Кыргызстан менен Бангладеш футболдук мелдеши учурунда кол суроо

Футболдо кызынын колун сураган Азамат: милиция кармап, тоскоолдуктар көп болду. Видео

1184
(жаңыланган 23:26 07.09.2021)
Азамат беттештин биринчи таймы аяктаган соң трибунанын чыгыш тарабына "Жибек, мага турмушка чыгасыңбы?" деген чоң жазуусу бар плакатты жайып, кызына кучак толо гүл берген.

БИШКЕК, 7-сен. — Sputnik. Кыргызстан менен Бангладеш командаларынын футболдук мелдеши учурунда Жибек аттуу сүйлөшкөн кызынын колун сураган Азамат Sputnik Кыргызстан агенттигинин кабарчысына идея кандайча жаралганын, аны ишке ашырууда кабылган кыйынчылыктарды айтып берди.

"Биринчиден, менин атам бул жакта иштейт. Эң жакын досторумдун бири Абай Боколеев курама командада футбол ойноп жатат. Мен кызымдын колун кантип өзгөчө кылып сурасам деп ойлоп жатсам, ал "футбол учурунда сунуш киргиз" деп калды. Абдан толкундандым, тоскоолдуктар дагы болбой койгон жок. 15-20 мүнөт мурда укук коргоо органдары кармап алды. Мен фейерверк аттырып, мындан да өзгөчө, кооз кылууну ойлогом. Бирок андай кылганга болбойт экен. Элдикинен башкача ыкма менен сунуш киргизейин деп ушундай идея жаралды. Мен сени абдан жакшы көрөм", — деп жанындагы сүйлөшкөн кызын карады.

Жибек кабарчынын "сунушту кабыл алдыңызбы?" деген суроосуна күлүп, "ойлонуп көрөм" деп жооп берген.

  • Предложение руки и сердца на трибунах стадиона во время матча Кыргызстан — Бангладеш, в рамках Кубка трех наций. 07 сентября 2021 года
    Жибек кабарчынын "сунушту кабыл алдыңызбы?" деген суроосуна күлүп, "ойлонуп көрөм" деп жооп берген
    © Sputnik / Табылды Кадырбеков
  • Кыргызстан менен Бангладеш футболдук мелдеши учурунда чоң жазуусу бар плакатты
    Белгилей кетсек, беттештин биринчи таймы аяктаган соң трибунанын чыгыш тарабында Азамат "Жибек, мага турмушка чыгасыңбы?" деген чоң жазуусу бар плакатты жайган
    © Sputnik / Табылды Кадырбеков
  • Предложение руки и сердца на трибунах стадиона во время матча Кыргызстан — Бангладеш, в рамках Кубка трех наций. 07 сентября 2021 года
    Футбол көрүүчүлөрү "Жибек" деп кыйкырышкан. Андан соң жигит кызына кучак толо гүл берип, колун сураган
    © Sputnik / Табылды Кадырбеков
1 / 3
© Sputnik / Табылды Кадырбеков
Жибек кабарчынын "сунушту кабыл алдыңызбы?" деген суроосуна күлүп, "ойлонуп көрөм" деп жооп берген

Белгилей кетсек, беттештин биринчи таймы аяктаган соң трибунанын чыгыш тарабында Азамат "Жибек, мага турмушка чыгасыңбы?" деген чоң жазуусу бар плакатты жайган. Футбол көрүүчүлөрү "Жибек" деп кыйкырышкан. Андан соң жигит кызына кучак толо гүл берип, колун сураган.

Бүгүнкү Кыргызстан менен Бангладештин ортосундагы жолдоштук беттеште кыргызстандык футболчулар 4:1 эсеби менен жеңип, "Үч улуттун кубогу" жолдоштук мелдешинин жеңүүчүсү аталды.

1184
Белгилер:
Кыргызстан, Бангладеш, кыз, жигит, сунуш, кол суроо, сүрөт, видео
Тема боюнча
Бали! Кыргызстандык футболчулар Бангладеш командасын 4:1 эсеби менен жеңди
Стадиондо футбол көрүп, спортчуларды колдоп отурган Садыр Жапаров. Сүрөт
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

50
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

50
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Милиция кызматкерлери. Архив

Бишкек: заводдун аймагынан бомба табылган жок. Ишти эми УКМК изилдейт

102
(жаңыланган 22:33 20.09.2021)
Атын атагысы келбеген киши милицияга саат 14:50 чамасында чалып, имаратка бомба коюлгандыгын кабарлаган.

БИШКЕК, 20-сен. — Sputnik. Борбор калаадагы Фрунзе атындагы заводдун аймагынан бомба табылган жок. Бул тууралуу Ленин райондук милициясынан кабарлады.

"Калп айтып, коомчулукту дүрбөткөн факты Ленин райондук ИИБине катталды. Чогултулган материалдар эми УКМКга өткөрүп берилет", — деп айтты маалымат кызматынан.

Аталган жайга бомба коюлду деген кабар милицияга саат 14:50 чамасында келип түшкөн.

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен. Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери да барган.

102
Белгилер:
Кыргызстан, Бишкек, бомба, жалган маалымат
Тема боюнча
Бишкекте Фрунзе заводунун аймагынан бомба издеп жатышат