан Батыштын жарандары жана алар менен кызматташкан афгандар массалык түрдө эвакуацияланган. 31-августка караган түнү дээрлик 20 жылга жакын Афганистанда болгон АКШ аскерлерин Кабул аэропортунан чыгарып кетишкен. Сентябрдын алтысында талибдер буга чейин баш ийбей келген, афгандык 34 провинциянын акыркысы Панжшер аймагын алдык деп билдирген. Эртеси күнү Мохаммад Хасан Ахунд башында турган Афганистандын убактылуу өкмөтүнүн курамы түзүлгөнү жарыяланды. Ал талибдердин биринчи жолу бийлик башкаруу учурунда тышкы иштер министри болуп иштеп, 2001-жылдан бери Бириккен Улуттур Уюмунун санкцияларында болуп келген.

* — Кыргызстанда жана башка мамлекеттерде тыюу салынган уюм

3
Белгилер:
'Талибан' кыймылы, Кабул, аэропорт
Тема:
Афган бийлиги менен талибдердин тиреши
Тема боюнча
Кабулдагы базада калган мекендештерди чыгарып... Кыргызстандык дипломаттын эрдиги
Саясат таануучу Өзбекстандын талибдерге көз карашы кандай экенин айтты
Ош шаарында туристик көргөзмө-жарманкеси башталганын мэриянын маалымат кызматы кабарлады

Мэр Мамбетов Ош шаарынын туристтик брендин түзүү ниетин билдирди

11
Калаа мэри Ош шаарын Улуу Жибек Жолу менен байланышкан брендин түзүү аркылуу туризмди жандандыруу ниетин ортого салды.

БИШКЕК, 26-сен. — Sputnik. Ош шаарында туристик көргөзмө-жарманкеси башталганын мэриянын маалымат кызматы кабарлады.

  • Выступление артистов на туристической выставка-ярмарке в городе Ош
    Ош шаарында туристик көргөзмө-жарманкеси башталганын мэриянын маалымат кызматы кабарлады
    © Фото / пресс-служба мэрии города Ош
  • Мэр Оша Алмаз Мамбетов и министр экономики и финансов КР Акылбек Жапаров на туристической выставка-ярмарке в городе Ош
    Анын алкагында бүгүн калаадагы мейманкалардын биринде "Жаңы шарттарда биргелешкен аракеттер менен туризмди өнүктүрүү. Кыргызстан-2021" аттуу Биринчи аймактык туристтик ири форум болду
    © Фото / пресс-служба мэрии города Ош
  • Мэр Оша Алмаз Мамбетов выступает на туристической выставка-ярмарке в городе Ош
    Анда шаар мэри Алмаз Мамбетов форумдун катышуучуларына "Ош шаарын — Улуу Жибек Жолунун туристтик кызмат көрсөтүүчү провайдери" катары резолюция кабыл алуу боюнча сунушун берген
    © Фото / пресс-служба мэрии города Ош
  • Люди в национальной одежде на туристической выставка-ярмарке в городе Ош
    Ошондой эле борбордук аянтта уюштурулган көргөзмө-жарманкеде туристтик компаниялар, жеке ишкерлер өз тармагын тааныштырып, өндүрүшчүлөр азык-түлүктөрүн көрсөтүшкөн
    © Фото / пресс-служба мэрии города Ош
  • Выступление артистов на туристической выставка-ярмарке в городе Ош
    Ал этномузыка, Болливуд жылдыздарынын бийлери, ата мекендик дизайнерлердин кийимдер көргөзмөсү, жергиликтүү ышкыбоздордун концерттик программасы менен коштолду.
    © Фото / пресс-служба мэрии города Ош
1 / 5
© Фото / пресс-служба мэрии города Ош
Ош шаарында туристик көргөзмө-жарманкеси башталганын мэриянын маалымат кызматы кабарлады

Анын алкагында бүгүн калаадагы мейманкалардын биринде "Жаңы шарттарда биргелешкен аракеттер менен туризмди өнүктүрүү. Кыргызстан-2021" аттуу Биринчи аймактык туристтик ири форум болду.

Анда шаар мэри Алмаз Мамбетов форумдун катышуучуларына "Ош шаарын — Улуу Жибек Жолунун туристтик кызмат көрсөтүүчү провайдери" катары резолюция кабыл алуу боюнча сунушун берген.

"Эки күндүк иш-чара шаарыбыздын туристтик багытына жана инвесторлорду тартуу иш-аракеттерибизге эбегейсиз чоң салым кошот. Тарыхый ордун эске алып Ош шаары Улуу Жибек Жолу менен байланышкан брендин түзүү аркылуу туризмди жандандырууга ниеттенүүдө. Менимче, өзүбүздүн туристтик продукт жана саякат маркабыз шаарыбызга жүз миңдеген туристтерди тартат. Мунун аркасында биз мурдагы улуулугубузду жандандырабыз жана чакан, орто бизнестин, жалпысынан өлкө экономикасынын өнүгүшүнө кубаттуу дем беребиз деп ойлойм. Анүчүн баарыбыз жапа тырмак шаардын тейлөө деңгээлин жана туристтик инфраструктурасын жакшыртуу үчүн аракеттерди көрөбүз", — деп айткан Мамбетов.

Ошондой эле борбордук аянтта уюштурулган көргөзмө-жарманкеде туристтик компаниялар, жеке ишкерлер өз тармагын тааныштырып, өндүрүшчүлөр азык-түлүктөрүн көрсөтүшкөн. Ал этномузыка, Болливуд жылдыздарынын бийлери, ата мекендик дизайнерлердин кийимдер көргөзмөсү, жергиликтүү ышкыбоздордун концерттик программасы менен коштолду.

Аталган форум жана көргөзмө-жарманке эртең да улантылат.

Мындай иш-чара Кыргызстанда алгачкы ирет болуп жатат. Аны Туризм департаменти жана Ош шаардык мэриясы эл аралык жана ата мекендик өнөктөштөрдүн колдоосу менен уюштурууда.

11
Белгилер:
Ош шаары, көргөзмө, жарманке, форум, турист
Тема боюнча
Бишкектин чок ортосуна көчмөндөр айылы курулду. Этнофестивалдан ирмемдер