Котельныйда иштеген жумушчу. Архив

Мэрия: жакынкы эки жылда Бишкектин мектептери газ менен жылытууга өткөрүлөт

77
(жаңыланган 13:54 09.09.2021)
Бир жылытуу сезонунда Бишкектин мектептерине 3 600 тонна көмүр каралган. Шаардагы экологиялык абалды жакшыртуунун алкагында эки мектеп газга өткөрүлгөн.

БИШКЕК, 9-сен. — Sputnik. Буга чейин көмүр менен жылытылып келген Бишкектин мектептери 2022-2023-жылдар аралыгында жаратылыш газы менен жылытууга өткөрүлөт. Бул тууралуу мэриянын маалымат кызматы билдирди.

Муниципалитеттен билдиргендей, жалпы билим берүүчү 41 мектептин 10у электр кубаты, 18и көмүр, 11и газ жана эки мектеп буу менен жылытылат.

"Баш калаанын экологиялык абалын жакшыртуу боюнча 2021-2023-жылдарга карата комплекстүү чаралардын планын ишке ашыруунун алкагында №21 мектеп-интернаты көмүрдөн жаратылыш газына, быйылкы жылы №19 орто мектеби газга өткөрүлдү. Калган мектептерди жакынкы эки жылда газга өткөрүү пландалып жатат", — деп айтылат маалыматта.

План боюнча бир жылытуу сезонуна 3 600 тонна көмүр каралганын шаардык башкармалыктан маалымдашты. Быйылкы жылга тендер өткөрүлүп, көмүр жеткирүүчүлөр менен келишимдер түзүлгөн. Ага ылайык, көмүр октябрдан тарта жеткириле баштайт.

"Биз жергиликтүү күрөң көмүр сатып алабыз, анын күн нуруна жарака кетип, майдаланып кала турган сапаты бар. Эгер суу кирсе, өзүнөн өзү күйүп кетиши да мүмкүн", — деп айтылат билдирүүдө.

Мэрия жаратылыш газы менен жылытууга өтүүдө экология сакталарын кошумчалайт.

77
Белгилер:
Бишкек мэриясы, табигый газ, мектеп, жылытуу маалы
Тема боюнча
Жаңы мектеп ачылары күтүлүүдө. Бишкекте кыргыз-түрк бизнес-форуму өтөт
Кыргызстандык окуучулар мектепте бет кап тагынышы керекпи? Расмий жооп
Топурак аралашкан учур болгон. Бийлик көмүрдүн сапаты катуу текшерилерин айтты
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

9
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

9
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты
Жаратылыш. Архив

Дүйшөмбүгө карата аба ырайы

5
27-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-сен. — Sputnik. Дүйшөмбү, 27-сентябрда, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Ысык-Көл, Нарын өрөөндөрүндө +22...+27, Таласта +20...+25, Ош, Жалал-Абад жана Баткен облустарында +24...+29 градус болору айтылды.

Күндүн табы Бишкекте +25...+27, Ош калаасында +27...+29 градуска көтөрүлөт.

5
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы