Коронавирус кесепетинен улам өйдөлөгөн эки тармак. Статистикалык маалымат

© Sputnik / Алексей Даничев / Медиабанкка өтүүФармацевтикалык компаниянын кызматкерлери иш учурунда. Архив
Фармацевтикалык компаниянын кызматкерлери иш учурунда. Архив - Sputnik Кыргызстан, 1920, 08.09.2021
Жазылуу
Статистика боюнча мамлекеттик комитет 2020-жылы Кыргызстандагы өксүгөн жана өйдөлөгөн тармактар боюнча маалымат берди.

БИШКЕК, 8-сен. — Sputnik. Кыргызстанда өткөн жылы өндүрүш мурдагы жылга салыштырмалуу жалпысынан бир топ төмөндөп кетсе, болгону эки тармакта көбөйгөн. Бул тууралуу Статистика боюнча мамлекеттик комитеттен билдирди.

Сандар менен алсак, мурдагы жылга салыштырмалуу фармацевтикалык продукцияларды өндүрүүнүн көлөмү эки эсеге жана химиялык продукцияныкы 40 пайызга өскөн.

"Фармацевтика продукцияларын өндүрүү көлөмүнүн былтыркы жылга салыштырмалуу өсүшү жараат таңуучу материалдарды, кетгут жана ушул сыяктуу материалдарды, биринчи жардам кутучаларын өндүрүү (18 эсеге), дары (30 пайыз), ветеринардык вакцина (7 эсеге) өндүрүү көлөмүнүн жогорулашы менен шартталды. Химиялык продукцияларды өндүрүү негизинен кычкылтек, башка парфюмердик жана косметикалык продукцияларды (антисептикалык каражаттар) өндүрүү көлөмүнүн өсүшүнөн улам болду", — деп айтылган маалыматта.

2020-жылы иштетүүчү өнөр жайында өндүрүлгөн продукциялардын көлөмү 266 миллиард сомдон көбүрөөгүн түзгөн.

Иштетүүчү өнөр жайынын түзүмүндө эң чоң үлүш негизги металлдарды (72 пайыз) жана тамак-аш продукцияларын (ичимдиктерди кошкондо), тамеки буюмдарын (13 пайыз) өндүрүүгө туура келген.

Таластагы Киров суу сактагычы - Sputnik Кыргызстан, 1920, 06.09.2021
Былтыр өлкөдө электр энергиясы 1,9 пайызга көбүрөөк өндүрүлдү
Былтыркы жылга салыштырмалуу кайра иштетүү өнөр жайынын көлөмүнүн төмөндөшү негизинен мунай продукцияларын, кийим, башка металл эмес минералдык продуктуларды, тамак-аш өндүрүү, ошондой эле негизги металлдарды өндүрүү көлөмүнүн кыскарышы менен шартталды.

Жеңил өнөр жай. 2020-жылы текстиль, кийим, бут кийим, булгаары жана булгаарыдан жасалган башка буюмдарды өндүрүү көлөмү 22 пайызга азайган;

Мунайзат. Бул продукцияларын өндүрүү көлөмү мурдагы жылга салыштырмалуу 59 пайызга кыскарып кеткен. Кыргызстандыктардын ары-бери катташына кара жолго байланыштуу болгондугун эске алсак, бензин чыгаруунун азайышы элдин капчыгына бир топ зыян келтирген. Башкача айтканда, бензин өндүрүү 87 пайыз, ал эми дизелдик май 29 пайыз, мазут өндүрүшү 25 пайызга азайган;

Тамак-аш. Бул тармактагы төмөндөө канттын, өсүмдүк жана малдын майын, ун, нан азыктарын өндүрүү көлөмүнүн азайышынын эсебинен болгон;

Кен байлыктар. 2020-жылы өндүрүштүн 18 миллиард сомдон көбүрөөк болгону менен салыштыра келгенде бул тармак да аксаган. Металл рудаларын жана башка пайдалуу кендерди казуунун көлөмү азайган;

Нарын облусундагы үй. Архив - Sputnik Кыргызстан, 1920, 05.09.2021
Мигранттардын акчасы өлкөдөгү жакырчылыкка канчалык таасир этет. Статистика
Электр энергия, газ, буу жана кондицияланган аба менен камсыздоо. Бул тармакта өсүш болгон. Сумма 38 миллиард сомго жакын болуп, өндүрүү көлөмү арбыган. Бул электр энергиянын иштеп чыгып, бөлүштүрүүнүн, газ жана газ үлгүсүндөгү отунду бөлүштүрүүнүн, жылуулук энергиясы менен камсыздоонун көбөйүшүнө байланыштуу болгон;

Башка тармактар. Былтыркы жылга салыштырмалуу негизги металлдардын өндүрүү көлөмүнүн азайышы асыл (баалуу) металлдардын өндүрүшүнүн 4 пайызга кыскарышына байланыштуу болду;

Башка металл эмес минералдык продукцияларды өндүрүү көлөмү 2019-жылга салыштырмалуу төмөндөшүнө башка тармактын аксаганы себеп болгон. Тагыраагы, цемент менен айнектен жасалган буюмдарды өндүрүү түшүп кеткен.

Жаңылыктар түрмөгү
0