Намаз окуп жаткан адам. Архив

Өзүм да, үй-бүлөм да кыйналды... "Хизб ут-Тахрир" уюмунан чыккандардын видеосу

144
(жаңыланган 13:21 08.09.2021)
Учурда облус аймагында 485 адам "Хизб ут-Тахрир" диний экстремисттик уюмунун мүчөсү катары каттоого алынган. Милиция түшүндүрүү иштери жүргүзүлүп жатканын айтты.

БИШКЕК, 8-сен. — Sputnik. Жалал-Абаддын Сузак районунун үч тургуну "Хизб ут-Тахрир" диний экстремисттик уюмунан баш тартты. Бул тууралуу Облустук милициянын маалымат кызматы кабарлады. 

Аларга Жалал-Абад ОИИБ менен Сузак РИИБдин Экстремизмге жана мыйзамсыз миграцияга каршы аракеттенүү кызматы түшүндүрүү иштерин жүргүзгөн. Жарандар буга чейинки кадамдары туура эмес экендигин билдирип, мындан ары мыйзамдуулукту сактоого сөз беришкен.

"2014-жылы "Хизб ут-Тахрир" диний экстремисттик уюмуна мүчөлүккө айыпталып беш жылга камалып чыктым. Мен дагы, үй-бүлөм дагы кыйналды. Ушундан жыйынтык чыгардым. Учурда бул уюмду колдобойм. Башка жаштарга дагы булардын катарына кошулууну сунуштабайм", — деп жарандардын бири билдирди.

Облустук милиция жыл башынан бери 16 адам тыюу салынган уюмдан баш тартканын кошумчалады. Ошондой эле бул жаатта чет элдик жарандарга (студенттерге), жогорку жана орто билим берүү мекемелерине, жергиликтүү бийлик өкүлдөрүнө, укук коргоо кызматкерлерине, бейөкмөт уюмдарга жана башкаларга түшүндүрүү иштери жүргүзүлгөн.

Учурда облус аймагында 545 адам Экстремизмге жана мыйзамсыз миграцияга каршы аракеттенүү кызматынын каттоосунда турат. Анын 485и "Хизб ут-Тахрир" диний экстремисттик уюмунун мүчөсү деп табылган.

144
Белгилер:
Жалал-Абад облусу, экстремизм, баш тартуу
Тема боюнча
Базар-Коргон: диний-экстремисттик уюмга мүчө-депутат 5 жылга камалды
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

92
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

92
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты
Жаратылыш. Архив

Дүйшөмбүгө карата аба ырайы

15
27-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-сен. — Sputnik. Дүйшөмбү, 27-сентябрда, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Ысык-Көл, Нарын өрөөндөрүндө +22...+27, Таласта +20...+25, Ош, Жалал-Абад жана Баткен облустарында +24...+29 градус болору айтылды.

Күндүн табы Бишкекте +25...+27, Ош калаасында +27...+29 градуска көтөрүлөт.

15
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы